Fréttablaðið - 30.04.2010, Blaðsíða 41

VERA SMÁ
komum við ekki út úr þessu gjaldþrota. Það er eitt
af markmiðunum, að geta gert þetta, haft gaman og
haft efni á því.“
Slógust í blóðugu myndbandi
Who Knew sendi nýlega frá sér blóðugt myndband
við lagið We Do. Myndbandið er unnið
af Áströlunum Josh Aylett og Chris
Cooper, en þeir ferðast um heim-
inn, framleiða myndbönd frítt
gegn því að fá gistingu á
hverjum stað fyrir sig.
Baldur : „Þetta var
skemmtilegt ferli. Við
ákváðum að fara alveg
all in commercial – bara
hvað selur? Það var
annaðhvort kynlíf eða
ofbeldi. Þetta eru allt
myndarlegir strákar, en
ef við hefðum valið kynlíf
hefði æfingin daginn eftir
orðið vandræða-
leg.“
Ármann: „Og
bara framtíðar-
samstarfið.“
Þið lemjið hver annan í klessu í myndbandinu.
Eruð þið eitthvað klikkaðir?
Baldur: „Þetta fór aðeins lengra en við ætluðum
okkur. Þetta byrjaði á því að við vorum að trufla og
slá hver annan. Svo vatt þetta upp á sig.“
Þeir byrja allir aða tala hver upp í annan og lýsa
því hvernig áfengi og persónulegur ágreiningur varð
til þess að myndbandið breyttist óvænt í blóðbað.
Nokkrum glóðaraugum, blóðnösum og tveimur
sprungnum hljóðhimnum síðar var myndbandið svo
tilbúið og komið á Netið. Ég hvet fólk til að fletta
því upp á Youtube.
Þið neitið sem sagt að þið séuð klikkaðir, þetta
gerðist bara óvart?
Hilmir Berg: „Nei, við hljótum að vera smá klikkaðir,
fyrst við gerðum þetta?“
Baldur: „Eigum við ekki að segja það? Það selur
líka.“
(allir hlæja)
Snorri: „Allt sem við gerum, öll viðtöl og svona,
leysast upp í eitthvað bull. Þetta verður svo súrt. Alveg
eins með myndbandið, við sáum þetta fyrir.“
Hinar spurningarnar
Mynduð þið taka þátt í raunveruleikaþætti sem sner-
ist um að þið þyrftuð allir að berjast um ást einnar
stúlku ef þátturinn myndi kynna hljómsveitina um
allan heim?
Allir: „Já,já,já.“
Athyglin beinist fljótt að trommaranum Jóni Vali,
sem er kvennaljómi hljómsveitarinnar. Örugglega
eini trommari heims sem er vinsælli hjá stelpunum en
söngvarinn og gítarleikarinn. Fyrir utan Phil Collins.
Ármann: „Jón Valur yrði bara drepinn frekar
snemma.“
Hilmir Berg: „Eða bara kosinn út?“
Baldur: „Eða sýru hellt yfir andlitið á honum.“
Jón Valur: „Ég vil ekki taka þátt í þessu lengur!“
Who Knew er einnig lag eftir söngkonuna Pink.
Dragið þið nafn ykkar frá laginu?
Ármann: „Já.“
Baldur: „Er ekki fyndnast að segja það? Alltaf
þegar fólk flettir upp Who Knew á Netinu fær
það bara Pink.“
Hilmir Berg: „Var ekki einhvern tíma draumur
að hita upp fyrir Pink?“
Ármann: „Það væri geðveikt. Taka lagið Who
Knew.“
Baldur: „Við ætlum bara að segja það núna
opinberlega. Við viljum hita upp fyrir Pink. Þannig
að Pink, ef þú ert að lesa þetta …“
Hvaða áhrif hefur eldgosið í Eyjafjallajökli
haft á hljómsveitina?
Jón Valur: „Platan okkar situr föst úti og
við erum með hlustunarpartí á föstudaginn
[í kvöld].“
Baldur: „Við ffrumsýnum, eða frumheyrum,
plötuna í partíi á Karamba og hún verður
ekki til sölu.“
Platan er engu síður tilbúin og kemur til
landsins við fyrsta tækifæri. Who Knew fagn-
ar útgáfu plötunnar Bits And Pieces of a Major
Spectacle með tónleikum á Sódómu 5. maí ásamt
Sudden Weather Change og Jan Mayen.
„BARA HVAÐ SELUR? ÞAÐ VAR ANNAÐHVORT KYNLÍF EÐA OFBELDI. ÞETTA
ERU ALLT MYNDARLEGIR STRÁKAR, EN EF VIÐ HEFÐUM VALIÐ KYNLÍF HEFÐI
ÆFINGIN DAGINN EFTIR ORÐIÐ VANDRÆÐALEG.“
tíma, komið reglulega fram í gegnum tíðina, sent frá sér lög en aldrei
s of a Major Spectacle er væntanleg til landsins þegar eldgosið í Eyja-
xley, Jón Valur og Hilmir geta ekki fylgt plötunni mikið eftir á Íslandi
þeir verða í allt sumar. Popp hitti strákana og ræddi um plötuna,