Fréttablaðið - 30.04.2010, Blaðsíða 20

20 30. apríl 2010 FÖSTUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
MENNING: Páll Baldvin Baldvinsson fulltrúi ritstjóra pbb@frettabladid.is HELGAREFNI: Anna Margrét Björnsson amb@frettabladid.is og Sigríður Björg Tómasdóttir sigridur@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
Þjóðin og
Alþingi
Tryggvi
Gíslason
fyrrverandi
skólameistari
Menntaskólans á
Akureyri
HALLDÓR
SKOÐUN
Steinunn
Stefánsdóttir
steinunn@frettabladid.is
Þegar talað er um nýtt Ísland og nýtt lýð-
veldi á Íslandi er verið að óska eftir réttlát-
ara þjóðfélagi þar sem heiðarleiki kemur í
stað spillingar og lýðræði í stað flokksræð-
is. Með lýðræði er átt við lögbundinn rétt
hvers einstaklings til þess að hafa áhrif á
stjórn landsins og að allir séu jafnir fyrir
lögunum.
Lög lands eiga að tryggja lýðræði á
grundvelli þriggja meginstoða siðaðs sam-
félags: frelsis, jafnréttis og bræðralags, en
með bræðralagi er átt við virðingu fyrir
öllum einstaklingum, mannvirðingu án til-
lits til landamæra, litarháttar, skoðana eða
trúarbragða.
Form lýðræðis er mikilsvert. Skiln-
ingur á lýðræði er ekki síður mikilsverð-
ur. Atkvæðagreiðsla á fjögurra ára fresti
tryggir ekki lýðræði. Það gerir aðeins
skilningur á lýðræði og lýðræðisleg hugsun.
Til þess að treysta lýðræði þarf að taka upp
kennslu í lýðræðislegri hugsun og lýðræðis-
legum starfsháttum í skólum landsins. Vísir
að slíkri kennslu er þegar í sumum leik-
skólum og grunnskólum og nokkrum fram-
haldsskólum. En betur má ef duga skal. Ein
helsta von til þess að endurreisa traust og
virðingu í samfélaginu og tryggja framtíð
þjóðarinnar er góð menntun – góðir skólar.
Þjóðin þarf á að halda traustum stjórn-
málaflokkum - stjórnmálamönnum sem
unnt er að treysta. Til þess að þjóðin geti
borið traust til stjórnmálamanna, stjórn-
málaflokka og fulltrúa á Alþingi þurfa
stjórnmálamenn, stjórnmálaflokkar og
alþingismenn, karlar og konur, að vera sér
þess meðvituð, að Alþingi þiggur vald frá
þjóðinni: að uppruni valdsins er hjá þjóð-
inni.
Til þess að tryggja lýðræði á Íslandi eftir
áföll síðustu missera þarf að halda sérstakt
stjórnlagaþing sem kjörið er persónukjöri
með landið allt sem eitt kjördæmi. Stjórn-
lagaþingið semur frumvarp að nýrri stjórn-
arskrá sem hæfi kröfum tímans og tryggi
frelsi allra, jafnrétti á öllum sviðum og ský-
lausa þrískiptingu valds. Frumvarp stjórn-
lagaþingsins að nýrri stjórnarskrá – nýjum
grundvallarlögum – yrði síðan lögð fyrir í
þjóðaratkvæði.
Fyrsta grein í stjórnarskrá nýs lýðveld-
is á að fjalla um mannvirðingu og mann-
réttindi og önnur greinin um að endanlegt
vald sé hjá þjóðinni. Síðan komi þau atriði
er varða form lýðræðis í nýju lýðveldi á
Íslandi.
Lýðræði er hugsun
Námskeið um ræktun matjurta
og kryddjurta til heimilisnota
Heiður Björnsdóttir kennir hvernig rækta má
grænmeti og kryddjurtir með lítilli fyrirhöfn!
www.heilsuhusid.is
kl. 19:30 - 22:30
Miðvikud. 5. maí
Heilsuhúsinu Lágmúla
Áhugasamir skrái sig á
lagmuli@heilsuhusid.is
eða í síma 578 0300
kl:10 -18 alla virka daga.
Verð kr. 4.500.-
NÝTTNÁMSKEIÐ5. MAÍ
Áhrifalausir
Björgólfur Guðmundsson, Jón Ásgeir
Jóhannesson og Hreiðar Már Sigurðs-
son eru ekki gleymdir erlendum fjöl-
miðlum þótt íslenska bankakerf-
ið sé rústir einar. Þeir komust
á lista bandaríska tímaritsins
Time yfir 100 áhrifaminnstu
menn í heimi árið 2010. Farið
er háðulegum orðum um þá
alla.
Fræg miðstjórn
Miðstjórn Besta
flokksins hittist í vik-
unni. Í henni sitja
þrír menn, hver
öðrum frægari:
Þetta eru Jón Gnarr, Einar Örn Bene-
diktsson og Óttarr Proppé. Þeir eru
að skipuleggja lokahnykkinn á kosn-
ingabaráttu Besta flokksins. Jón Gnarr
hefur þegar lofað öllum borgar-
búum því að þeir fái ókeypis
í sund og ókeypis handklæði
ef þeir kjósa flokkinn. Hann
vill líka skjóta kindurnar í
Húsdýragarðinum og bjóða
borgarbúum í grillveislu. Ný
kosningaloforð eru á leiðinni
næstu daga.
Tækifæri?
Ásbjörn Óttars-
son, þingmaður
Sjálfstæðis-
flokksins, lýsti áhyggjum af agaleysi í
ríkisfjármálum á Alþingi í gær. Hann
er þekktur fyrir nýjar lausnir í erfiðri
fjárhagsstöðu og fann frumlega leið
út úr erfiðleikum eigin fyrirtækis.
Þegar tap þess var gríðarlegt greiddi
Ásbjörn sjálfum sér
milljónir í arð.
Kannski geta
skattgreiðend-
ur nú fylgt því
fordæmi og greitt
sér arð af tapinu á
ríkissjóði?
peturg@frettabladid.isG
óðar fréttir bárust í gær þess efnis að 91 prestur og
guðfræðingur hefðu lagt tillögu fyrir prestastefnu um
að giftingar samkynhneigðra yrðu leyfðar innan þjóð-
kirkjunnar. Verri fréttir bárust svo síðar um daginn;
tillagan var ekki samþykkt heldur önnur sem vísar
umfjöllun um málið til biskups og kenninganefndar, tillögu hinna
framsýnu presta og guðfræðinga og tillögu séra Geirs Waage þess
efnis að Alþingi létti af prestum Þjóðkirkjunnar umboði til þess að
vera vígslumenn í skilningi hjúskaparlaga.
Íslendingar eru stoltir af að
hér ríkir almennt frjálslegt við-
horf til kynhneigðar. Það er í
takt við þennan frjálslynda anda
að Ísland skipi sér í hóp þjóða og
ríkja sem samþykkt hafa ein hjú-
skaparlög fyrir alla. Frumvarp
þess efnis hefur þegar verið lagt
fram á Alþingi enda kveður á um
það í stefnuyfirlýsingu ríkisstjórnarinnar að lögfest verði ein hjú-
skaparlög sem gildi fyrir alla. Tillaga hinna fjölmörgu presta og
guðfræðinga sem fyrir prestastefnunni lá í gær var líka í þessum
anda. Það væri á sama hátt í anda þessarar frjálslyndu hugsunar
að íslenska Þjóðkirkjan fagnaði þessari lagasetningu.
Það er stjórnarskrárvarinn réttur að allir séu jafnir fyrir lögum
og njóti mannréttinda. Hlutverk Þjóðkirkju hlýtur að vera að taka
fullt mið af þessum stjórnarskrárvarða rétti og taka á móti öllum
þegnum landsins og bjóða þá velkomna til að þiggja þjónustu henn-
ar og blessun.
Litið er á hjónabandið sem eina af mikilvægustu grunneining-
um samfélagsins. Það hefur ekki breyst þó að fjölskyldur séu nú á
dögum mun fjölbreytilegri en áður tíðkaðist. Hjón eiga iðulega ekki
öll börn sín saman og stundum engin börn, eða engin börn saman
en mörg hvort í sínu lagi. Það sama á við um samkynhneigð pör.
Samfélagslega er þannig enginn munur á hjónabandi karls og konu
og staðfestri samvist samkynhneigðs pars.
Það er því löngu tímabært að Þjóðkirkja Íslendinga svari því
kalli tímans að líta sömu augum á hjónabandið hvort heldur að til
þess er stofnað af tveimur einstaklingum hvort af sínu kyni eða af
sama kyni.
Ef kirkjunnar menn treysta sér hins vegar ekki til að ganga alla
leið í því að tryggja samkynhneigðum sömu mannréttindi og gagn-
kynhneigðum má skoða það að skilja að stofnun hjónabandsins fyrir
lögum annars vegar og blessun þess í kirkjunni hins vegar, eins
og tillaga Geirs Waage gengur út á og tíðkast í mörgum löndum,
sérstaklega kaþólskum. Það leysir hins vegar ekki Þjóðkirkjuna frá
því að taka á móti öllum börnum sínum, samkynhneigðum jafnt sem
gagnkynhneigðum, og veita þeim sambærilega blessun.
Geir Waage segir í frétt í blaðinu í dag að prestar Þjóðkirkjunnar
muni vissulega fara að lögum, komi til þess að ein hjúskaparlög
gildi um alla. Það er þó ekki nóg því Þjóðkirkjan verður að fara
að lögunum af heilum hug og sannfæringu. Annars er hún ekki
sú kirkja þjóðarinnar sem Þjóðkirkja verður að vera, kirkja fyrir
alla.
Ein hjúskaparlög gildi fyrir alla:
Prestastefna
móast við