Fréttablaðið - 27.05.2010, Blaðsíða 12

12 27. maí 2010 FIMMTUDAGUR
Þegar litið er á svör oddvita flokk-
anna í Reykjavík við spurningum
Fréttablaðsins kemur í ljós að það
sem sameinar þá helst er áhersla
á atvinnuuppbyggingu. Um 11 pró-
senta atvinnuleysi er í höfuðborg-
inni og flokkarnir hyggjast allir
bregðast við því á einn eða annan
máta. Atvinnumálin, ásamt vel-
ferðarmálunum, virðast því vera
höfuðmál kosninganna. Málið er
þó ekki svo klippt og skorið og
innkoma Besta flokksins hefur
hleypt hlutunum upp. Ný staða
er komin upp sem enginn, hvorki
aðrir stjórnmálamenn né fjöl-
miðlamenn, virðast vita hvernig
á að höndla.
Þannig veit enginn hvort nýtt
stjórnmálaafl, sem hefur í fáu
svarað mörgum lykilspurningum
um hvernig standa eigi að stjórn
borgarinnar, verður í hreinum
meirihluta eftir laugardaginn
eða ekki. Fylgið hefur aukist jafnt
og þétt eftir því sem liðið hefur
á kosningabaráttuna. Ósagt skal
látið hvað veldur þessari stöðu,
enda er það kannski aukaatriði
þegar að er gáð.
Þess vegna er erfitt að setja
kosningabaráttuna í Reykjavík nú
undir hefðbundið mæliker stjórn-
málanna. Fólk vill eitthvað annað
en verið hefur, hver sem skilaboð-
in á bak við það eru. Stjórnmála-
menn kvarta yfir því að erfitt sé
að ræða um alvöru stjórnmál, en
kannski er það til marks um að of
oft hafa stjórnmálamenn bankað
upp á rétt fyrir kosningar í slíkt
spjall, en gleymt því fljótlega upp
úr því. Hvernig sem fer hljóta
stjórnmálamenn að hugsa sinn
gang.
Fái enginn einn flokkur meiri-
hluta í kosningunum um helgina
má búast við því að upphefjist
mikill stjórnarmyndunarkapall.
Ein staða gæti verið sú að gömlu
flokkarnir tækju höndum saman
gegn þeim nýja. Nái Besti flokk-
urinn mun færri mönnum inn en
spáð er opnast staðan upp á gátt
og ýmis stjórnarmynstur koma til
greina.
Það er því óvíða jafn mikil
óvissa um niðurstöðu kosninga
og í Reykjavík. Sundrung og órói
einkenndi fyrrihluta yfirstand-
andi kjörtímabils. Tólf ára valda-
skeið Reykjavíkurlistans rann sitt
skeið og við tóku fjórir meirihlut-
ar á tveimur árum. Allir fengu að
vera í meirihluta um skeið. Síðan
núverandi meirihluti tók við, í
ágúst 2008, hefur meiri stöðug-
leiki ríkt.
Margt á huldu um viðræður
Síðustu kosningar voru um margt
sögulegar. Reykjavíkurlistinn
hafði setið við völd í tólf ár, en
bauð ekki fram. Flokkarnir sem
að honum stóðu buðu sig fram
hver í sínu lagi. Sjálfstæðismenn
eygðu því raunhæfan möguleika á
að komast til valda í borginni á ný,
nokkuð sem var þeim mjög mikil-
vægt. Sigur vinstri manna árið
1994 var flokknum áfall og enn
frekar að ná borginni ekki á ný.
Þegar í ljós kom að flokkurinn
hafði ekki náð hreinum meirihluta
hóf hann viðræður við aðra full-
trúa, þá Björn Inga Hrafnsson
Framsóknarflokknum og Ólaf F.
Magnússon, fyrrum borgarfull-
trúa Sjálfstæðisflokksins, en nú
fulltrúa Frjálslyndra og óháðra.
Margt er enn á huldu með gang
þeirra viðræðna og ásakanir
hafa gengið á víxl um hver sleit
hverju; staðreyndin er hins vegar
sú að Sjálfstæðis- og Framsóknar-
flokkur náðu saman um myndun
meirihluta. Vilhjálmur Þ. Vil-
hjálmsson, oddviti flokksins, varð
borgarstjóri og Björn Ingi, oddviti
Framsóknarflokksins, formaður
borgarráðs.
REI fellir meirihlutann
Ekki bólaði á öðru en samstarf-
ið gengi vel, í það minnsta voru
forráðamenn flokkanna ósparir á
yfirlýsingar þess efnis. Það voru
hins vegar áætlanir um orkuútrás
sem urðu meirihlutanum að falli.
Í október var tilkynnt um fyrir-
hugaða sameiningu Geysis Green
Energy, sem var í eigu FL Group
og Glitnis, og Reykjavík Energy
Invest, dótturfélags Orkuveit-
unnar. Markmiðið var að sam-
eina krafta fyrirtækjanna í orku-
útrás.
Fljótlega fór að bera á óánægju
með hugmyndirnar og fregnir af
rétti starfsmanna OR til hluta-
bréfakaupa í REI, sérstaklega
þar sem nokkrir starfsmenn áttu
að fá að kaupa mun stærri hlut en
aðrir. Því var spáð að verð hluta-
bréfanna myndi hækka til muna.
Listi yfir þá starfsmenn var
lagður fram á eigendafundi 3.
október og staðfestu Svandís Svav-
arsdóttir, borgarfulltrúi Vinstri
grænna, og Guðmundur Þórodds-
son, forstjóri REI, það. Vilhjálm-
ur borgarstjóri sagðist hins vegar
ekki hafa séð þennan lista.
Fulltrúar minnihlutans í borg-
arstjórn gagnrýndu þessar hug-
myndir harðlega og málið varð
áberandi í fjölmiðlum. Ljóst var
að það var meirihlutanum þung-
ur ljár í þúfu og lítil samstaða var
innan hans um málið.
Fulltrúar meirihlutans ætluðu
að hittast á fundi í Höfða klukk-
an 14 þann 11. október. Fyrr um
morguninn hafði forseti borgar-
stjórnar, Björn Ingi Hrafnsson,
hins vegar setið fund með fulltrú-
um Samfylkingar, Vinstri grænna
og F-lista. Síðar um daginn var til-
kynnt um nýjan meirihluta þess-
ara flokka á tjarnarbakkanum við
Iðnó.
100 dagar og Ólafur F.
Tjarnarkvartettinn, en svo var
nýi meirihlutinn kallaður, tók við
völdum og kynnti stefnu sína. Efsti
maður F-listans, Ólafur F. Magn-
ússon, var í veikindafríi þegar til
hans var stofnað. Aðspurð full-
yrti Margrét Sverris-dóttir, annar
maður á lista, hins vegar að sam-
starfið nyti stuðnings Ólafs.
Hann snéri úr veikindaleyfi í
desember og tók við embætti for-
SVEITARSTJÓRNAR-
KOSNINGAR Hvað einkenndi kjörtímabilið í Reykjavík?
Fjórir borgarstjórar, jafn-
margir meirihlutar, hjaðn-
ingavíg og deilur um orku-
útrás einkenndu síðasta
kjörtímabil í borginni. Einn
borgarfulltrúi hætti og allir
fengu að vera í meirihluta
um skeið. Ekki er ólíklegt
að sú saga hafi áhrif á
afstöðu fólks á laugardag.
Nýtt framboð þýðir svo að
upp er komin ný staða sem
enginn veit hvernig á að
bregðast við.
Sameiginleg áhersla á atvinnumál
HÆTTU ALLIR
Miklar sviptingar
einkenndu síðasta
kjörtímabil og
menn fóru í og úr
embættum.
Framhald á síðu 16
FR
ÉT
TA
B
LA
Ð
IÐ
/P
JE
TU
R
Líf
í borgina
Vi
ns
tri
hr
ey
fin
gi
n
- g
ræ
nt
fr
am
bo
ð
vil
l b
ei
ta
sé
r f
yr
ir
ró
ttæ
ku
m
þ
jó
ðf
él
ag
su
m
bó
tu
m
a
lm
en
ni
ng
i t
il
ha
gs
bó
ta
, h
ef
ja
v
er
nd
n
át
tú
ru
o
g
um
hv
er
fis
ti
l v
eg
s á Íslandi og treysta byggð um allt land. Hreyfingin er samstarfsvettvangur og baráttutæki þeirra
, sem
vilja útrým
a kynjam
isrétti og tryggja jafnrétti, kvenfrelsi og aukinn jöfnuð í sam
félaginu. Vinstrihreyfingin - ... // sjá m
eira á w
w
w
.vg.is/stefna/
„Mér þykir vænt um Reykjavík.
Reykjavík á að vera borg þar sem lífsgæði
eru á heimsmælikvarða. Þess vegna býð
ég mig fram – við þurfum breytingar.“
Líf Magneudóttir
3. sæti á framboðslista
VG í Reykjavík
RÁÐHÚS REYKJAVÍKUR Á laugardaginn verður kosið til borgarstjórnar. Fái enginn
flokkur hreinan meirihluta gætu tekið við flóknar samningaviðræður um myndun
stjórnar. FRÉTTABLAÐIÐ/HARI