Fréttablaðið - 29.05.2010, Blaðsíða 22
22 29. maí 2010 LAUGARDAGUR
Á morgun verður kosið til borgarstjórnar Reykja-
víkur til næstu fjögurra ára.
Ný hugsun og endurnýjun í
íslenskum stjórnmálum er
nauðsynleg og því býð ég mig
fram á endurnýjuðum lista
Framsóknar og heiti því að
vinna af heiðarleika og ábyrgð
fyrir ykkur borgarbúa allt
kjörtímabilið.
Atvinnumálin skipta okkur
framsóknarmenn miklu máli.
Við viljum að borgin sé ákjós-
anlegur valkostur fyrir stór og
smá fyrirtæki sem vilja hasla
sér völl og stækka. Þannig
minnkar atvinnuleysi, tekjur
aukast og útgjöld minnka án
þess að skattar og gjaldskrár
hækki umfram verðlag.
Með skynsamlegri fjármála-
stjórn og markvissri forgangs-
röðun, þar sem viðkvæmustu
hópar samfélagsins eiga að
njóta forgangs, á borgin að geta
sinnt velferðar-, skóla-, dagvist-
unar- og umhverfishlutverki
sínu með sóma.
Það er ekki sjálfsagt að
þetta mikilvæga verkefni
takist vel. Það er því mikil-
vægt að fulltrúar öfgalausrar
miðjustefnu og samvinnu hafi
sterka rödd í borgarstjórn
og komi að úrlausn vanda-
mála og uppbyggingu í þágu
borgarbúa. Þú getur lagt þitt
af mörkum með því að mæta
á kjörstað og setja X við B í
Reykjavík á morgun.
Þú kýst
ekki eftir á
Sveitarstjórnarkosningar
Einar
Skúlason
oddviti Framsóknar-
flokksins í Reykjavík
Kosningar til sveitarstjórna verðskulda alla okkar athygli.
Á vettvangi þeirra er fjallað um
málefni daglegs lífs og umhverfið
næst okkur sem hefur áhrif á alla
velferð og þróun.
Góð þátttaka í kosningum til
Alþingis og sveitarstjórna hefur
verið aðalsmerki Íslendinga og við
eigum ekki að láta það niður falla.
Það er mikil óánægja, ósætti og
reiði meðal fólks vegna þess sem
misfarist hefur í stjórn þjóðmála
á liðnum árum. Það er eðlilegt að
menn vilji finna henni útrás við
kjörborðið, en muna má einnig
það sem hinir eldri sögðu við ungt
ákafafólk í mínu ungdæmi að best
væri að telja upp að tíu áður en
reiðin fengi að stjórna orðum og
gerðum.
Uppgjör, uppstokkun og endur-
reisn tekur tíma, og það er síður en
svo að eindrægni ríki í samfélaginu
um leiðir til þess að vinna Ísland út
úr bankahruni og efnahagsáfalli.
Okkur er þó nauðugur einn kost-
ur að taka á þeim vandamálum
sem blasa við, ná tökum á fjármál-
um hins opinbera, einfalda kerf-
ið í samræmi við fjárhagsgetu og
endurreisa skuldsett atvinnulíf.
Slík verkefni bíða sveitarfélaga
um allt land.
Sem betur fer er margt hæft
fólk í framboði til sveitarstjórna
og kjósendur ráða því í dag hverj-
ir veljast til vandasamra ábyrgð-
ar- og trúnaðarstarfa fyrir þeirra
hönd næstu fjögur árin. Undan
dómi kjósenda verður ekki vik-
ist og sveitarstjórnarmönnum ber
skylda til þess að vinna úr þeim
pólitíska efniviði sem kjörið færir
þeim. Sveitarstjórnir verða ekki
rofnar á kjörtímabilinu og efnt til
kosninga eins og möguleiki er að
gera í landsmálum.
Minn flokkur, Samfylkingin,
hefur í aðdraganda kosninga lagt
fram skýrar tillögur í atvinnu-
málum þar sem áhersla er lögð á
mannaflsfrekar framkvæmdir og
flýtingu viðhaldsframkvæmda.
Sérstaklega hefur atvinnustefna
Samfylkingarinnar í Reykjavík
vakið verðskuldaða athygli. Það er
skynsamleg hagstjórnarstefna við
núverandi aðstæður sem er í takt
við áherslur okkar í ríkisstjórn.
Atvinna og atvinnuþróun eru lyk-
ill að því að við getum tryggt vel-
ferð í dag og menntun barnanna
okkar sem móta mun atvinnulíf
framtíðarinar.
Á þessu ári er Samfylkingin,
sameiningarafl jafnaðarmanna,
10 ára. Flokkurinn heldur fram
gildum sígildrar jafnaðarstefnu
um jafnrétti, frelsi og bræðralag.
Síðustu misseri á Íslandi hafa fært
okkur heim sanninn um að jafn-
aðarstefnan á erindi sem aldrei
fyrr.
Göngum ábyrg til kosninga í dag
og veljum forystu sveitarfélaganna
til næstu fjögurra ára.
Göngum ábyrg til kosinga
Sveitastjórnarkosningar
Jóhanna
Sigurðardóttir
forsætisráðherra
og formaður
Samfylkingarinnar
Ef lýðræði á að virka þarf að gera upp á milli flokka. Að undan-
förnu hefur varla verið talað um
stjórnmál öðruvísi en að skella
stjórnmálaflokkum saman í einn
hóp sem nefndur er fjórflokkurinn
eða stjórnmálastéttin. Ef mönnum
er alvara með að stjórnmál þurfi að
breytast og batna þarf hins vegar
að aðgreina fólk og flokka og meta
hverjir eru að þróast í rétta átt.
Trú á stjórnmálin
Ég hafði sjálfur misst trú á stjórn-
málum og ákveðið að halda mig
fjarri þeim. Ég skil því vel fólk
sem hefur efasemdir nú. Við efna-
hagshrunið varð hins vegar ljóst að
stjórnmálin þyrftu að leysa vand-
ann sem stjórnmál höfðu átt þátt í
að skapa. Frá því að ég sneri mér að
stjórnmálum hef ég kynnst hundr-
uðum framsóknarmanna um allt
land sem eiga það sameiginlegt að
vera reiðubúnir til að fórna frítíma
sínum og leggja á sig ómælda vinnu
til að gera samfélagið betra fyrir
aðra. Fólk með brennandi réttlætis-
kennd og sterka framtíðarsýn.
Grasrótin tekur völdin
Þetta er grasrótin sem stóð fyrir
mestu endurnýjun í sögu íslenskra
stjórnmála og þurfti ekki að bíða
eftir niðurstöðum rannsókna til að
sjá að samfélagið hefði farið út af
sporinu og róttækar aðgerðir þyrfti
til að finna aftur gildin sem samfé-
lag þarf að byggjast á og verið hafa
grunngildi flokksins.
Grasrótin krafðist þess að flokk-
urinn mundi ekki gera það sem
væri best fyrir flokkinn á hverj-
um tíma heldur best fyrir landið
og byggja endurreisnina á rökum
og fagmennsku sem ekki væri háð
sínum flokki eða öðrum.
Samvinna
Í öllum málum hafa framsóknar-
menn verið reiðubúnir að vinna að
góðum tillögum sama hvaðan þær
hafa komið og leitað að hugmyndum
og ráðgjöf utan flokks ekki síður
en innan. Í landsmálunum vörð-
um við minnihlutastjórn í þeirri
trú að allir væru að vinna að sömu
hagsmunum og höfum iðulega lagt
áherslu á samstarf ólíkra flokka í
þinginu. Í sveitarstjórnarmálum
hafa menn lýst sig reiðubúna til
að taka þátt í að leysa vanda ann-
arra þótt þægilegast hefði verið að
sitja á hliðarlínunni. Í Borgarbyggð
hefðu framsóknarmenn t.d. getað
setið hjá án þess að taka ábyrgð.
Þess í stað buðust menn til að leggj-
ast á árarnar og taka þátt í erfiðum
ákvörðunum.
Þetta er Framsókn
Þetta er fólkið sem hleypur inn í
brennandi hús þegar aðrir hlaupa
út, fólkið sem gerir þá kröfu til
sjálfs sín og annarra að hagsmunir
samfélagsins séu settir ofar flokks-
hagsmunum, fólkið sem finnst
skipta meira máli hvað menn gera
en hvað þeir segja, þetta er Fram-
sókn.
Þetta er Framsókn
Sveitastjórnakosningar
Sigmundur Davíð
Gunnlaugsson
formaður
Framsóknarflokksins
Kjósendur í Reykjavík ganga að kjörborðinu í dag og kjósa um
hugmyndafræði, sem verður ríkj-
andi í borginni næstu fjögur ár.
Þetta er óskýrt hjá sumum flokk-
um sem vilja jafnvel ekki kenna
sig við neina hugmyndafræði.
Hún er samt alltaf til staðar.
Ákvörðun um að færa auðlindir
borgarbúa í hendur útrásarvík-
inga byggir á hugmyndafræði
Sjálfstæðisflokksins eins og
stækkun golfvallar á sama tíma
og velferðarmál eru skorin niður.
Okkar hugmyndafræði gengur út
á að verja almannafyrirtæki og
auðlindir þjóðarinnar – og for-
gangsraða velferð á undan golf-
völlum.
Eftir farsakennt kjörtímabil
í borgarstjórn Reykjavíkur, þar
sem Sjálfstæðisflokkurinn var til
í allt, eru borgarbúar dauðþreytt-
ir. Hugmyndafræði er bannorð og
stjórnmálin mega helst ekki snú-
ast um neitt.
En að flýja pólitík er eins og að
flýja morgundaginn. Pólitík er alls
staðar og kjósendur eiga rétt á að
vita fyrir hvað flokkar standa.
Það er pólitík að tryggja aðgang
að hreinu neysluvatni. Það er pól-
itík að konur og karlar fái sömu
laun fyrir sömu vinnu. Leik- og
grunnskólar og almenningssam-
göngur eru pólitík, eins og fjár-
hagsaðstoð, sorpflokkun og gæði
andrúmsloftsins. Því lífsgæði
borgarbúa eru háð þeirri hug-
myndafræði sem ræður ríkjum í
ráðhúsinu hverju sinni.
Verkefni næsta kjörtímabils
eru risavaxin, vegna þess að sam-
eiginlegir sjóðir okkar hafa verið
rýrðir í þágu hugmyndafræði
frjálshyggju og afskiptaleysis.
Sameiginlegi sjóðurinn okkar er
bæði fjármagnaður og nýttur af
okkur öllum – við leggjum í hann
eftir getu og tökum úr honum eftir
þörfum. Skattagrýlan er ekki ljót-
ari en svo.
Eftir óábyrga fjármálastjórn
frjálshyggjuafla verðum við að
grípa til aðgerða. Borgarsjóður
stendur ekki af sér óbreytta þjón-
ustu án þess að tekjur aukist. Til
þess eru tvær leiðir: Gjaldskrár-
hækkanir eða útsvarshækkun.
Augljóst er hvor leiðin er sann-
gjarnari – gjaldskrárhækkanir
leggjast flatt á notendur þjónust-
unnar, en útsvarshækkun krefst
meira af tekjuháum en tekjulág-
um.
Óábyrg fjármálastjórn hefur
ekki aðeins sett velferðarkerfið
í hættu. Almannafyrirtæki riða
líka á barmi gjaldþrots. Hræ-
gammar sveima yfir landinu og
hafa þegar krækt í feitan bita á
Suðurnesjum.
Orkuveita Reykjavíkur má
aldrei lenda í höndum einkaaðila,
hún er undirstaða lífsgæða okkar.
Orkuveitan á ekki aðeins að vera
í eigu almennings, heldur einnig
undir stjórn hans. Öðruvísi verða
hagsmunir borgarbúa ekki tryggð-
ir.
Eftir hrunið stendur hugmynda-
fræði Vinstri grænna ósködduð.
Við megum vera stolt. Félagslegt
réttlæti, kvenfrelsi og umhverfis-
vernd á erindi í stjórnmálin nú
sem þá – og raunar meira ef eitt-
hvað er.
Við Vinstri græn þorum að
glíma við erfiðar aðstæður og
erfið verkefni. Við þorum að setja
mál á dagskrá – og takast á við
kröfuharða sérhagsmunahópa –
og halda fram hagsmunum heild-
arinnar.
Borgin þarf á Vinstrihreyfing-
unni – grænu framboði að halda.
Nú sem aldrei fyrr.
Borgin þarf Vinstri græn
Borgarstjórnarkosningar
Sóley
Tómasdóttir
oddviti Vinstri grænna í
Reykjavík
Ég er stoltur af því að við sjálfstæðismenn í Reykjanesbæ höfðum forgöngu um að
kaupa meirihluta í HS veitum og bæjarbúar
eiga nú 67% í hitaveitunni.
Ég er stoltur af því að með meirihlutaeign
í hitaveitunni, HS veitum, stjórnum við bæði
magni og verði á heitu og köldu vatni til íbúa
og fyrirtækja, enginn annar.
Ég er stoltur af því að við höfðum for-
göngu um að Reykjanesbær hefur keypt
land og auðlindir undir virkjunum á okkar
svæði til að tryggja að þær séu í höndum
íbúa.
Ég er stoltur af því að við höfum haft for-
göngu um forvarnir sem skapa fleiri börn-
um í Reykjanesbæ heilbrigði og hamingju.
Ég er stoltur af því að standa með þeim
sem minna mega sína og búa þeim skjól í
okkar bæjarfélagi.
Ég er stoltur af árangri íbúa Reykjanes-
bæjar í íþróttum og aðstöðu íþróttafélaga
sem við höfum skapað saman. Tónlist og
menning blómstrar í bænum
Ég er stoltur af því að við höfum umbreytt
umhverfi Reykjanesbæjar og skapað með
því lífsgæði sem allir bæjarbúar geta notið,
óháð efnahag og stöðu.
Ég er stoltur af því að þrátt fyrir alvarleg-
an atvinnumissi við brotthvarf varnarliðsins
og mikla varnarbaráttu fyrir íbúa Reykja-
nesbæjar, skuli eignir bæjarins vera 11 þús-
und milljónir kr. umfram skuldir.
Ég er stoltur af því að hafa staðið að
atvinnuverkefnum sem geta skilað þúsund-
um manna vel launuðum störfum og styrkt
fjárhagsstöðu Reykjanesbæjar.
Ég er stoltur af því að hafa staðið gegn
andróðri margra stjórnmálaafla sem hafa
ráðist á Reykjanesbæ og snúið staðreynd-
um í þeim eina tilgangi að fella D-lista sjálf-
stæðismanna í Reykjanesbæ
Ég er stoltur af íbúum Reykjanesbæjar
sem hafa staðið með mér gegn andróðursöfl-
um og barist við hlið mér til að afla alþýðu
manna betur launaðra starfa og skapa betra
samfélag.
Ég er stoltur af því að kannanir fyrir
þessar kosningar sýna að 65% íbúa kjósa að
ég verði bæjarstjóri þeirra eftir kosningar.
Ég er stoltur af því að hafa helst til sakar
unnið, að mati andróðursafla, að vera bjart-
sýnn á framtíðina.
Ég geng stoltur með íbúum Reykjanesbæj-
ar til kosninga í dag til að merkja X við D
– velja bjarta framtíð fyrir Reykjanesbæ.
Sekur um bjartsýni
Sveitastjórnakosningar
Árni
Sigfússon
bæjarstjóri og oddviti
Sjálfstæðisflokksins í Reykjanesbæ
Síðustu misseri á Íslandi hafa fært
okkur heim sanninn um að jafnaðar-
stefnan á erindi sem aldrei fyrr.
Ef mönnum er alvara með að stjórnmál
þurfi að breytast og batna þarf hins
vegar að aðgreina fólk og flokka og
meta hverjir eru að þróast í rétta átt.
Auglýsingasími
Allt sem þú þarft…