Fréttablaðið - 29.05.2010, Blaðsíða 24

29. maí 2010 LAUGARDAGUR
Í dag göngum við til kosninga og veljum borgarstjórn til næstu
fjögurra ára. Viðfangsefni borgar-
stjórnar eru afar mikilvæg og
hafa bein áhrif á líf allra borgar-
búa á degi hverjum. Skólarnir
okkar, leikskólarnir, þjónusta við
eldri borgara – allt verður þetta
að virka og vera í góðu lagi. Þess
vegna eru þessar kosningar mikil-
vægar, við eigum svo mikið undir
því að okkar nánasta umhverfi sé í
lagi, ekki síst fyrir þau sem standa
hjarta okkar næst.
Ég er stolt af störfum mínum
sem borgarstjóri. Við höfum náð
miklum árangri. Ég hef beitt
mér fyrir nýjum vinnubrögðum í
stjórnmálum og lagt mig fram um
að vinna vel með öllum, sama úr
hvaða flokki þeir koma. Þessi nýju
vinnubrögð hafa skilað farsælum
lausnum og árangri fyrir borgar-
búa, enda er í mínum huga enginn
vafi á því að þannig njóti borgar-
búar betur krafta allra borgarfull-
trúa en þegar hver höndin er upp á
móti annarri.
Skattar hafa ekki verið hækk-
aðir en þrátt fyrir það stend-
ur borgin sterk fjárhagslega og
íbúar geta verið öruggir um að
njóta áfram þeirrar grunnþjón-
ustu sem þeir hafa vanist. Borg-
arsjóður hefur verið rekinn halla-
laus. Þessi trausta staða skiptir
miklu fyrir börnin okkar og fram-
tíðina. Við höfum forgangsrað-
að í þágu barna og velferðarþjón-
ustu í borginni. Við höfum tryggt
öllum börnum sem verða tveggja
ára á árinu leikskólapláss og öllum
grunnskólabörnum þjónustu á frí-
stundaheimilum. Að auki eru leik-
skólagjöld, frístundaheimilisgjöld
og matargjöld í grunnskólum með
þeim lægstu á höfuðborgarsvæð-
inu.
Ég er stolt af því að Reykjavík-
urborg hefur haldið uppi fram-
kvæmdum, sem veita fjölda fólks
atvinnu og stutt við atvinnuskap-
andi verkefni. Á þessu ári verður
framkvæmt fyrir 26 milljarða á
vegum Reykjavíkurborgar og fyr-
irtækja hennar en til samanburðar
má nefna að ríkið framkvæmir á
sama tíma fyrir 18 milljarða.
Ég vona að í dag verði kosið um
þessi góðu verk. Reykvíkingar eiga
það skilið að hagsmunir þeirra og
framtíð séu meginverkefni þess-
ara kosninga.
Ég hvet Reykvíkinga til að mæta
á kjörstað í dag og bið um stuðning
til að gegna áfram störfum borgar-
stjóra. Atkvæði greitt Sjálfstæðis-
flokknum er atkvæði til þess og
stuðlar að enn frekari árangri,
sátt og stöðugleika. Þannig getum
við haldið áfram að vinna saman í
þágu allra borgarbúa.
Í dag ræður þú
Ég hef beitt mér fyrir nýjum vinnu-
brögðum í stjórnmálum og lagt mig
fram um að vinna vel með öllum,
sama úr hvaða flokki þeir koma.
Kæri borgarbúi! Í dag er kosið í Reykjavík.
Kosningabaráttan hefur verið
stutt en áherslurnar eru skýrar.
Við í Samfylkingunni viljum að
borgin beiti sér af fullu afli gegn
atvinnuleysinu. Ástæðan er sú að
ef atvinnuleysið fær að aukast þá
þarf að skera niður þá þjónustu
sem borgin veitir og hækka skatta
eða gjaldskrár, til dæmis á leik-
skólum.
Atvinnan er grunnurinn að
öllu hinu. Við höfum lagt fram
útfærða aðgerðaráætlun sem
virkaði í Árósum og í kreppunni
miklu í Bandaríkjunum. Við vilj-
um flýta framkvæmdum, leggja
áherslu á viðhaldsverkefni við
skóla, leikskóla, þjónustumið-
stöðvar aldraðra, sundlaugar og
uppbyggingu í hverfum borgar-
innar. Við verðum að skapa fjöl-
breytt störf fyrir ungt fólk og
koma af stað fjárfestingu. Þannig
komum við vinnufúsum höndum
til starfa.
Í skólamálum leggjum við
áherslu á að stöðva niðurskurðinn
og standa vörð um faglegt starf.
Vanlíðan stráka er aðkallandi
vandamál sem þarf að veita miklu
meiri athygli og einnig þarf að
tryggja að ekkert barn sé án hollra
skólamáltíða vegna fjárhagsstöðu
foreldra.
Samfylkingin sættir sig ekki
við sístækkandi raðir eftir matar-
gjöfum hjálparstofnana. Við vilj-
um hækka grunnframfærslu til
þeirra sem hafa minnst á milli
handanna.
Við viljum líka styrkja frí-
stundakort barna svo ekkert barn
hrekist úr íþróttum eða æsku-
lýðsstarfi vegna efnahags. Í
þriðja lagi þarf af fjölga örugg-
um valkostum í húsnæðismál-
um með því að koma upp almenn-
um leigumarkaði í Reykjavík.
Þessi metnaðarfulla stefna er
afrakstur hugmyndavinnu undan-
farinna missera sem hefur meðal
annars farið fram á tugum heima-
funda um alla borg og á Reykja-
víkurþingi. Allt er þetta nýbreytni
í stefnumótun stjórnmálaflokka í
borginni.
Kæru kjósendur. Ég hvet ykkur
til að kynna ykkur hugmyndirn-
ar sem við berjumst fyrir og veita
okkur umboð til að hrinda þeim í
framkvæmd. Á framboðslista Sam-
fylkingarinnar er úrvalsfólk sem
ég er stoltur af enda góð blanda
af endurnýjun og reynslu. Þetta
er kraftmikill hópur með mikla
þekkingu á verkefnum Reykja-
víkurborgar. Ég vona að við fáum
þinn stuðning.
Atvinnan skiptir öllu máli
Borgarstjórnarkosningar
Dagur B.
Eggertsson
oddviti
Samfylkingarinnar í
Reykjavík
Við verðum verðum að skapa fjöl-
breytt störf fyrir ungt fólk og koma
af stað fjárfestingu. Þannig komum
við vinnufúsum höndum til starfa.
Ég er fæddur og uppalinn í Reykjavík. Hún mótaði mig og
gerði að því sem ég er í dag. Pabbi
var lögga. Mamma vann í mötu-
neyti Borgarspítalans. Ég safnaði
peningum með tombólum, til að
láta gott af mér leiða og fá mynd
af mér í Vísi. Ég var í Réttó. Ég
naglhreinsaði mótatimbrið utan
af Seðlabankabyggingunni. Ég fór
á tónleika í Hafnarbíó. Ég vann í
Hampiðjunni. Ég fór í Iðnó og þar
heillaðist ég af leiklistinni.
Ég hef labbað yfirbugaður af
ástarsorg frá Lækjartorgi uppí
Breiðholt. Ég hef grátið í strætó.
Mér fannst ég ekkert vita eða geta
fyrstu vaktina mína hjá Bæjarleið-
um. Það var erfitt að viðurkenna að
ég rataði ekki á Óðinsgötu. En ég
fékk hjálp frá „Stöðinni“ og smátt
og smátt lærði ég að bjarga mér.
Síðustu ár hefur það verið
atvinna mín að gleðja fólk með
gamanleik en þrátt fyrir það hefur
líf mitt ekki verið tómur fífla-
gangur. Ég hef alið upp fimm börn
í þessari borg og þar af er eitt á
leikskólaaldri í dag. Ég hef verið
með langveikt barn. Ég hef verið
atvinnulaus. Ég hef fylgt öldruð-
um foreldrum mínum í gegnum
heilbrigðiskerfið og öldrunarþjón-
ustuna. Ég hef jarðað föður minn
og trillað mömmu minni um borg-
ina í hjólastól. En þrátt fyrir erfið-
leika hefur þessi borg alltaf séð vel
um mig þegar ég hef sýnt áhuga og
frumkvæði. Þá hef ég bjargað mér
með útsjónarsemi og dugnaði.
Borgin okkar er alltaf að stækka
og breytast. Sem krakki fór ég með
pabba mínum að tína svartbaks-
egg uppí Grafarvogi. Seinna bjó
ég þar. Ég hef fylgst með nýjum
hverfum verða að grónum hverf-
um. Ég elska þessa borg og vil
endurgjalda henni allt það sem
hún hefur gefið mér. Undanfarin
ár finnst mér rangur hugsunar-
háttur hafa ráðið hér ríkjum. Mér
hefur sárnað að horfa uppá það og
afleiðingarnar. Mér finnst að ljót-
ir og virðingarlausir hlutir hafi
verið gerðir. Hagsmunir borgar-
anna hafa vikið fyrir hagsmunum
einhverra annarra. Tækifæri hafa
verið vannýtt. Þess vegna stofnaði
ég Besta flokkinn og fékk til liðs
við mig fólk sem ég þekki, virði og
treysti. Það er fólk úr öllum stétt-
um þjóðfélagsins.
Reykjavík getur orðið fallegri og
skemmtilegri borg sem hefur allt-
af eitthvað nýtt og óvænt að bjóða
upp á. Gott gengi Besta flokksins í
borgarstjórnarkosningunum getur
markað nýtt upphaf í sögu borgar-
innar.
Ó, borg mín borg!
Borgarstjórnarkosningar
Jón Gnarr
oddviti
Besta flokksins
í Reykjavík
Ég elska þessa borg og vil endurgjalda
henni allt það sem hún hefur gefið mér.
Borgarstjórnarkosningar
Hanna Birna
Kristjánsdóttir
borgarstjóri