Fréttablaðið - 29.05.2010, Blaðsíða 8

8 29. maí 2010 LAUGARDAGUR
VIÐSKIPTI Ríflega 400 íslensk
fyrirtæki eru án skráðra stjórnar-
manna, samkvæmt upplýsing-
um frá Creditinfo. Þetta þýðir að
fyrrverandi stjórnarmenn, sem
hafa sagt sig úr stjórnum félag-
anna, bera í raun ábyrgð á þeim
þrátt fyrir að telja sig lausa allra
mála með úrsögn sinni.
Ef enginn á sæti í stjórn fyrir-
tækis fellur ábyrgð á fyrirtækinu,
lögum samkvæmt, á þá sem áður
voru í stjórninni. Því þarf maður
sem segir sig úr stjórn félags að
gæta að því að stjórn sé enn starf-
andi í félaginu. Ef aðeins einn
stjórnar-maður er í félagi þarf
hann að sjá til þess að einhver
taki við af honum, slíta félaginu
eða setja það í þrot.
„Menn geta ekki hlaupið frá
þessu, lögin ganga út frá því að
það sé alltaf stjórn í félögum,“
segir Lára V. Júlíusdóttir hæsta-
réttarlögmaður. „Ef félag verður
stjórnlaust á Hlutafélagaskrá að
grípa inn í, aðvara, veita frest og
afskrá svo félagið.“
Samkvæmt lögum um einka-
hlutafélög á Hlutafélagaskrá að
grípa inn í séu engir skráðir í
stjórn félags. Hlutafélagaskrá á
fyrst að aðvara þá sem ætla má
að séu í forsvari eða fyrrverandi
stjórnarmenn um að til standi að
afskrá félagið. Bregðist þeir ekki
við innan tilskilins tímafrests ber
að afskrá félagið.
Í samantekt Creditinfo kemur
fram að ljóst sé að talsverður
fjöldi fólks geri sér ekki grein
fyrir því að það beri ábyrgð
á fyrirtæki þrátt fyrir að það
telji sig vera hætt í stjórn. Eftir
úrsögn verði að fylgja henni eftir
með því að ganga úr skugga um
að nýr stjórnarmaður sé skipað-
ur.
Til viðbótar við þau rúmlega
400 félög sem ekki eru með neina
skráða stjórnarmenn eru 150 til
200 fyrirtæki bara með varamenn
skráða í stjórn.
Algengt er að stjórnarmenn
hætti í stjórnum fyrirtækja sem
eru á leið í þrot svo nafn þeirra
komi ekki fram í rekstrarsögu
fyrirtækisins. Lára segir alltaf
eitthvað um það að fólk segist í
raun hafa verið blekkt til að setj-
ast í stjórn fyrirtækja skömmu
fyrir óumflýjanlegt gjaldþrot, til
dæmis starfsmenn félagsins.
brjann@frettabladid.is
Eru hætt í
stjórn en bera
áfram ábyrgð
Um 400 íslensk félög eru án skráðra stjórnarmanna.
Allt að 200 til viðbótar eru eingöngu með varamenn
í stjórn. Talsverður fjöldi fólks áttar sig ekki á að
það ber ábyrgð á fyrirtæki eftir úrsögn úr stjórn
taki enginn við stjórnartaumum.
ÁBYRGÐ Eitthvað er um að stjórnarmenn reyni að komast úr stjórnum illa staddra
félaga áður en þau fara í þrot. FRÉTTABLAÐIÐ/ANTON
1. Hver vann American Idol-
keppnina þetta árið?
2. Hvað heitir trommarinn í
hljómsveitinni Bermúda?
3. Hver leikstýrir nýju leikverki
Bergs Ebba Benediktssonar sem
nefnist Klæði?
SVÖRIN ERU Á SÍÐU 70
ELDGOS „Þar sem þetta er verst er
eins og verið sé að koma inn í land
dauðans,“ segir Ólafía Aðalsteins-
dóttir, starfsmaður útibúaþjónustu
Landsbankans, um þær aðstæður
sem mættu sjálfboðaliðum í hreins-
unarstarfi undir Eyjafjöllum í vik-
unni. Hún segir að víða megi sjá
gras og annan gróður stinga sér
upp úr öskunni, en annars staðar
sé stemningin eins og eftir kjarn-
orkusprengingu. Ekki sjáist annað
en svart og grátt í umhverfinu.
Ólafía var í um 100 manna hópi
starfsmanna Landsbankans sem
lagði íbúum svæðisins lið við ösku-
hreinsun í vikunni. Um tíundi part-
ur starfsmanna bankans fór til þess-
ara starfa, hóf vinnu snemma að
morgni og vann fram undir kvöld.
Heimildin til þess er sögð í takt
við nýja stefnu um sjálfboðastarf
starfsmanna, sem sé afrakstur af
stefnumótunarvinnu bankans.
Hópurinn gaf sig fram á Heima-
landi og laut eftir það verkstjórn
heimamanna í hreinsunarstarfinu.
Starfsmannafélag Landsbankans,
bauð fram aðstoð sína þegar skipu-
lögð öskuhreinsun hófst á svæðinu,
en fjölmargir hópar hafa komið að
því starfi. - óká
VIÐ SKÓGA Um helmingur hópsins tók
til hendinni á Skógum en fimm smærri
hópar héldu á bæi þar sem hjálpar var
þörf, á Hrútafelli, Rauðafelli, Seljavöll-
um og Þorvaldseyri. MYND/LANDSBANKINN
Hundrað starfsmenn Landsbankans hjálpuðu til við hreinsun undir Eyjafjöllum:
Eins og komið sé í land dauðans
ALÞJÓÐATENGSL Kristín Ingólfs-
dóttir, rektor Háskóla Íslands,
tekur ásamt rektorum 25 nor-
rænna háskóla, þátt í stefnumóti
við Fudan háskóla í Shanghaí í
tilefni 15 ára afmælis Norræns
seturs við skólann.
Nemendur í kínversku og kín-
verskum fræðum við Háskóla
Íslands taka þriðja námsár sitt
við kínverska háskóla sem HÍ
hefur gert samstarfssamning við
og er Fudan háskóli einn þeirra.
Samstarfið nær til rafmagns-
og tölvuverkfræði á sviði fjar-
könnunar og tölvugreindar og í
undirbúningi er samstarf á svið-
um eðlisfræði, nanótækni og
bókmennta. Kínverskir nemend-
ur stunda hagfræðinám og við-
skiptafræði við HÍ og MBA-nem-
endur fara reglulega í námsferðir
til Kína. - shá
Styrkir samstarf HÍ í Kína:
Rektor sækir
kínverja heim
VIÐSKIPTI Viðar Þorkelsson hefur
verið ráðinn forstjóri greiðslu-
kortafyrirtækisins Valitor. Hann
hefur fram til þessa gegnt stöðu
forstjóra fasteignafélagsins Reita,
áður Landic Property. Hann tekur
við af Höskuldi H. Ólafssyni, sem
nýverið var ráðinn bankastjóri
Arion banka.
Fram kemur í tilkynningu um
ráðninguna að Viðar hafi víðtæka
reynslu úr atvinnulífinu. Hann
vann hjá Landsbankanum um ára-
bil en gegndi síðan stjórnunar-
stöðum hjá Vodafone og 365. - jab
Forstjóraskipti hjá Valitor:
Viðar tekur við
af Höskuldi
Dalshrauni 13 og Grensásvegi 48, sími 578-9700
Óvenjumargir hafa sagt sig úr
stjórnum fyrirtækja á undanförn-
um vikum og mánuðum, sam-
kvæmt upplýsingum frá Creditinfo.
Fjöldi fyrirtækja þar sem aðeins
einn stjórnarmaður á sæti var
um 4.100 í maí í fyrra, en er nú
tæplega 21 þúsund. Í fyrra voru
tæplega 17 þúsund fyrirtæki með
tvo stjórnarmenn, en eru um
4.600 í dag.
Fyrirtækjum með fleiri stjórnar-
mönnum en tveimur fer fækkandi.
Í maí í fyrra voru um 9.500 fyrir-
tæki með þrjá eða fleiri stjórnar-
menn, en í ár eru þau tæplega
5.900 talsins.
Hætta í stjórnum
VEISTU SVARIÐ?