Fréttablaðið - 29.05.2010, Blaðsíða 49

LAUGARDAGUR 29. maí 2010 5
„Ísbjörninn sem gekk á land við
Hraun á Skaga 2008 var settur
upp hjá okkur í fyrra og dregur að
sér athygli flestra gesta. Krakkar
sem koma vilja vita allt um hann
og spyrja margs,“ segir Katharina
Angela Schneider, forstöðumaður
Hafíssetursins. Hún er reyndar í
fæðingarorlofi í Þýskalandi þegar í
hana næst en kemur aftur til starfa
í júní.
Katharina segir kafla á sýning-
unni fjalla um hvítabirni almennt,
líf þeirra og hvaðan þeir komi upp
að landinu og nefnir líka heimildar-
mynd sem þar er sýnd og var tekin
á Húnaflóa fyrir nokkrum árum
þegar hann var fullur af ís.
Hafíssetrið var opnað fyrst árið
2006. Það er í svonefndu Hille-
brandtshúsi á Blönduósi sem var
byggt á átjándu öld og er eitt af
elstu timburhúsum landsins. Það
útaf fyrir sig er því safngripur.
Gestum hefur fjölgað jafnt og þétt
með hverju ári og í fyrra fjölgaði
þeim um 50% frá 2008. Það þakkar
Katharina meðal annars aðdráttar-
afli birnunnar Snædísar Karenar og
einnig sérstöku svæði sem er ætlað
börnum. Það er í risi hússins, uppi á
háalofti. „Þangað koma krakkarnir
með vasaljós til að leita að hlutum
sem tengjast dýrunum á norðurslóð-
um; refunum, kindunum, selunum,
hákörlunum og ísbjörnunum. Þar
eru refaskott, ull og alls konar bein.
Þetta er svona lítið en ævintýralegt
svæði. Nú er búið að setja þar upp
hljóðkerfi þar sem heyra má ýmis
hljóð tengd hafís og hafísslóðum,“
lýsir Katharina sem hóf störf við
setrið árið 2008. Hún segir mörg
börn koma með foreldrum sínum
og öðrum fullorðnum og skólahóp-
ar séu jafnan mikið á ferðinni í maí.
„Þó að við séum með formlega sum-
aropnun nú þá er setrið opnað fyrir
hópa allt árið,“ tekur hún fram.
Hafíssetrið verður opið alla daga
í sumar frá klukkan 11 til 17. Á opn-
unardaginn á morgun er frítt inn og
allir velkomnir. „Það verður boðið
upp á kaffi, kakó, kleinur og pönnu-
kökur og væri gaman að sem flest-
ir létu sjá sig!“ segir Katharina að
lokum. gun@frettabladid.is
Snædís Karen trekkir að
Brestir og gnestir í borgarísjökum og birnan Snædís Karen er meðal þess sem mætir þeim sem heim-
sækja Hafíssetrið á Blönduósi. Það verður opnað á nýjan leik á morgun eftir vetrarfrí.
Snædís Karen horfir blíðlega til gesta.
Böll í tilefni af Eurovision verða á
nokkrum stöðum í bænum.
Á Nasa verður hið árlega
Pallaball þar sem Páll Óskar
þeytir skífum. Á Players í
Kópavogi verður Stjórnin í
stuði með Siggu Beinteins
og Grétari í forgrunni sem
munu flytja Eurovision-lög
í bland við gamla smelli
Stjórnarinnar.
www.helgin.is