Morgunn - 01.12.1944, Side 58

152
MORGUNN
Hugboð um dánardægur?
1. des. í vetur (1944) var hjá hjá mér staddur Þorgeir
Jóhannesson, bóndi að Túnsbergi í Hrunamannahreppi.
Sagði hann mér það frá samskiptum sínum við vin minn
og skólabróður, Gunnlaug Briem Einarsson, prests í Reyk-
holti, að þegar þeir voru saman í bændaskólanum á Hvann-
eyri veturinn 1914—15, hafi Gunnlaugur og aðrir skóla-
bræður hans skrifað nöfn sín, heimilisfang og fæðingar-
dag og -ár í bók, sem Þorgeir ætlaði að geyma til minja
um skólabræður sína.
1 bók þessa skrifaði Gunnlaugur nafn sitt og heimili, en
auk þess skrifaði hann þetta
F. 19.9. ”97. D. 32 . .. . árið ....
Þorgeir kvaðst litla athygli hafa veitt þessu fyrr en
Gunnlaugur andaðist, rúmum f jórtán árum síðar. Las Þor-
geir þá, í eftirmælum um hann í Isafold, að hann hefði and-
ast á afmælisdaginn sinn, er liann varð 32 ára.
Þorgeir Jóhannesson hafði meðferðis, máli sínu til sönn-
unar, blað það úr bókinni, sem Gunnlaugur hafði skrifað
á, og þekkti ég vel rithönd hans, sem mér var vel kunn.
En við útskrifuðumst saman úr háskólanum að vori þess
árs, er Gunnlaugur andaðist að hausti.
Enginn mun hafa orðið þess var, að Gunnlaugur bygg-
ist við skammlífi. Hann var þrekmaður og hið mesta
mannsefni, er hann andaðist. En kynlegt er, að hann skyldi
þannig skrifa skapadægur sitt, í glöðum félagahópi, f jórtán
árum áður en það kom fram.
Jón Auðuns.
Rétt skrifað eftir frásögn minni.
Þorgeir Jóhannesson
(sign.)