Morgunn - 01.06.1950, Page 29
Frá miðilsfundi.
17. marz s. 1. sat ég fund með Hafsteini Björnssyni.
Fundurinn var haldinn í ákveðnum tilgangi, og munum við,
sem sátum með miðlinum, hafa verið með allan hugann
við það, að reyna að ná þeim árangri, sem sótzt var eftir.
Sízt bjóst ég við nokkurri orðsendingu frá miðlinum til
mín persónulega. Þegar miðillinn var að vakna af transin-
um og var enn í hálftransi, segir hann við mig:
,,Hjá þér er ungur maður, útlendingur. Það er sonur
hennar frú Axelsson, sænsku frúarinnar. Hann heldur á
bréfi í hendinni, sem hann segir, að þú hafir fengið frá
móður sinni, og hann segir, að þú hafir dregið of lengi
að svara þessu bréfi. Hann biður að heilsa henni, og hann
leggur áherzlu á, að þú svarir þessu bréfi frá henni strax,
þú megir ekki draga það.“
Þetta þótti mér athyglisverð orðsending, en málavextir
eru þessir:
Frú Axelsson er sænsk tannlæknisfrú, sem við Hafsteinn
kynntumst í Svíþjóð í fyrrasumar. Hún kom á norræna
spíritistaþingið og fékk merkilega fund hjá Hafsteini, þar
sem sonur hennar, framliðinn, kom fram með merkileg
sönnunargögn, eins og þeir munu kannast við, sem lásu
greinargerðina í síðasta hefti MORGUNS. Nú hefur frúin
stofnað spíritistafélag í bænum Arvika, þar sem hún á
heima. Hún skrifaði mér 27. jan. s. 1. og bað mig um upp-
lýsingar, sem hana langaði til að fá um sálarrannsóknirn-
ar. Nokkru síðar hafði hún ítrekað erindi sitt með öðru
bréfi, en ég var enn ekki farinn að svára fyrirspurnum
hennar. Um allt þetta var Hafstein gersamlega ókunnugt,