Morgunn - 01.06.1950, Qupperneq 86

80
MORGUNN
semi hins ,,telekinetiska“ miðils, frú Rasmussen-Melloni,
langar mig að koma á framfæri nokkrum athugasemdum
á vegum hins danska spíritistakirkjusambands.
1. Það er ekki rétt að kalla þessi fyrirbrigði frúarinnar
spíritisma. Frú Melloni hefur ekkert samband við danskan
spíritisma. Hún er atvinnumiðill fyrir fyrirbrigði, sem
engin skýring er ennþá til á. Að andar framliðinna standi
á bak við þesskonar fyrirbrigði álítum vér og allir aðrir
rannsóknamenn ennþá ekki vera annað en tilgátu, sem
ekki er sönnuð.
2. Meðferð slíkra fyrirbrigða teljum vér að eigi aðeins
að vera í höndum dómbærra vísindamanna, en ekki í hönd-
um hóps af fólki, sem af tilviljun einni velst saman til
rannsóknanna, eins og hér hefur átt sér stað . . . . “
MORGUNN sér ekki ástæðu til að birta ýtarlegri fregnir
af þessu máli. Nægilegt er að benda á, að frúin hefur áður
verið rannsökuð af mönnum, sem fyllilega sýnist vera
óhætt að taka mark á, og virðist þá hafa sýnt tvímæla-
lausa hæfileika til ósvikinna sálrænna fyrirbrigða af þeirri
tegund, sem áður getur. Jafn greinilegt sýnist, að nú hafi
hún verið staðin að svikum.
Þetta er ömurleg saga, en hún er lærdómsrík og á að
kenna oss, hve varlega verður að fara, hve gagnrýnin er
nauðsynleg, og hversu miðlarnir verða, sannleikans vegna,
að sætta sig við hverjar þær varúðarráðstafanir gegn
hugsanlegum svikum, sem réttilega er af þeim krafizt.
Prófessorinn, sem afhjúpaði svik frúarinnar, leyfði henni
mótbárulaust að fremja svikin, án þess að hirða um sjálf-
sagðar varúðarráðstafanir. Það var rétt, ef hann langaði
til að sanna svikin. Alvarlegur rannsóknamaður hagar sér
á allt annan hátt gagnvart miðli, sem hann er að gera
vísindalegar tilraunir með. Án varúðarráðstafana ætti eng-
inn miðill að fá að starfa, og enginn sannur miðill ætti að
óska þess.
Jón Auðuns.