Morgunn - 01.06.1950, Page 54

48
MORGUNN
leituðu sambands við lága, jarðbundna anda til að neyta
fulltingis þeirra til vondra verka. Sumir vor á meðal líta
einnig svo á, að afholdgaðir andar dvelji við jörðina til
þess að koma þar illu fram. Þetta er vitanlega fjarri öll-
um sanni. í sálarheimi mínum og þínum býr bæði morð-
inginn og hinn heilagi maður. Hvor ræður þar meiru er
undir andlegum þroska þínum eða vanþroska komið. Það
er öllum sanni fjarri að segja, að í ósýnilega heiminum
búi aðeins andar, sem ekki sé æskilegt að hafa samband
við.
Frá örófi alda hafa Indverjar þekkt sannindi spíritism-
ans. Tantra- og Uphanishadbækurnar eru fullar af vitnis-
burðum þess. Indland á umfangsmiklar spíritistiskar bók-
menntir. Tantras, sem rituð er á Sanskrít, fjallar um lífið
eftir dauðann og umgengnina við íbúa andaheimsins. Þar
er boðin kennsla í ýmsum aðferðum til að þroska sálrænar
gáfur til að ná sambandi við andaheiminn, og mætti til
andlegra lækninga. Miðlarnir, sem þannig eru þjálfaðir,
eru gerðir að Tantras-kennurum undir andaleiðsögn og
síðan settir til að starfa við musterin í borgum Indlands
og bæjum. Sem sjáendur, spámenn og læknar undir anda-
leiðsögn ákalla þeir fjölskylduguði og anda forfeðranna
við hin vikulegu mót og hinar miklu árlegu hátíðir. Þarna
er miðilsgáfan að vissu leyti arfgeng. Fjölskyldurnar, sem
gæddar eru miðilsgáfu og stunda þetta starf, njóta lífs-
uppeldis af sjóðum musteranna og framlögum almennings.
Reynsla mín.
Fyrir meira en 25 árum vaknaði áhugi minn fyrir þess-
um efnum, og stöðugt síðan hef ég reynt að rannsaka og
athuga fyrirbrigðin frá öllum hugsanlegum hliðum. Niður-
staðan af rannsóknum mínum á því, sem liggur að baki
þessum fyrirbrigðum, er sú, að dauðinn tortími ekki sjálfs-
vitund mannsins, heldur haldi hún áfram að lifa í annarri
tilveru, sem oftast er kölluð: annar heimur. Margir vita,
að áhugi minn fyrir þessum málum vaknaði, þegar konan