Morgunn - 01.06.1950, Blaðsíða 19

Sir Arthur Conan Doyle.
Postuli spíritismans.
Fyrir nokkru kom út í Bandaríkjunum hin fyrsta ýtar-
lega ævisaga hins heimskunna rithöfundar og spíritista.
Sir Arthur Conan Doyles, rituð af hinum kunna rit-
höfundi John Dickson Carr, sem kunnastur hefur orðið
fyrir leynilögreglusögur sínar. Þessi bók mun naumast
enn hafa borizt hingað, en Théeresé Ericson skrifar
um hana í Spiritualisten, júní 1949, þessa grein:
Nýlega er komin út í Ameríku fyrsta ýtarlega bókin,
sem rituð hefur verið enn um Sir Arthur Conan Doyle.
Þessi bók, sem er meistaralega skrifuð, er rituð af leyni-
lögreglusagnahöfundinum John Dickson Carr, en hann er
rétti maðurinn til að skilja og skýra hið merkilega og fjöl-
þætta sálarlíf Sir Arthurs. Carr segir líka, að hann lýsi í
bókinni ekki aðeins Sir Arthur, heldur einnig höfuðper-
sónunum í skáldritum hans, þeim Sherlock Holmes og dr.
Watson. Þannig er þetta í rauninni þreföld ævisaga. Sér-
hver sálfræðingur hlýtur líka að skilja, að í Sir Arthur
bjuggu ennþá fleiri persónuleikar, svo alhliða var hann,
svo frábærlega f jölþættur maður.
1 ævisögu þessari kynnist lesandinn mörgum staðreynd-
um, sem áður voru ekki almennt kunnar. Oss er kunnugt,
að hann reit fjöldann allan af skáldsögum, smásögum og
ritgerðum, sem hann hlaut heimsfrægð af sem rithöfundur.
„Ritverk hans skyggðu á manninn sjálfan,“ segir Dickson
Carr, „en líf Conan Doyles sjálfs var eins og æsandi hug-
arburður eða ævintýri. Hann var sjálfur miklu merkilegri
persónuleiki en nokkur af söguhetjunum, sem hann skóp.“