Morgunn - 01.06.1950, Blaðsíða 38
32
MORGUNN
Frúin sá þennan dularfulla mann nokkrum sinnum eftir
þetta, og bendir það til þess, að hann hafi verið þarna
langdvölum, og að hin sálræna kona hafi þá aðeins séð
hann, þegar hún var í réttu ástandi til þess. Að lokum
var um hönd hafður einskonar trúarlegur andaútrekstur
á staðnum, og eftir það sást hann ekki.
Þetta atriði má vel heimfæra undir sömu skýringar til-
gátuna og hið fyrra, að hér hafi verið um einhverskonar
hugsangerfi að ræða, sem hafi losnað frá manninum ein-
hverntima vegna sterkrar geðshræringar. Skjalið, sem
hann var með, kann að hafa verið erfðaskrá eða eitthvert
annað þýðingarmikið skjal, sem hann hefur þá fengið í
hendur eða verið sjálfur að útbúa og valdið honum svo
mikillar andlegrar áreynslu, þar sem hann sat með það
þarna fyrir framan eldinn, að hann hafi þá þrýst þessari
mynd á hið dularfulla tjald tímans. 1 slíkum tilfellum er
algengt að í sambandi við sýnina heyrist eitthvert hljóð.
Þessi skýringartilgáta kann að virðast óaðgengileg, en sé
hún ekki rétt er ekki nema um tvennt að ræða, annað-
tveggja, að maðurinn hafi enn setið þarna fyrir framan
eldinn, heilli öld eftir að hann andaðist, eða þá að í anda-
heiminum hafi hugsanir hans enn snúizt svo ákaft um
þennan aldargamla atburð, að þær hafi skapað þessa mynd
þarna í herberginu. Þessi síðari skýringartilgáta kann að
virðast sennileg ef sýnin hefði aðeins einu sinni sézt, en
þegar myndin sýnist hafa verið stöðuglega á þessum stað
og þess er gætt um leið, hve margar aðarar mikilvægar
endurminningar frá jarðlífinu slíkur maður hlýtur að hafa
haft, er erfitt að aðhyllast þá skýringu í alvöru.
Annað hliðstætt dæmi nefnir frú Tweesdale í bók sinni
og hefur það eftir Lady Reay. Hefðarfrúin svaf í gömlu
húsi, sem misjafnt orð fór af, svo að gera má sér í hugar-
lund, að hún hafi verið við því búin að sjá eitthvað dular-
fullt. En veran, sem hún sá þarna, var svo nákvæmlega
hin sama og aðrir menn, sem hún vissi ekki um, höfðu séð
á öðrum tímum, að naumast getur verið um sjálfsefjun