Fréttablaðið - 06.11.2010, Side 6

6 6. nóvember 2010 LAUGARDAGUR
BÚRMA Allt netsamband við
Búrma rofnaði í gær, þegar
álagsárás á tölvukerfi landsins
virtist ná hámarki. Tímasetning
árásarinnar þykir engin tilviljun,
en kosið er í landinu á morgun.
Álagsárásir eru gerðar til að
valda truflunum á netsambandi.
Tölvuþrjótar nota þúsundir tölva
víða um heim sem þeir hafa náð
stjórn á til að fara inn á vefsvæði
á sama tíma. Þoli vefsvæðið ekki
álagið ná engar tölvur sambandi
við það.
Árásir á netkerfi Búrma
hafa staðið yfir síðustu daga,
en árásin náði áður óþekktum
hæðum í gær. Álagið var marg-
falt meira en það sem netþjónar í
Búrma réðu við, og raunar meira
en mælst hefur í sambærilegum
árásum. Afleiðingarnar urðu
þær að netsambandið rofnaði
algerlega.
Kosningar eru í Búrma á morg-
un, þær fyrstu í tuttugu ár. Her-
foringjastjórnin í landinu hefur
verið harðlega gagnrýnd vegna
fyrirkomulags kosninganna. Í
kosningum árið 1990 vann flokk-
ur Aung San Suu Kyi stórsigur,
en herforingjastjórnin neitaði
að láta af völdum og hneppti Suu
Kyi í stofufangelsi, sem hún situr
í enn í dag. - bj
Risavaxin tölvuárás gerð á Búrma í aðdraganda kosninga í landinu á sunnudag:
Netsamband landsins rofið
VARÐHALD Herforingjastjórnin í Búrma
hefur haldið Aung San Suu Kyi í stofu-
fangelsi undanfarin ár. NORDICPHOTOS/AFP
Á að byggja nýtt hótel á Þing-
völlum?
Já 54,4%
Nei 45,6%
SPURNING DAGSINS Í DAG
Hefur þú stutt við góðgerða-
samtök á árinu?
Segðu þína skoðun á visir.is
Strandgata 11, Hafnarfjörður l Sími 512 3777 l www.kailash.is
Kailash er ný verslun á
Strandgötu 11 í Hafnarfirði
sem sérhæfir sig í andlegum
vörum frá Tíbet og Nepal.
Verslunin selur meðal annars
Buddhastyttur, talnabönd,
skartgripi, reykelsi, poncho,
og margt fleira.
Verið velkomin og að
sjálfsögðu er alltaf heitt
á tekatlinum.
Verslunin er opin virka
daga frá kl. 11-18 og
laugardaga frá kl. 11-14.
Erum fluttar í miðbæinn
Lára V. Júlíusdóttir hrl.
Hulda Rós Rúríksdóttir hrl.
Lögmenn Laugavegi 3 ehf.
Nýtt símanúmer 5201050
Nýtt netfang LL3@LL3.is
Fulltrúar:
Íris Ösp Ingjaldsdóttir hdl.
Íris Kristinsdóttir lögfræðingur
DÓMSMÁL Karlmaður hefur verið
ákærður fyrir Héraðsdómi Reykja-
víkur fyrir fjölmörg brot. Hann
er meðal annars ákærður fyrir
að hafa, í félagi við annan mann,
brotist inn í verslun í Hafnarfirði
á síðasta ári og stolið þaðan skart-
gripum að verðmæti ríflega 2,2
milljónir króna.
Þá er maðurinn ákærður fyrir
líkamsárás. Mörg þjófnaðarbrot
eru í ákærunni á hendur mannin-
um. Þar á meðal er þjófnaður á far-
tölvu úr skóla og tveimur kjötlær-
um úr verslun í Reykjanesbæ. - jss
Ákærður fyrir fjölda afbrota:
Stal glingri fyrir
tvær milljónir
Þú getur alltaf lesið Fréttablaðið frítt á Vísi
eða fengið sendan daglegan tölvupóst
með blaði dagsins. Nánari
upplýsingar á: visir.is/dreifing
FRÉTTABLAÐIÐ Á NETINU
KJÖRKASSINN
EFNAHAGSMÁL Lækkun vaxta á fast-
eignalánum niður í þrjú prósent er
meðal þess sem sérfræðingahóp-
ur undir forystu Sigurðar Snæv-
arr, efnahagsráðgjafa forsætisráð-
herra, hefur haft til skoðunar.
Vextir á almennum lánum Íbúða-
lánasjóðs eru í dag fimm prósent.
Stefnt er að því að sérfræðinga-
hópurinn kynni útreikninga sína og
aðrar niðurstöður eftir helgina.
Hópnum var falið að skoða til-
teknar leiðir og tillögur sem komið
hafa fram, reikna út kostnaðinn við
þær og meta hvort og hve raunhæf-
ar þær væru. Stjórnvöld hyggjast
taka ákvarðanir um framhaldið á
grundvelli niðurstaðnanna.
Kemur jafnt til greina að fara
einhverja tiltekna leið sem starfs-
hópurinn fjallaði um, blanda leið-
um saman eða finna enn aðrar.
Flöt niðurfærsla skulda um 15,5
prósent er meðal þess sem hópnum
var falið að skoða en forsætisráð-
herra hefur þegar slegið þá leið út
af borðinu.
Áhrif hækkunar vaxtabóta voru
líka metin og ýmsar útfærslur
varðandi þær skoðaðar.
Sjálfur hafði sérfræðingahóp-
urinn frumkvæði að því að meta
hvaða áhrif það hefði ef allir
gengust undir svonefnda sértæka
skuldaaðlögun. Sú leið felur í sér
samning milli kröfuhafa og lán-
taka um leið til að laga skulda- og
eignastöðu lántakans að greiðslu-
getu. Gerir hún jafnframt ráð fyrir
að kröfuhafinn geti fallist á eftir-
gjöf krafna, hlutfallsega lækkun
þeirra eða gjaldfrest á þeim kröf-
um sem eru umfram greiðslu-
getu.
Þá voru skoðuð áhrif þess að fólk
Lækkun vaxta í þrjú
prósent meðal leiða
Sérfræðingahópur hefur skoðað tíu leiðir til að mæta skuldavanda heimilanna
vegna fasteignalána. Vaxtalækkun, vaxtabótahækkun og flöt niðurfærsla eru
meðal þess sem skoðað var. Niðurstöðurnar verða gerðar opinberar eftir helgi.
REYKJAVÍK Stjórnvöld munu að öllum líkindum taka ákvarðanir um hvaða leið
verði farin til að mæta skuldavanda heimilanna fljótlega eftir að niðurstöður
sérfræðingahópsins liggja fyrir. FRÉTTABLAÐIÐ/VALLI
■ Allir gangist undir sértæka skuldaaðlögun.
■ Flöt niðurfærsla skulda um 15,5 prósent.
■ Flöt niðurfærsla sem miðist við upphaflega fjárhæð láns í stað eftirstöðva.
■ Niðurfærsla skulda í 110 prósent af verðmæti fasteignar.
■ Niðurfærsla skulda í 100 prósent af verðmæti fasteignar.
■ Hækkun vaxtabóta – ýmsar útfærslur.
■ Lækkun vaxta á fasteignalánum niður í þrjú prósent.
■ Skuldarar afhenda kröfuhöfum fasteign sína. Skuldir umfram verðmæti eignarinnar verða
afskrifaðar og þeim sem eiga eigið fé í fasteigninni greitt út. Fólki verði gefinn kostur á að
leigja eignina og kaupa hana aftur að ákveðnum tíma liðnum.
■ LÍN-leiðin. Afborganir af lánum verði hlutfall af tekjum.
■ Eignarnám íbúðarveðlána með niðurfærslu skulda eftir mati gerðardóms.
Leiðirnar sem starfshópurinn skoðaði
afhenti kröfuhöfum fasteign sína,
leigði hana af þeim og keypti aftur
eftir tiltekinn tíma.
Enn fremur var LÍN-leiðin svo-
nefnda skoðuð, en í henni felst að
fólk greiði af fasteignaveðlánum
sínum í takt við tekjur. Einnig var
farið í saumana á gerðardómsleið-
inni sem Gísli Tryggvason, tals-
maður neytenda, lagði til á síðasta
ári en hún gengur út á að sér-
stökum gerðardómi verði falið að
úrskurða um niðurfærslu krafna.
bjorn@frettabladid.is
SJÁVARÚTVEGUR HB Grandi hefur óskað eftir leyfi frá
sjávarútvegsráðuneytinu til að hefja tilraunaveiðar
á gulldeplu. Ef leyfið fæst gætu uppsjávarveiðiskip
félagsins farið til veiða strax í næstu viku.
Vilhjálmur Vilhjálmsson, deildarstjóri uppsjávar-
sviðs, telur að hægt verði að ná árangri á veiðunum
en reynsla undanfarinna tveggja ára hefur leitt í
ljós að sérhönnuð flottroll frá Hampiðjunni skila
mun meiri afla en þau flottroll sem fyrst voru
reynd.
Í frétt á heimasíðu fyrirtækisins segir að nokkur
bið verði á því að farið verði til síldveiða að nýju, en
gefinn hefur verið út fjörutíu þúsund tonna kvóti.
Ástæðan er sú að mikil óvissa var um það hvort
aukið yrði við kvótann og því var ákveðið að ráðast
í smávægileg viðhaldsverk í fiskiðjuverinu og fisk-
mjölsverksmiðjunni á Vopnafirði. Síldveiðar skipa
HB Granda ættu að geta hafist að nýju eftir um
tvær vikur.
Að sögn Vilhjálms eru fyrstu vísbendingar um
ástand loðnustofnsins eftir rannsóknaleiðangur
Hafrannsóknastofnunarinnar á dögunum upp-
örvandi. Vonandi leiði niðurstöður leiðangursins
til þess að hægt verði að hefja loðnuveiðar fyrir
áramót. - shá
Tafir á síldveiðum nýttar í viðhald á verksmiðjuhúsum hjá HB Granda:
Vilja tilraunaveiðar á gulldeplu
FISKIÐJUVER HB GRANDA Húsakosturinn fær andlitslyftingu á
meðan hlé er gert á síldveiðum. FRÉTTABLAÐIÐ/VALLI