Fréttablaðið - 04.12.2010, Blaðsíða 84
10 fjölskyldan
mannrækt
sýnum öðrum vinsemd og virðingu ...
Fanndís byrjar á að útskýra hvað Ungmennaráð SAFT er og hvaða hlutverk það hefur: „Þetta eru krakkar á aldrin-
um ellefu til átján ára sem hittast
nokkrum sinnum á ári og ræða alls
konar hluti, eins og til dæmis verk-
efni fyrir skóla sem tengjast net-
notkun og hvað ber að varast á net-
inu,“ segir Fanndís. „Við erum sem
sagt að vinna að því að gera netið
að betri og öruggari stað fyrir
jafnaldra okkar og gerum okkar
besta í því.“
Fanndís fór sem fulltrúi Íslands
á ráðstefnu aðildarlanda SAFT í
Lúxemborg og vann þar í hóp sem
fjallaði um einelti á internetinu.
„Við vorum bara að tala um hverjir
væru líklegir til að lenda í einelti
og hvað ætti að gera ef eldri kallar
væru að tala við unga krakka
á netinu og reyna að fá þá til að
hitta sig. Svo voru alls konar fyrir-
lestrar og umræður, mjög fróðlegt
og skemmtilegt.“
En er einelti á netinu algengt á
Íslandi? „Já, ég mundi segja það.
Sérstaklega á meðal unglinga á
mínum aldri. Einelti á netinu er
auðveldara fyrir gerandann því
hann getur verið nafnlaus og sá
sem fyrir eineltinu verður getur
ekki svarað fyrir sig. En neteinelti
er alveg jafn slæmt og annað ein-
elti og hefur alveg jafnmikil áhrif
á þann sem verður fyrir því.“
Hefur þú sjálf lent í einelti?
„Nei, ekki einelti. Bara svona
stríðni og sá sem sendi það gerði
sér ekki grein fyrir að ég tæki það
nærri mér.“
Hvað geta krakkar gert ef þeir
verða fyrir einelti? „Þeir verða
að segja einhverjum frá því strax
og fá hjálp. Það er oftast hægt að
rekja IP-tölur tölvanna sem sent
er úr og þá er hægt að stoppa ein-
eltið. Svo verða krakkar auðvitað
að passa sig, vera til dæmis ekki
að adda fullt af fólki á Facebook
sem þeir þekkja ekki neitt. En
aðalatriðið er að segja foreldrum
eða kennurum frá því um leið og
eitthvað svona byrjar, ekki byrgja
það inni og láta sér líða illa,“ segir
Fanndís Birna. - fsb
MIKILVÆGAST að segja
strax frá einelti á netinu
Fanndís Birna Logadóttir er fimmtán ára og á sæti í Unglingaráði SAFT. Hún vill aukið
öryggi fyrir krakka á netinu og hvetur þá til að fara varlega á Facebook.
Hvað er ungmennaráð SAFT? SAFT – Samfélag, fjölskylda og tækni, er vakningarátak um
örugga tækninotkun barna og unglinga á Íslandi. Verkefnið er hluti af Safer Internet Action Plan,
aðgerðaáætlun Evrópusambandsins um öruggari netnotkun, og er styrkt af ESB. Samningsaðili við
ESB er Heimili og skóli – landssamtök foreldra, sem sér um að annast útfærslu og framkvæmd
verkefnisins að öllu leyti fyrir Íslands hönd. Ungmennaráðið samanstendur af krökkum á aldrinum 11-
18 ára sem koma alls staðar að af landinu. Ráðið aðstoðar SAFT við að hanna síðuna www.saft.is.
Vilja að netið
verði öruggari
staður fyrir krakka
Fanndís Birna
ásamt félögum
sínum í Unglinga-
ráði.
FRÉTTABLAÐIÐ/PJETUR
Stafrænn Maxímús Músíkús Hugbúnaðarhúsið Fancy
Pants Global hefur gefið út tölvuleikinn Maximus Musicus fyrir
iPhone, iPad og iPod Touch. Leikurinn er byggður á vinsælum
barnabókum Hallfríðar Ólafsdóttur og Þórarins Más
Baldurssonar um forvitnu og tónelsku músina
Maxímús Músíkús þar sem hann fræðist um
heim tónlistarinnar og hljóðfæranna.
Leikurinn samanstendur af sjö smáleikjum
sem koma inn á mismunandi þætti
tónlistar og er unninn í nánu
samstarfi við höfunda og
aðstandendur músarinnar,
Maximus Musicus ehf.
Aðalhluti Maxaleiksins er
sýndarútgáfa af vinsælum hljóð-
færum. Börnin geta leikið á hörpu,
slagverk, sýlófón eða píanó,
annað hvort eftir eigin höfði eða
með aðstoð einfalds
minnisleiks sem reynir
jafnt á sjónrænt sem
tónrænt minni þeirra. Einnig
er hægt að leysa myndapúsl
og giska á hvaða hljóðfæri er
í leynikassanum.
BÖRN OG TÓNLIST Söngtextar, sögur, leikir, hugmyndaþættir
og skemmtileg myndbrot eru á meðal þess sem er að finna á
vefsíðunni bornogtonlist.net. Síðan er í umsjá Birte Harksen, er
öllum opin og er notendum velkomið að bæta við efni.
Læra umferðar-
reglurnar Börn í
þéttbýli þurfa að læra
umferðarreglurnar eins
fljótt og auðið er enda
umkringd bílum og
öðrum hraðskreiðum
farartækjum á hverjum
degi. Á vef Umferðar-
stofu er hægt að læra
reglurnar með hjálp
skemmtilegra leikja. Þar
eru umferðarmerkin tekin
rækilega fyrir og snýst
nýjasti leikurinn um að
flokka þau í viðvörunar-
merki, bannmerki,
boðmerki, upplýsinga-
merki og þjónustumerki.
Þá er á vefnum sam-
stæðuleikur og umferðar-
leikur um innipúka sem
tekst á við ýmsar hættur
í umferðinni. Hann
lærir til dæmis að
hlaupa ekki eftir
bolta út á götu og
að vara sig á
bílum sem eru
að bakka út úr
stæði.
býður til upplestrar í IÐU
sunnudagskvöldið 5. des. kl 20.00
Te í boði fyrir alla sem á hlýða, en sögurnar segja:
Sigurbjörg Þrastardóttir: Brúður.
Börkur Gunnarsson: Úr 39, skáldsögu í smíðum.
Eiríkur Guðmundsson: Sýrópsmáninn.
Hlé
Þröstur Helgason: Birgir Andrésson. Í íslenskum litum.
Guðmundur Óskarsson: Úr skáldsögu í smíðum.
Bergsveinn Birgirsson: Svar við bréfi Helgu sem
tilnefnd er til Íslensku bókmenntaverðlaunanna.
Kynnir: Bjarni Bjarnason
Tesögufélagið
Lækjargata 2a 101 R. sími 511-5001 opið alla daga 9.00 - 22.00