Fréttablaðið - 04.12.2010, Blaðsíða 92

64 4. desember 2010 LAUGARDAGUR
N
okkrir félagar í
hjólastól hafa komið
saman undan farið
fimm ár og leikið
handbolta að sögn
Friðriks Þórs Óla-
sonar, formaður hjólastólahand-
knattleiksráðs HK, en í haust var
félagsskapurinn formlega settur
á laggirnar. „Við vorum í raun á
undan okkar samtíð því að íþrótt-
in hefur verið stunduð erlendis í
einungis þrjú ár, en nú er meira að
segja komin atvinnumannadeild í
Þýskalandi og það er ekki slæmt.“
Sautján félagar eru skráðir í hóp-
inn eins og er, en Friðrik vonast
til að starfið muni vinda upp á sig
í framtíðinni. „Þetta er svo nýskeð
en ég er að vonast til að fleiri láti
sjá sig,“ segir hann, en æfingar
eru einu sinni í viku í Kórnum í
Kópavogi.
Friðrik bætir því við að hjóla-
stólahandbolti fylgi að mestu sömu
reglum og hefðbundinn handbolti,
nema að leikið er tvo 20 mínútna
hálfleiki. Þá eru dómararnir stað-
settir utan vallar „af öryggis-
ástæðum“, sem er ekki skrítið,
enda gengur jafnan á miklu að
sögn Friðriks. „Já, heldur betur.
Þetta er ekki íþrótt án snertingar,“
segir hann og brosir.
Starfsemi deildarinnar hófst
aðeins fyrir nokkrum vikum, en
nú eru kapparnir strax farnir að
huga að því að fá keppnisstóla og
munu meðal annars leita til Hand-
knattleikssambands Evrópu um
styrki.
Setja markið hátt í hjólastólahandbolta
Blað var brotið í sögu íþrótta
fatlaðra þegar skipulagðar æfing-
ar hófust í hjólastólahandbolta
á vegum HK. Þorgils Jónsson og
Anton Brink kynntu sér málið.