Fréttablaðið - 25.08.2011, Side 62

25. ágúst 2011 FIMMTUDAGUR38
tonlist@frettabladid.is
TÓNNINN GEFINN
Trausti Júlíusson
Þátttakendur í Lagalistanum: Bylgjan, FM957, Xið 977, Rás 2, Kaninn, tonlist.is. Verslanir í Tónlistanum: Skífan, Hagkaup, Penninn/Eymunds-
son, 12 tónar, Harpa, Smekkleysa plötubúð, Elkó, tonlist.is
Listarnir eru teknir saman fyrir Félag hljómplötuframleiðenda. Listarnir eru birtir í heild sinni á Vísir.is.
Stendur í stað síðan í síðustu viku Fellur um sæti síðan í síðustu viku Hækkar á lista síðan í síðustu viku Nýtt á lista
Skýringar:
TÓNLISTINN
Vikuna 18. - 24. ágúst 2011
LAGALISTINN
Vikuna 18. - 24. ágúst 2011
Sæti Flytjandi Lag
1 Of Monsters And Men .................................. Little Talks
2 Coldplay .........................Every Teardrop Is A Waterfall
3 Adele ................................................ Set Fire To The Rain
4 Páll Óskar ..................................................... La Dolce Vita
5 Bubbi Morthens............................................Háskaleikur
6 Mugison ...........................................................Stingum af
7 Jón Jónsson .................................................Wanna Get It
8 Foster The People ............................ Pumped Up Kicks
9 Pétur Ben & Eberg ..................................Over And Over
10 Steindi JR / Bent / Matti Matt .........Gull af mönnum
Sæti Flytjandi Plata
1 Helgi Björns & reiðmenn... .......Ég vil fara uppí sveit
2 Gus Gus ......................................................Arabian Horse
3 Steindinn okkar.......................... Án djóks ... samt djók
4 Bubbi ..............................................................Ég trúi á þig
5 Björgvin & Hjartagosarnir ...........................Leiðin heim
6 Jón Jónsson .................................................Wait For Fate
7 Björk .....................................................................Gling gló
8 Rökkurró ..................................................... Í annan heim
9 Valdimar ............................................................Undraland
10 Snorri Helgason ............................................. Winter Sun
Nú er runninn upp sá tími ársins þegar dagskrá Iceland Airwaves-
hátíðarinnar er farin að skýrast og kominn tími til að kíkja á hvaða
listamenn koma fram í þetta skiptið. Airwaves 2011 fer fram dagana
12.-16. október. Þetta er þrettánda hátíðin og önnur undir stjórn Gríms
Atlasonar. Þegar maður kíkir á dagskrána sér
maður strax að það eru margar nýjungar í ár.
Í fyrsta lagi hefur nýr tónleikastaður bæst
við, Harpa. Það verður gaman að sjá hvernig
hún kemur út á Airwaves. Í öðru lagi eru a.m.k.
tvö stór alþjóðleg nöfn sem eru löngu búin að
festa sig í sessi á hátíðinni í ár. Annars vegar
Björk sem spilar í fyrsta sinn á Airwaves og hins
vegar Yoko Ono Plastic Ono Band. Í þriðja lagi
spilar Sinfóníuhljómsveit Íslands í fyrsta sinn á
Airwaves 2011, en 13. október mun hljómsveit-
in leika verk eftir Valgeir Sigurðsson, Daníel
Bjarnason og Steve Reich.
Þegar maður skoðar dagskrána þá sér maður
samt að þrátt fyrir þessar nýjungar þá verður
hátíðin í ár, eins og undanfarin ár, fyrst og
fremst hátíð grasrótarinnar. Flestar heitustu hljómsveitir Íslands
munu spila á Airwaves 2011 og mikill fjöldi efnilegra erlendra lista-
manna. Ég þekki ekki öll þessi nöfn enn þá, en af þeim sem ég er búinn
að kynna mér hlakka ég mikið til að sjá Baltimore-dúóið Beach House,
Svíana í Dungen, kanadísku strákana í Karkwa og samlanda þeirra
Owen Pallett, eistnesku spunasveitina Kreatiivmootor, japanska raf-
poppbandið MI-GU, Bristol-sveitina Zun Zun Egui og Berlínarbandið
Ter Haar. Sérstaklega er ég samt spenntur fyrir tUnE-yArDs. Hún er
algjört möst.
John Grant, sem átti plötu ársins í fyrra að mati margra, kemur líka
á Airwaves 2011, eins og nýstirnin í The Vaccines (með Íslendinginn
Árna Árnason á bassa), gæðasveitin The Twilight Sad og finnsku snill-
ingarnir í 22 Pistepirkko. Þeir síðastnefndu voru frábærir á Tveim-
ur vinum 1991. Það lítur ekki út fyrir að Airwaves ætli að klikka í ár
frekar en undanfarin ár!
Margar nýjungar á Airwaves
DRAUMAPOPP
Hljómsveitin Beach
House spilar á Iceland
Airwaves 2011.
> Í SPILARANUM
Ham - Svik, harmur og dauði
Ofvitarnir - Stephen Hawking - Steven Tyler
Vax - Greatest Hits
CSS - La Liberacion
ADHD - ADHD 2
HAM ADHD
Tíunda hljóðversplata Red
Hot Chili Peppers kemur út
á mánudaginn. Josh Kling-
hoffer hefur tekið við gítar-
leiknum af hinum óútreikn-
anlega John Frusciante.
Fyrsta plata Red Hot Chili Peppers
í fimm ár, I‘m With You, kemur út
á mánudaginn.
Eftir tveggja ára hlé þar sem
Flea stundaði tónlistarnám í Kali-
forníu og Kiedis einbeitti sér að
nýfæddum syni sínum, hófust upp-
tökur í september í fyrra með Rick
Rubin við stjórnvölinn.
I´m With You er fyrsta plata
Kaliforníu-fönkaranna í fimmtán
ár án gítarleikarans óútreiknan-
lega Johns Frusciante, sem ákvað
að segja skilið við bandið í annað
sinn. Margir óttast að það sama
gerist nú og gerðist síðast þegar
Frusciante hætti. Þá gaf út sveit-
in út hina misheppnuðu One Hot
Minute með Dave Navarro á gít-
arnum en miðað við smáskífulag-
ið The Adventures of Rain Dance
og fleiri lög þurfa aðdáendur Chili
Peppers ekkert að óttast. Tónlist-
in hefur lítið breyst og þrátt fyrir
að Frusciante hafi átt stóran þátt
í vinsældum sveitarinnar virðist
hinn ungi Josh Klinghoffer hafa
það sem til þarf.
I´m With You er tíunda hljóð-
versplata Red Hot Chili Peppers.
Hljómsveitin var stofnuð 1983 af
Anthony Kiedis, gítarleikaranum
Hillel Slovak (sem lést úr ofneyslu
heróíns 1988), Flea og trommar-
anum Jack Irons. Fyrsta platan,
samnefnd sveitinni, kom út 1984.
Þrátt fyrir að hún hafi ekki selst
vel fékk hún ágæta spilun í banda-
ríska háskólaútvarpinu. Næsta
plata, Freaky Styley, gerði lítið til
að auka vinsældir strákanna en
sú næsta, The Uplift Mofo Party
Plan, varð sú fyrsta til að ná inn á
vinsældalista. Fjórða platan Mot-
hers Milk, með nýliðann Frusci-
ante um borð, vakti enn meiri
athygli á sveitinni, enda var lögð
meiri áhersla á melódíur en takt-
fast fönkið. Eftir útgáfu Blood
Sugar Sex Magik 1991 fóru hjól
piparsveinanna að snúast fyrir
alvöru og Kiedes og félagar öðl-
uðust heimsfrægð með lögunum
Under the Bridge og Give It Away.
Mikið vatn hefur runnið til sjávar
á þeim tuttugu árum sem eru liðin
síðan þá. Chili Peppers hefur selt
yfir sextíu milljónir platna, unnið
sex Grammy-verðlaun og ekki sér
fyrir endann á vinsældunum þrátt
fyrir brotthvarf Frusciante.
En hvernig hljómar svo nýja
platan? Aðdáendur sveitarinnar,
sem hafa getað hlustað á plötuna
á heimasíðu sveitarinnar síðustu
daga, virðast nokkuð sáttir. Ráða
má af viðbrögðum þeirra að I´m
With You sé stútfull af flottum
lögum þó platan sé alls ekki galla-
laus. Stóru tónlistarblöðin Uncut
og Q virðast sama sinnis. Hvort
um sig gefur plötunni þrjár stjörn-
ur af fimm mögulegum.
freyr@frettabladid.is
Kokhraustir án Frusciante
Á TÓNLEIKUM Red Hot Chili Peppers á tónleikum í Hollywood síðastliðinn mánudag. Tíunda hljóðversplata sveitarinnar er á
leiðinni. NORDICPHOTOS/GETTY
> PLATA VIKUNNAR
Pétur Ben & Eberg - Numbers Game
★★★★
„Samstarf tveggja af fremstu popp-
urum landsins veldur ekki von-
brigðum.“ - TJ
Akureyringar eiga gott kvöld í vændum á
laugardaginn þegar forsvarsmenn Iceland
Airwaves-tónlistarhátíðarinnar blása til
tónleika í bænum.
Tónleikarnir verða á Græna hattinum
og það verða Of Monsters And Men, skag-
firska sveitin Contalgen Funeral og Ljós-
vaki sem troða upp. Húsið opnar klukkan
21 og það er ókeypis inn.
Í tilkynningu frá forsvarsmönnum Ice-
land Airwaves segir að tónlistarmenn og
tónlistarunnendur á höfuðborgarsvæð-
inu horfi með öfundaraugum til Græna
hattsins sem sé einn albesti tónleikastað-
ur landsins. Staðurinn yrði eflaust nýttur
á hátíðinni ef hann væri 300 kílómetrum
nær miðbæ Reykjavíkur en raun ber vitni.
Airwaves á Akureyri
OF MONSTERS AND MEN Sigursveit Músíktilrauna
árið 2010 er ein þeirra sveita sem troða upp á
Græna hattinum á Airwaves-tónleikum á laugar-
daginn. FRÉTTABLAÐIÐ/STEFÁN
Jóa í Veghúsum
Svandís Dóra Einarsdóttir hefur verið viðloðandi
leiklist frá því hún man eftir sér og leikið fjölda
mismunandi hlutverka. Í vetur leikur hún Jóu
í Veghúsum í verkinu Heimsljós.
Josh Klinghoffer var
fimm ára þegar fyrsta
plata Red Hot Chili
Peppers kom út.
5