Frjáls verslun - 01.08.2003, Síða 163

gerðri tilraunastarfsemi og njóta þess
ekki á einn eða neinn hátt. Það er útúr-
snúningur að segja að núverandi rekstr-
araðilar njóti reynslunnar í forvalinu. Þeir
sem sitja í forvalsnefnd eru stjórnendur
og starfsmenn FLE. Þeim er í lófa lagið
að velja sér samkeppnisaðila og það er
ekki traustvekjandi. Allir bestu vöruflokk-
arnir hafa verið teknir frá (yfir 70% af velt-
unni í flugstöðinni) og öll bestu verslun-
arsvæðin einnig. Hinir mega svo bjóða í
afganginn. Mottó FLE virðist í stuttu máli
þetta: Samkeppni er góð en hún er bara
fyrir aðra en okkur,“ segir hann og bætir
við að grundvallaratriði í málinu sé að rík-
ið sé þarna í verslunarrekstri. Það sé út-
úrsnúningur að segja að ríkið verði að
reka fríhafnarverslunina vegna þess að flugstöðin skuldi svo
mikið.
, Af hveiju reka þeir þá ekki allar verslanirnar? Það sér hver
sem vill að auðvitað á að bjóða rekstur Fríhafnarinnar út eins
og annan rekstur í flugstöðinni og það er öruggt að aðrir
myndu gera það betur. Ríkið getur svo tryggt sér tekjur með
*»-
Logi Úlfarsson, framkvæmdastjóri Islensks markaðar. Myndir: Geir Olafsson
leigugjöldum eða leyfisgjöldum til þess að standa undir rekstri
flugstöðvarinnar. Auk þess er stór hluti rekstrar flugstöðvar-
innar til kominn vegna Schengensamkomulagsins og það var
pólitísk ákvörðun sem ekki er sanngjarnt að leigutakar í flug-
stöðinni greiði. Ríkið á að greiða þann kostnað úr eigin vasa án
þess að íþyngja rekstrinum í flugstöðinni," segir Logi.
Sævar Jónsson,
kaupmaður í Leonard:
ÓVISSAN
ER ÓÞÆGILEG
að var farið í ákveðið útboð í Flugstöðinni á sínum tíma,
sem var síðan frestað og þvi bíða menn í óvissu með fram-
tíðina. Það er ósköp lítið samband haft við okkur, sem rekum
verslanir, um framtíðarhorfur í Flugstöðinni þannig að við
erum hangandi í lausu lofti og óvissu um framvindu mála. Eg
tel mjög æskilegt að rekstrarhorfurnar fari að skýrast því að
við erum aðeins með samning til þriggja mánaða í senn eins
og staðan er núna og gerir þetta okkur mjög erfitt um inn-
kaup, auk þess sem þessi óvissa er afar óþægileg fyrir starfs-
fólk okkar. Það er mjög bagalegt að vita ekki hvort og hvernig
framhaldið verður,“ segir Sævar Jónsson, kaupmaður í Leon-
ard, sem rekur verslun með úr og skartgripi í Flugstöðinni.
Forval um rekstur veitingastaða og verslana í Flugstöðinni
átti sér stað í fyrra og var þá forval um allan rekstur nema
rekstur Fríhafnarinnar sem hefur verið hlutafélag í eigu ríkis-
ins, margir telja sjálfsagt að eðlilegt hefði verið að bjóða út
þann hluta rekstursins einnig. Komið hefur fram að núverandi
verslunareigendur í Flugstöðinni hafa hug á áframhaldandi
rekstri og sendu inn gögn í forvalinu en Sævar segir að síðan
hafi ekkert gerst og engin svör fengist. Islenskur markaður er
í málaferlum við Flugstöð Leifs Eiríkssonar og megi búast við
fréttum af því í haust. Niðurstöðunni verði hugsanlega áfrýjað
Sævar Jónsson, kaupmaður í Leonard.
hvernig svo sem hún verður þannig að líklega verður sama
óvissan ríkjandi um áramótin, að mati Sævars. „Eg skil ekki
hvernig þetta getur gengið svona. Það er mjög óþægilegt að
vita ekki meira um sinn rekstur og geta ekki horft meira til
framtíðar," segir hann. H3
L
163