Frjáls verslun - 01.10.2004, Blaðsíða 9

árangri í tilteknu starfi og auka þannig líkurnar á að rétti einstakling-
urinn sé valinn í starfið. Aukið samræmi milli þess sem starfið krefst
og eiginleika starfsmannsins skilar sér í aukinni framleiðni og starfs-
ánægju, auk þess sem kostnaður við mistök í ráðningum minnkar.
Mikil vinna hefur verið lögð í að þýða prófin og staðfæra. Þannig
hefur verið tryggt að niðurstöðurnar gefi sem besta mynd af fram-
tíðarhegðun starfsmannsins."
Dulinn kostnaður við ráðningar
Auður og Gunnar segja að eitt af markmiðum IMG Mannafls -
Liðsauka sé að tryggja að besti starfsmaðurinn sé ráðinn til starfs-
ins. „Eins og sjá má í blöðum velur fjöldi fyrirtækja að auglýsa sjálft
eftir starfsfólki. Telja margir sig vera að spara með þeirri aðferð.
Stjórnendur hafa hins vegar oft ekki reiknað út þann kostnað sem
fylgir ráðningum. Allir geta lagt saman auglýsingakostnað, tekið
saman þann tíma sem fer í viðtöl og reiknað út hversu dýrt er að
ráða. Þessi einfalda aðferð við að reikna út kostnað vegna ráðninga
segir þó í besta falli hálfa söguna.
Þeir sem standa að mannaráðningum gera sér sjaldnast grein
fyrir tveimur öðrum tegundum kostnaðar. Annar er kostnaðurinn
sem hlýst af að ráða þann sem er nógu góður í starfið, í stað
þess að ráða þann sem smellpassar í það. Munurinn á frammi-
stöðu þessara tveggja einstaklinga getur verið verulegur. Sá fyrri
gerir allt sem til er ætlast, á réttum tíma og samviskusamlega.
Sá seinni gerir allt það sem sá fyrri gerir, en einnig meira en til er
setlast, hugsar út fyrir sitt ábyrgðarsvið og gerir sitt besta til að
koma með hugmyndir um hvernig hann geti sinnt starfi sínu betur.
Auðveldast er að reikna þennan mun í krónum og aurum í ýmsum
framlínustörfum. Vel er hægt er að ímynda sér einstakling sem er
þjónustulundaður og lipur í samskiptum og gerir flesta viðskiptavini
ánægða með komuna á staðinn. Þessi starfsmaður uppfyllir öll skil-
yrði starfsins en er mögulega ekki sá besti. Besti starfsmaðurinn
gerir, líkt og áður sagði, allt sem hinn fyrri gerir, en f hvert skipti
sem hann afgreiðir viðskiptavin reynir hann að setja sig í spor hans
og sjá fyrir hverjar þarfir hans eru og uppfylla þær. Munurinn á
frammistöðu þessara tveggja starfsmanna er í það minnsta verð-
mæti allrar stoðsölunnar sem besti starfsmaðurinn býr til, sala
umfram það sem hinn gerði.
Önnur tegund kostnaðar sem sjaldan er skoðaður í stærra
samhengi er kostnaðurinn þegar starfsmaður hættir að loknum
reynslutíma. Þegar það gerist þarf ekki einasta að ráða í starfið
aftur, heldur að taka til við þjálfun annars starfsmanns. Venjulega
er reynslutími í íslenskum fyrirtækjum þrír mánuðir þannig að kost-
naður sem af þessu hlýst er aldrei minni en sem nemur þriggja
„Ráðningastofur IMG hafa verið frumkvöðlar
í prófum og markvissum hæfnismælingum á
umsækjendum"
mánaða launum starfsmannsins. Til viðbótar koma óþægindi fyrir
fyrirtækið, viðskiptavini og samstarfsmenn, og sú staðreynd að
störf hafa ekki verið unnin með fullnægjandi hætti á meðan rangur
starfsmaður var í hlutverkinu. Þá sjaldan að starfsmaður, sem
ráðinn er af okkur, hættir á reynslutímanum án þess að forsendur
ráðningar hafi breyst, er annar fundinn í staðinn fyrirtækinu að
kostnaðarlausu."
Þaulreyndar viðtalsaðferðir
Hvernig nær svo Mannafl - Liðsauki árangri? „Ráðgjafar okkar eru
mjög meðvitaðir um þær gildrur sem hægt er að falla í á ráðningar-
ferlinu og hafa tekið upp vinnureglur og viðeigandi próf til að ná besta
mögulegum árangri í hvert skipti sem starfsmaður er ráðinn. Það er
þekkt staðreynd að hefðbundið viðtal við umsækjanda felur í sér tak-
markaðar upplýsingar um frammistöðu hans í framtíðinni. Mestar
líkur eru á að óvanur maður komi fyrst og fremst með óljósar
hugmyndir um hvort honum líkaði við viðkomandi eða ekki, sem er
nokkuð sem spáir ekki fyrir um frammistöðu í starfi.
Til að ná betri tökum á þessum þætti ráðningarinnar nota allir
ráðgjafar Mannafls - Liðsauka þaulreyndar viðtalsaðferðir sem
gefa ítarlegar upplýsingar um viðmælandann. Til viðbótar við að
kanna meðmæli eru meðal annars notuð próf sem meta ýmsa eig-
inleika umsækjandans og gefa mjög sterkar vísbendingar um það
hversu vel viðkomandi passar i starfið sem hann sækir um."[I]
IMG
Mannafl
Liðsauki
Laugavegi 170
105 Reykjavík
Sími: 540 7100
Fax: 540 1099
http://www.mannafl.is/
Skipagata 16
600 Akureyri
Sími: 461 4440
Fax: 461 4441
9