17. júní - 17.06.1937, Blaðsíða 43

Skúli Þorsteinsson:
Farfuglafundir og gestamót.
Nokkur undanfarin ár hefir Ungmennafélagið Velvakandi í Reykja-
vík staðið fyrir hinum svo nefndu farfuglafundum fyrir hönd U. M. S.
Kjalarnessþings. Þeir eru haldnir mánaðarlega að vetrinum, eða venju-
lega 7—8 fundir á ári.
Ungmennafélögin hafa ætíð talið það eitt meðal hlutverka sinna, að
skapa heilbrigt og menningarríkt félagslíf meðal æskunnar. Þau hafa
alltaf skilið, að það skiptir miklu fyrir framtíð og velferð hennar, hvernig
sá félagsskapur er, sem hún vex með og starfar í. Hvernig tækifæra hún
nýtur til þess að veita félagsþránni útrás — til þess að gleðjast og gleðja
aðra. Farfuglafundirnir eru einn liður í þessari menningarstarfsemi ung-
mennafélaganna.
Fundirnir hafa vakið sérstaka athygli allra, sem til þekkja, þeir eru
mjög vinsælir, og hafa á sér þann svip, sem er þeim og ungmennafélög-
unum til sóma. Samkomur þessar sækja fyrst og fremst ungmennafélagar
utan af landi, sem staddir eru í bænum, gamlir ungmennafélagar og aðrir
unnendur samtakanna. Þar eru rædd áhugamál ungmerinafélaganna, flutt
erindi og sagðar fréttir af starfsemi félaganna víðsvegar um landið.
Söngur og gleði skipa þar öndvegi. Drengskapur í rökræðum og allri
framkomu einkennir fundina. Þetta eru kynningar- og skemmtifundir —
einskonar tengiliður milli ungmennafélaga víðsvegar að, yngri og eldri.
Hugsjónir framtíðarinnar eru tengdar störfum liðna tímans.
Aðsókn að fundunum fer vaxandi með hverju ári. Má því vænta þess,
að í framtíðinni fari starfsemi þessi vaxandi og batnandi og verði merki-
legur liður í starfi Ungmennasambands Kjalarnessþings.
Auk farfuglafundanna heldur Ungmennafélagið Velvakandi gestamót
á hverjum vetri, venjulega í desembermánuði; það er árshátíð ungmenna-
félagsins. Þangað eru allir ungmennafélagar velkomnir með gesti sína.
Til þessarar samkomu er sérstaklega vandað.
Þessi starfsemi, sem ég nú hefi drepið á, er aðeins einn liður í starfi
Ungmennasambands Kjalarnessþings. Eru allir æskumenn og konur, sem
taka vilja virkan þátt í þessari og annarri starfsemi ungmennafélaganna
hér í Reykjavík, velkomnir í Ungmennafélagið Velvakandi.