17. júní - 17.06.1937, Blaðsíða 18

Aðalsteinn Sigmundsson:
Ungmennafélögin.
Um það leyti, sem Friðrik konungur 8. gisti Þingvelli, sumarið 1907,
komu nokkrir ungir eldmóðsmenn til fundar á hinum fornhelga þingstað.
Þeir voru fulltrúar nokkurra ungmennafélaga, en slík félög höfðu risið
víðsvegar um landið undanfarna mánuði. Og erindi þeirra var að mynda
landssamband með ungmennafélögunum — sameina þau í eina átaka-
heild. Þá var Ungmennafélag íslands stofnað. Það er því þrítugt nú í sum-
ar. —
Þau 30 ár, sem liðin eru síðan 1907, hefir U.M.F.Í. og sú félagshreyf-
ing, sem það er samnefnari fyrir, verið býsna þýðingarmikið og áhrifa-
ríkt í þjóðlífi voru. Ungmennafélög hafa risið upp í flestum byggðarlög-
um landsins og starfað lengri eða skemmri tíma, mörg sleitulaust fulla
þrjá tugi ára. Eftir þau liggur fjöldi sýnilegra verksummerkja um allt
land: samkomuhús, vegaspottar, gróðrarreitir, sundlaugar, skólar, bóka-
söfn o. s. frv. Fjölmargar þeirra umbóta, sem gerðar hafa verið á landi
hér á hinu mikla umbótatímabili frá 1907, hafa fyrst verið hugsaðar og
ræddar í ungmennafélögum. Aðalþýðing og meginsigur U.M.F. liggur þó
vafalaust í því, sem aldrei verður sýnt né tölum talið: áhrifum þeirra á
einstaklinga þjóðarinnar, félagsmenn fyrst og fremst, en einnig fleiri.
Áhrif þessi liggja að nokkru í þeirri beinu tamningu, líkamlegri og and-
legri, sem félögin hafa veitt æskunni, með íþróttaiðkunum og félagsstarf-
semi. En sterkust og afdrifaríkust eru þau í þeirri mótun hugsunarháttar
og lífsskoðunar og þeirri stælingu viljans til góðra hluta, sem einkennt
hefir U.M.F. um annan félagsskap fram.
Hér er hvorki rúm né tækifæri til að rekja sögu ungmennafélag-
anna um þrjátíu ár, enda mun það verða gert á öðrum vettvangi. Línum
þessum er hinsvegar ætlað að vekja athygli lesenda á þeim viðfangsefnum,
sem U.M.F. hafa nú með höndum, og þeirri stefnu, sem þau hafa valið
sér að fylgja hin næstu ár. Skal fyrst vakin athygli á þeirri staðreynd, að