Morgunblaðið - 18.02.2009, Blaðsíða 8

8 FréttirINNLENT
MORGUNBLAÐIÐ MIÐVIKUDAGUR 18. FEBRÚAR 2009
Morgunblaðið/Kristinn
Í framboði Svandís Svavarsdóttir
hefur verið áberandi í borgarpóli-
tíkinni sem borgarfulltrúi.
Eftir Önnu Sigríði Einarsdóttur
annaei@mbl.is
SVANDÍS Svavarsdóttir, borgar-
fulltrúi Vinstri grænna, hefur
ákveðið að bjóða sig fram í fyrsta
sæti í Reykjavíkurkjördæmi fyrir
alþingiskosningarnar í vor.
„Það eru gríðarlega krefjandi
verkefni framundan í landstjórn-
inni og á Alþingi Íslendinga og
málstaður Vinstri grænna á veru-
lega sterkan hljómgrunn í sam-
félaginu. Mér finnst rétt að taka
þátt í þeim krafti sem blæs í okkar
segl,“ segir Svandís um ástæður
þess að hún gefur kost á sér.
Hættir í borgarpólitíkinni
Hún segir fjölmarga hafa gefið
kost á sér í sæti á lista Vinstri
grænna í Reykjavík og bendir m.a.
á þau Paul Nikolov, sem gefið hef-
ur kost á sér í fyrsta til þriðja sæti,
og Álfheiði Ingadóttur þingmann,
sem sækist eftir fyrsta sætinu líkt
og Svandís.
„Ég held að það sé mjög ánægju-
legt hversu margir félagar gefa sig
fram því að þannig fá flokksfélag-
arnir tækifæri til að stilla upp sig-
urstranglegum lista.“
Svandís hyggst hætta í borgar-
stjórn komist hún á þing, en hún
hefur verið fulltrúi Vinstri grænna í
borgarstjórn frá 2006. „Það er fullt
starf að vera borgarfulltrúi og það
er fullt starf að vera alþingismaður
þannig að ég ætla mér ekki að vera
í mörgum störfum í einu og hef
aldrei gert.“
Hún hafi hins vegar fengið mikla
hvatningu til að bjóða sig fram til
þings. „Raunar fann ég líka til mik-
illar hvatningar í kringum búsá-
haldabyltinguna og þá bylgju sem
þar var í kring,“ segir hún og vísar
þar til þeirra væntinga fólks að
ferskir vindar blási um stjórn-
málaflokkana. Mikilvægt sé að
reynsla og þekking haldist í hendur
við ný sjónarmið og öðruvísi nálg-
anir.
Vinnur þvert
á flokkslínur
Sjálf hafi hún staðið fyrir það í
stjórnmálum að oftar eigi að beita
samstöðu en átakafarvegi. „Þessi
hefðbundna sýn valdastjórnmál-
anna, að meirihlutinn kúgi minni-
hlutann, leiðir okkur ekki til góðra
verka og góðrar niðurstöðu.
Ég hef verið talsmaður þess hér í
borgarstjórn að vinna meira þvert
á flokkslínur vegna þess að því
fleiri sjónarmið sem koma að borð-
inu, og þá líka sjónarmið minni-
hlutans og þeirra sem hafa fá at-
kvæði, þeim mun meirsi líkur eru á
að niðurstaðan sé farsæl,“ segir
Svandís.
„Ánægjulegt hve margir gefa kost á sér“
 Svandís Svavarsdóttir borgarfulltrúi gefur kost á sér í fyrsta sæti á lista Vinstri grænna í Reykjavík
 Segir mikilvægt að reynsla og þekking haldist í hendur við nýja strauma og nálganir
Morgunblaðið/Ómar
Sparnaður Á blaðamannafundinum kom m.a. fram að sparnaður af því að afnema sérlög um eftirlaun ráðherra og þingmanna næmi 400-700 milljónum
á næstu árum. Til samanburðar má benda á að framlög ríkisins til stjórnmálaflokka eru 370 milljónir á þessu ári, 60 milljónum hærri en í fyrra.
Eftir Rúnar Pálmason
runarp@mbl.is
KRÖFUR á einstaklinga sem verða
gjaldþrota fyrnast á tveimur árum en
ekki tíu eins og nú er, verði frumvarp
ríkisstjórnarinnar um breytingar á
gjaldþrotalögum samþykkt á Alþingi.
Þá leggur stjórnin til að öllum nauð-
ungarsölum á húsnæði verði frestað
til 31. ágúst og að fólk sem missir hús
sín geti búið í þeim í allt 12 mánuði frá
því salan fer fram.
Þetta kom fram á venjubundnum
blaðamannafundi Jóhönnu Sigurðar-
dóttur forsætisráðherra og Stein-
gríms J. Sigfússonar fjármálaráð-
herra eftir ríkisstjórnarfund í gær.
Unnið með lífeyrissjóðum
Á fundinum greindi Steingrímur
jafnframt frá nýju frumvarpi um fyr-
irframgreiðslu á séreignasparnaði
sem hann sagði að hefði verið unnið í
samstarfi við lífeyrissjóðina. Sam-
kvæmt frumvarpinu geta þeir sem
eiga séreignasparnað sótt um að fá að
hámarki greidda út eina milljón
króna. Hægt verður að sækja um
þessa fyrirframgreiðslu fram í októ-
ber 2010. Þetta fé verður til frjálsrar
ráðstöfunar og fólk gæti notað það til
að greiða af skuldum. „Við vonumst
til þess að þetta geti auðveldað mörg-
um umtalsvert að ráða við sínar
skuldbindingar, að lækka sínar skuld-
ir,“ sagði Steingrímur. Þónokkrar
upphæðir gætu komið til mánaðar-
legrar greiðslu, að frádregnum skött-
um mætti gera ráð fyrir að upphæðin
yrði um 70.000 krónur á mánuði í níu
mánuði. Tækju allir út úr sjóðunum
gæti fjárhæðin numið 80-90 milljörð-
um en afar ólíklegt væri að til þess
kæmi. Nokkrir tugir milljarðar gætu
þó farið út. Hugsanlega yrði hámark-
ið hækkað en kanna yrði fyrst hvaða
áhrif það gæti haft. Greiðslurnar
munu hvorki skerða rétt til atvinnu-
leysisbóta né annarra bóta úr al-
mannatryggingum. Aðspurður hvort
til greina kæmi að fólki í greiðsluerf-
iðleikum yrði sleppt við að borga
tekjuskatt af séreignasparnaði, benti
Steingrímur á að innborgarnir í sér-
eignasjóði væru skattfrjálsar og af-
nám skatta á útgreiðslur væri því
brot á meginreglu. Þá benti hann á að
atvinnulausir yrðu að borga skatta af
bótum sínum.
Jóhanna sagði að stefnt væri að því
að flest mál sem ríkisstjórnin vildi fá
samþykkt fyrir þingrof yrðu lögð fyr-
ir Alþingi innan 10-14 daga. Von væri
á upplýsingum frá Seðlabankanum
um stöðu heimilanna og þá lægi betur
fyrir til hvaða aðgerða þyrfti að grípa.
„Það er myntkörfufólkið og verð-
tryggingarfólkið sem við þurfum að
skoða í langtímaplaninu.“
Gjaldþrotin gerð bærilegri
 Fólki leyft að sækja sér eina milljón úr séreignasjóðum  Hefur ekki áhrif á rétt
til atvinnuleysisbóta eða annarra bóta  Nauðungarsölum frestað um sex mánuði
HJÚKRUNARRÁÐ Landspítalans
lýsir í ályktun yfir miklum áhyggj-
um af fyrirhuguðum samdráttar-
aðgerðum á spítalanum. Einkum
hefur hjúkrunarráð áhyggjur af
áhrifum þess að fækka hjúkrunar-
fræðingum og öðrum starfsmönnum
í hjúkrun. „Víða er mikil sérþekking
í hjúkrun ákveðinna sjúklingahópa
en hún stuðlar að betri þjónustu,
auknum gæðum og síðast en ekki
síst auknu öryggi sjúklinga. Hjúkr-
unarráð telur að við fækkun eða til-
færslu starfsfólks innan hjúkrunar
muni þessi sérþekking tapast og
þannig ógna öryggi sjúklinga og
skerða þjónustu,“ segir í álykt-
uninni. bjb@mbl.is
Áhyggjur á
Landspítala
Úr hvaða kjördæmum koma
ráðherrar Vinstri grænna?
Steingrímur J. Sigfússon, fjár-
málaráðherra og formaður flokks-
ins, er úr Norðausturkjördæmi,
Katrín Jakobsdóttir, menntamála-
ráðherra og varaformaður, er úr
Reykjavíkurkjördæmi nyrðra, Ög-
mundur Jónasson þingflokks-
formaður er úr Suðvesturkjör-
dæmi og Kolbrún Halldórsdóttir
umhverfisráðherra er úr Reykja-
víkurkjördæmi syðra.
Hvaða þingmenn VG eru úr
Reykjavík?
Auk Katrínar og Kolbrúnar sitja
einnig á þingi þau Árni Þór Sig-
urðsson og Álfheiður Ingadóttir.
S&S
Grípa þarf strax til róttækra að-
gerða til að koma í veg fyrir keðju-
verkun á fasteignamarkaði sem að
lokum getur leitt til skelfilegra af-
leiðinga fyrir íslenskt samfélag.
Þetta segir Björn Þorri Viktorsson,
hrl. og annar tveggja eigenda fast-
eignasölunnar Miðborgar.
Björn Þorri segir mikil „hættu-
merki“ þegar vera farin að sjást.
„Ég tel að það þurfi að horfast í
augu við vandamálið eins og það
blasir við. Efnahagskerfið er hrun-
ið. Það er að mínu mati alvarlegt
mál ef stjórnvöld líta svo á að
efnahagskerfið sem slíkt sé ekki
hrunið, heldur einungis einangr-
aðir hlutar þess, það er bankakerf-
ið. Það er ekkert efnhagskerfi sem
getur verið með lamað bankakerfi
og frosinn fasteignamarkað. At-
vinnulífið allt sogast niður í að-
stæður sem það skapar,“ segir
Björn Þorri.
Hann segir það ekki ganga upp
að gengið sé að eignum fólks á
sömu forsendum og áður í ljósi
þess að aðstæður hafa breyst. „Ég
finn vel fyrir því í mínu starfi að
fjármálastofnanir eru ekki að slá
slöku við þegar
kemur að því að
innheimta. Það
sem ég hef
áhyggjur af er
að sömu for-
sendur séu
undirstöður
fullnustukerf-
isins nú, og
voru þegar allt
lék í lyndi ef svo
má að orði komast. Mér finnst það
gefa augaleið að það þarf að laga
allar innheimtuaðferðir að þeim
aðstæðum sem hér eru komnar
upp. Annars er raunveruleg hætta
á því að eignaverð falli alltof mikið
og tugþúsundir verði gjaldþrota í
kjölfarið. Og því miður getur farið
svo að fólk sem annars er ekki í
slæmri stöðu, lendi í henni, ef ekk-
ert verður að gert.“
Björn Þorri segir að aðgerðir
stjórnvalda megi ekki einungis
miðast við að lengja í greiðslu-
frestum og gera fólki mögulegt að
borga af lánum. Koma þurfi í veg
fyrir að fólk sé gert gjaldþrota.
magnush@mbl.is
Þegar farin að sjást mikil „hættumerki“
Björn Þorri
Viktorsson
HÉRAÐSDÓMUR Reykjavíkur hef-
ur dæmt 21 árs gamlan karlmann,
Inga Pál Eyjólfsson, í 5 ára fangelsi
fyrir mann-
drápstilraun en
maðurinn réðist á
hálfbróðir sinn á
Hlemmtorgi í
nóvember á síð-
asta ári og stakk
hann með hnífi í
bak og öxl. Ingi
Páll var einnig dæmdur til að greiða
hálfbróður sínum 1,6 milljónir króna í
skaðabætur auk málskostnaðar.
Fram kemur í dómnum að menn-
irnir hittust á Hlemmtorgi eftir að
hafa mælt sér þar mót. Til deilna kom
milli þeirra og tók annar þeirra upp
oddhvassan hníf með 13,4 cm blaði og
stakk hinn tvisvar sinnum með hnífn-
um. Vegfarendur skárust í leikinn en
árásarmaðurinn komst undan á
flótta. Hann var svo handtekinn á
Vatnsstíg tæpri klukkustund síðar.
Maðurinn játaði sök. Í niður-
stöðum dómsins segir að ákærði hafi
beitt oddhvössum og stórum hnífi af
svo miklu afli að hann fór í gegnum
herðablað og djúpt inn í vinstra
lunga. Verði að telja að hending ein
hafi ráðið því að ekki hlaust bani af
atlögunni og að manninum hafi hlotið
að vera það ljóst að langlíklegast væri
að svo færi.
Við ákvörðun refsingar tók dóm-
urinn tillit til þess að sá sem fyrir
árásinni varð hefði beðið bróður sín-
um vægðar og fyrirgefið honum árás-
ina. Þá hefði einnig komið fram að
móðir þeirra ætti við erfiðan sjúkdóm
að stríða.
Fimm ár
fyrir mann-
drápstilraun