Morgunblaðið - 18.02.2009, Blaðsíða 22

22 Umræðan
MORGUNBLAÐIÐ MIÐVIKUDAGUR 18. FEBRÚAR 2009
ÞAÐ er áhugavert
að fyrst 35 árum eftir
að ég bendi á önnur
úrræði en fyr-
irvaralaus dráp hvíta-
bjarna sem hingað
rekast skuli einhver
viðbrögð sjást, þó ekki
jákvæð, sbr. grein
Sigurðar G. Guðmunds-
sonar í Morgunblaðinu 31. janúar.
Það er hins vegar vonlaust að
rökræða við ráðuneyti
eða einstaklinga sem
hafna eða hnika til staðreyndum.
Við Sigurður höfum sennilega svip-
að dálæti á George Bush, fyrrver-
andi forseta Bandaríkjanna, sem nú
er fluttur til sinna heimkynna í olíu-
ríkinu Texas. Þegar valdamikill
Texasbúi lætur hagsmuni olíu-
iðnaðarins víkja fyrir hagsmunum
hvítabjarna hlýtur einhver sann-
færing að vera á þeim bæ.
Sigurður hefur áhyggjur af
óvæntum skyndifundum dýra og
manna en þau munu ekki ráðast af
því hvort dýrin eigi undir öllum
kringumstæðum að
vera réttdræp eða huga
eigi að björgun ef að-
stæður leyfa. Allar
björgunaraðgerðir
yrðu að sjálfsögðu í
umsjón öruggra skot-
manna. Sérsveit lög-
reglunnar gæti örugg-
lega verndað
ráðuneytismenn og
aðra hjartalitla í lokuðu
húsnæði.
Dráp eins eða
tveggja dýra á nokkurra ára fresti
mun þó vissulega ekki skipta sköp-
um fyrir viðhald stofnsins, né gera
orðstír Íslands verri en nú er á al-
þjóðavettvangi.
Hvítabirnir
Birgir Guðjónsson
svarar grein
Sigurðar G.
Guðmundssonar
»Dráp dýra á nokk-
urra ára fresti mun
ekki skipta sköpum fyr-
ir viðhald stofnsins né
gera orðstír Íslands
verri en nú er á al-
þjóðavettvangi.
Höfundur er læknir.
Birgir Guðjónsson
Á ÞRETT-
ÁNDANUM birtist
grein eftir Albert Jen-
sen þar sem hann
fagnar því að moska
hafi ekki verið byggð
hér á landi og hann
fer eftirfarandi orðum
um aðfluttan múslima:
„Hann vill múslimska
siði og krefst sérskóla,
sérmatar í skólum, sérkirkjugarðs
og trúar til höfuðs vorri. Við báð-
um hann ekki að koma svo hann á
ekki heimtingu á neinu umfram
aðra.“ „Innflytjendur eiga að
koma á okkar forsendum og aðlag-
ast siðum vorum og lögum. Gerum
Salmann Tamimi ljóst að hans sið-
ir fá engan forgang hér á landi.“
Þjóðkirkjan ein á heimtingu á
nokkru umfram aðra og skal njóta
forgangs; einn siður, einn herra.
Albert er kristinn maður og vill
líklega virða fyrsta boðorðið: „Þú
skalt ekki hafa aðra guði en mig.“
Nú vill svo til að
múslimar tilbiðja
sama guð og Albert
og líta á Biblíuna sem
sitt helgirit. Boðorðin
eru í 5. kafla 5.
Mósebókar en 7. kafli
hennar heitir „Bönn-
uð samskipti við
heiðnar þjóðir“. Þar
segir að þessi guð
gefi heiðnar þjóðir á
vald þeim trúuðu og
„þú skalt gjöreyða
þeim. Þú skalt eigi
gjöra sáttmála við
þær né sýna þeim vægð… Þér
skuluð rífa niður ölturu þeirra,
brjóta í sundur merkisteina
þeirra, höggva sundur asérur
þeirra og brenna skurðgoð þeirra í
eldi.“ Þannig hljómar hið heilaga
orð kristinna, gyðinga og múslima.
Þjóðkirkjan er lúthersk-
evangelísk kirkja en Lúther henn-
ar vildi brenna bænahús gyðinga í
Þýskalandi (samkvæmt ritning-
unni) og evangelísk þýðir að hún
spýr eitri sínu markvisst yfir allt
og alla, ekki síst varnarlaus börn.
Boðskapur hennar er í grunninn
forheimskandi og hættulegur, þótt
margt sé þar ágætt, og þess vegna
svaraði ég Alberti í Morg-
unblaðinu.
En Albert svarar 30. janúar og
segir að ég rangtúlki grein hans
því hann virðist halda að ég átti
mig ekki á skuggahliðum islam.
En skuggahliðar islam eru þær
sömu og skuggahliðar gyðingdóms
og kristni. Ég fagna því að Albert
bendir á þessar skuggahliðar en
trésmíðameistarinn mætti að
ósekju koma auga á ónefndan
bjálka.
En svo ég svari honum þá hefur
Kristur ekki gert neitt á hlut
minn, og ég geri ekki ráð fyrir að
Múhameð hafi nokkuð verið að
káfa upp á Albert. En það eru
fylgjendur þessara spámanna sem
geta verið til bölvunar. Rík-
iskirkjan hefur t.d. á undanförnum
árum gert harða atlögu að börnum
í leik- og grunnskólum. Biskup
hennar og prestar halda fram að
trúin á þennan ógeðfellda guð
Biblíunnar sé forsenda siðgæðis
og menningar í landinu. En við
eigum að fordæma þessar hættu-
legu og siðlausu hugmyndir Bibl-
íunnar um ágæti okkar (guðs út-
völdu) og réttleysi hinna
(heiðingjanna).
Ríkið á ekki að skipta sér af trú
fólksins og trú þess á ekki að hafa
áhrif á ríkið. Albert sér hættuna í
löndum múslima en ekki hversu
grátleg staða okkar er á Íslandi.
Ríkið er skuldbundið samkvæmt
stjórnarskrá til að styðja og
vernda boðandi kirkju gyðingahat-
arans og guðs útvöldu. Þetta kost-
ar okkur 5-6 þúsund milljónir á
ári. Við erum enn að bíta úr nál
miðalda hér á landi og það er okk-
ur til háborinnar og ævarandi
skammar.
Tólfta febrúar eru 200 ár frá
fæðingu Charles Darwin og síðar
á árinu verða 150 ár frá því að rit
hans um uppruna tegundanna kom
út. Þróunarkenningin gjörbylti
hugmyndum manna um náttúr-
una, mannkyni og lífríkinu öllu til
góða. Hvergi í heiminum nýtur
þróunarkenningin meiri hylli en á
Íslandi (80% þjóðarinnar). Um
daginn fengu landsmenn þó inn
um lúguna bæklinginn „Baráttan
bak við tjöldin“ þar sem segir:
„Við skulum upphefja og tilbiðja
skapara sem skapaði lífið á sex
dögum og hvíldist þann sjöunda
fyrir um 6.000 árum, en ekki
menn eða afvegaleiðandi kenn-
ingar manna um uppruna lífsins.“
Þessi bæklingur bendir rétti-
lega á að kaþólsk og lúthersk
kirkja virðir ekki boðorðin (sem
betur fer). En um leið eru ítrek-
aðar hótanir kristninnar um enda-
lokin, eldsdíkið og yfirvofandi
kvalir og gjöreyðingu þeirra sem
dirfast að vinna á laugardögum
eða skríða ekki með réttum hætti
fyrir guði. Með linnulausum
kristnum áróðri í skólum og á op-
inberum vettvangi er plægður ak-
ur fyrir hættulega forheimskun
sem þessa. En í stað þess að út-
skúfa fylgjendum annarra trúar-
bragða eða hefta trúfrelsi þeirra
eigum við að tryggja að við og
börnin okkar verði áfram nógu vel
menntuð og þjálfuð í gagnrýninni
hugsun til að hafna vitleysunni í
þeim og Biblíunni.
Reynir Harðarson fordæmir
útlendingahatur og forheimskun
Reynir Harðarson
gerir athugasemdir
við grein Alberts
Jensen
» Tökum vel á móti öll-
um, hverrar trúar
sem þeir eru, en gætum
þess að ranghugmyndir
trúarbragða séu ekki
viðmið ríkisins.
Reynir Harðarson
Höfundur er sálfræðingur.
NÚVERANDI stjórnvöld
munu þurfa að huga að því í tíma
hvar og hvernig verður skorið
niður þannig að standa megi sem
mest vörð um grunnþjón-
ustuþætti í heilbrigðis-, mennta-
og félagskerfi. Við í Frjálslynda
flokknum höfum lengi lagt það til
að skorið verði niður í utanrík-
isþjónustunni og teljum að nú
þegar skuli þar hafist handa.
Jafnframt þarf að koma hjólum
atvinnulífs í gang, til dæmis með
skipulagsbreytingum í sjávar-
útvegi, þannig að tekjuinnkoma
hins opinbera sé fyrir hendi.
Frelsi til veiða með handfæri eins
og við höfum lagt til er eitt skref í
átt að þeim skipulagsbreytingum.
Það er ljóst að við þurfum að
tryggja rekstur bráðasjúkrahúsa
í landsfjórðungum, og heilsu-
gæslu á landinu öllu. Þar gildir að
viðhafa faglegar forsendur mála
um grunnþjónustu á landinu öllu.
Það er einnig ljóst að við þurf-
um að standa vörð um grunn-
skólana og félagsþjónustuþætti
sveitarfélaga. Sama máli gegnir
um almannaþjónustu eins og toll
og löggæslu.
Mikilvægt er að niðurskurð-
arhníf verði ekki beitt með handa-
hófskenndum aðgerðum heldur
lagt í vinnu við að samræma að-
gerðir með heildaryfirsýn yfir alla
þætti. Samvinnna og samráð við
aðila í almannaþjónustu er grund-
völlur sátta um aðgerðir.
Grétar Mar Jónsson
Verjum grunnþjón-
ustu samfélagsins
Höfundur er þingmaður Frjáls-
lynda flokksins í Suðurkjördæmi.
ÞEGAR Svíar gengu
í ESB árið 1995, ásamt
Finnum og Austurrík-
ismönnum, var landið
að komast út úr einni
verstu bankakreppu
sögunnar. Samtök
sænsks atvinnulífs
(Svenskt Näringsliv),
voru leiðandi afl í um-
ræðunni um ESB-aðild
Svía og höfðu þar mikil
áhrif.
Árið 2003, þegar Svíþjóð hafði
verið átta ár í ESB gerðu Samtök at-
vinnulífsins í Svíþjóð skýrslu um
reynslu Svía af ESB-aðildinni fyrstu
átta árin, þ.e.a.s. frá 1995-2003. Úr
henni má lesa að áhrif inngöngunnar
hafa verið mjög jákvæð. Í stuttu máli
voru þau þessi: Aukinn hagvöxtur,
lægri verðbólga og vextir, aukinn
kaupmáttur og hóflegri verðhækk-
anir, aukinn stöðugleiki og agi í op-
inberum fjármálum, meiri verslun
og viðskipti á einfaldari hátt, sem og
auknar fjárfestingar. Í skýrslunni
kemur meðal annars fram að frá
1995 jókst landsframleiðslan í land-
inu um 70-110 milljarða sænskra
króna árlega, umfram það sem hún
annars hefði gert. Árleg landsfram-
leiðsla var á þessum árum um 2000
milljarðar sænskra króna. Þetta
þýddi því 0,4-0,7% meiri hagvöxt (á
ári) en ef landið hefði verið fyrir utan
ESB. Álíka niðurstöður fengust fyr-
ir Danmörku og Austurríki. Í henni
voru Svíþjóð, Finnland og Aust-
urríki (ESB-lönd) borin saman við
Ísland, Noreg og Sviss (ekki ESB-
lönd). Þar kom fram að hagvöxtur
hinna fyrrnefndu var meiri en hinna
þriggja síðarnefndu á
árunum 1995-2001. Þá
hafði aðild Svía að ESB
einnig í för með sér
umtalsverðar launa-
hækkanir fyrir launa-
menn og það sem
kannski enn mikilvæg-
ara er; verðbólga nán-
ast hvarf. Frá því að
vera um 7,5% að með-
altali árin 1980-1994,
snarminnkaði hún nið-
ur í um eitt prósent(!)
eftir aðild að ESB og
hélst þannig árin 1995-
2000. Allt fram á síðasta ár, þegar
„krísan“ skall á, var verðbólga í Sví-
þjóð á bilinu 1-2%. Tók reyndar
stökk í 4% í nóvember í fyrra, en hef-
ur minnkað mikið og er nú aftur
komin í um 1%. Einnig hafa vextir
verið mjög lágir á þessu tímabili,
reyndar með þeim lægstu í Evrópu.
Vart er hægt að hugsa sér betri
kjarabót en lága vexti og lága verð-
bólgu. Nokkuð sem Íslendingar eiga
því miður ekki að fagna en í byrjun
árs 2009 var verðbólga hér á landi
18,1% og stýrivextir 18%! Vaxta-
munur milli Svíþjóðar og annarra
landa, t.d. Þýskalands minnkaði því
mikið. Samkeppni hefur aukist og
verð á matvöru lækkað, þó svo að
matarverð sé enn nokkuð hærra í
Svíþjóð heldur en meðaltalið í ESB.
Munurinn hefur verið í kringum 10-
15%. Í byrjun níunda áratugarins
var almennt verðlag hins vegar 40-
50% hærra í Svíþjóð en í ESB, en
lækkaði um meira en helming eftir
inngöngu. Almennt jókst kaup-
máttur Svía eftir aðild að ESB. Agi
hefur aukist í fjármálum sænska rík-
isins, sem stefnt hefur að því á
hverju ári að leggja fram fjárlög í
jafnvægi („budget-i-balans“). Lágt
vaxtastig hefur minnkað fjárfesting-
arkostnað sænskra fyrirtækja. Það
varð því ódýrara fyrir þau að fjár-
festa. Erlendar fjárfestingar jukust
einnig á tímabilinu frá 1995-2003 og
sama má segja almennt um verslun
og viðskipti. Annað sem nefnt er og
er að mati samtakanna mikilvægt
eru áhrif. Með inngöngu hafa Svíar
orðið að „rödd“ innan ESB í stað
þess að vera á hliðarlínunni, eða eins
og segir í skýrslunni: „Með aðild hef-
ur Svíþjóð nú áhrif á öllum þeim
málasviðum sem um er að ræða í
ESB.“ Sem dæmi má nefna að Fre-
drik Reinfelt, forsætisráðherra Svía,
verður sérstakur „loftslags-
ráðherra“ ESB árið 2009. Loftslags-
mál eru eitt af mikilvægustu fram-
tíðarverkefnum ESB. Svíþjóð tekur
síðan við formennsku ESB af Tékk-
um í sumar. Svíþjóð er vissulega
ekki með evruna, en í bókinni „Tíu ár
í ESB“ frá 2005 metur Carl Bildt,
núverandi utanríkisráðherra og
fyrrum leiðtogi Moderaterna,
„sænska Sjálfstæðisflokksins“, það
svo að sú viðleitni Svía að uppfylla
Maastricht-skilyrðin hafi verið mjög
mikilvæg til að endurheimta traust á
sænsku efnahags- og stjórn-
málakerfi. „Hefðum við staðið fyrir
utan þetta, hefði sá vegur verið mun
erfiðari,“ skrifar hann í grein sinni.
Hér hafa aðeins verið tíndir til
nokkrir punktar sem sýna fram á já-
kvæð áhrif af aðild Svía að ESB.
Þrátt fyrir að margir Svíar láti í ljós
efasemdir um ESB, dettur fáum í
hug að segja sig úr sambandinu.
Umhverfisflokkurinn sænski henti
meðal annars þeirri kröfu á haugana
fyrir nokkrum vikum. Núverandi
borgaralega ríkisstjórn Svíþjóðar
hefur aukið virkni sína gagnvart
ESB. Ráðandi afl þar innanborðs er
sænski hægriflokkurinn, syst-
urflokkur Sjálfstæðisflokksins.
Þessi áhersla sænska „Sjálfstæð-
isflokksins“ á sterk alþjóðleg tengsl
og virkni í alþjóðamálum ætti að
vera umhugsunarefni fyrir alla al-
þjóðlega þenkjandi sjálfstæðismenn
á Íslandi. Ótvírætt er að Svíar hafa
náð miklum árangri með inngöngu
sinni í ESB.
Árangur Svía í ESB góður
Gunnar Hólmsteinn
Ársælsson skrifar
um Evrópumál
» Fyrstu átta ár að-
ildar Svíþjóðar að
ESB einkenndust af
framförum, efnahags-
legum og pólitískum.
Vextir og verðbólga
lækkaði, kaupmáttur
almennings jókst.
Gunnar Hólmsteinn
Ársælsson
Höfundur er stjórnmálafræðingur og
í stjórn Evrópusamtakanna.
flísar
Stórhöfða 21, við Gullinbrú,
sími 545 5500.
www.flis.is ● netfang: flis@flis.is
Allt fyrir baðherbergið
Skólavörðustíg 21, Reykjavík
sími 551 4050
Glæsileg
brúðarrúmföt
í úrvali