Morgunblaðið - 18.02.2009, Blaðsíða 23

Umræðan 23BRÉF TIL BLAÐSINS
MORGUNBLAÐIÐ MIÐVIKUDAGUR 18. FEBRÚAR 2009
Þriggja daga ferð fyrir tvo til Búdapest 23. apríl til 26. apríl.
Gisting með morgunverði á Hotel Mercure Korona, sem er
ákaflega glæsilegt 4 stjörnu hótel með góðum veitingastað
og kaffihúsi. Hótelið er staðsett við Kalvin-torgið í miðborg
Búdapest og þar er einnig sundlaug, gufubað og sólbaðsstofa.
Öll herbergin eru fallega innréttuð með sjónvarpi, síma,
minibar, hárþurrku og loftkælingu.
Febrúarvinningur:
3ja daga ferð fyrir tvo til Búdapest
að verðmæti 180.000 kr.
Innifalið í verði ferðar:
• Flug og flugvallaskattar til Búdapest og aftur til Keflavíkur
• Gisting í tvíbýli með morgunmat á Hotel Mercure Korona
• Akstur til og frá flugvelli erlendis
Ekki innifalið:
• Skoðunarferðir
Fáðu þér áskrift á mbl.is/askrift
eða í síma 569 1122
mbl.is/moggaklubburinn
1.vinningurregið . ebrúar
Með Moggaklúbbnum
til Búdapest
UMHVERFISRÁÐHERRA,
Kolbrún Halldórsdóttir,
Umhverfisráðuneytið,
Skuggasundi, Reykjavík.
Efni: Umhverfisráðherra boðið til
Austurlands.
Vegna síendurtekinna fullyrðinga
nokkurra málsmetandi einstaklinga í
þjóðfélaginu og nú síðast núverandi
umhverfisráðherra, Kolbrúnar Hall-
dórsdóttur, þess efnis að virkjana- og
stóriðjuframkvæmdirnar á Austur-
landi hafi neikvæð áhrif á landsvísu
og lítil áhrif í landshlutanum viljum
við undirritaðir fyrir hönd stjórnar
Sambands sveitarfélaga á Austur-
landi og sveitarstjórna á starfssvæði
SSA mótmæla slíkum staðhæfingum.
Jafnvel hefur verið gengið svo
langt að halda því fram að umræddar
framkvæmdir hafi hrundið af stað
bankahruninu og heimskreppunni.
Til að upplýsa umhverfisráðherra
um staðreyndir málsins óskum við
hér með eftir að ráðherrann komi hið
fyrsta austur á land í boði SSA og
kynni sér frá fyrstu hendi raunveru-
leikann í okkar umhverfi og þau stór-
kostlegu áhrif, sem álverið í Reyð-
arfirði og afleidd starfsemi hefur haft
á samfélagið. Í þessu sambandi má
ekki gleyma samgöngubótum, sem
voru ein af forsendum þess að verk-
efnið fór í gang og hafa jafnframt
gert fjölmörgum íbúum nærliggjandi
staða kleift að stunda vinnu fjarri
heimabyggð á tímum samdráttar
m.a. í fiskveiðum og -vinnslu.
Í trausti þess að ráðherrann sjái
sér fært að þiggja heimboðið látum
við ráðuneytinu eftir að ákveða tíma-
setningu umræddrar kynnisferðar,
en erum reiðubúnir að skipuleggja
skoðunarferðir um stóriðjusvæðið á
Mið-Austurlandi, hlusta á rök ráð-
herrans, taka þátt í skoðanaskiptum
með tilstyrk ýmissa ráðamanna
heima í héraði og upplýsa væntanlega
gesti úr ráðuneytinu eftir því sem
kostur er.
Seyðisfirði 12. feb. 2009
Með vinsemd og virðingu:
ÞORVALDUR JÓHANNSSON,
framkvæmdastjóri SSA
BJ. HAFÞÓR GUÐMUNDSSON,
formaður stjórnar SSA.
Umhverfisráðherra boðið til Austurlands
Frá Þorvaldi Jóhannssyni
og Birni Hafþóri Guðmundssyni
NÚ ÞEGAR
Myrkum mús-
íkdögum lýkur
viljum við að-
standendur há-
tíðarinnar þakka
Morgunblaðinu
fyrir alla þá um-
fjöllun og kynn-
ingu sem blaðið
hefur innt af
hendi í tengslum við hátíðina. Það
er mikilvægt að tónlistarhátíð með
íslensku efni fái pláss á síðum fjöl-
miðla þar sem ekki er aðeins um
umfjöllun að ræða á líðandi stundu
heldur einnig skrásetningu augna-
bliksins á tónlistarlífinu í dag á Ís-
landi – til upplýsinga fyrir fram-
tíðina um tónlistarlíf dagsins í dag.
Gagnrýnendur gegna þar
nokkru hlutverki þar sem þeirra
starf er að skrá viðtökur sam-
félagsins hverju sinni á list og list-
flutningi líðandi stundar. Þá er
það einnig mikilvægt fyrir ís-
lenska tónlistarsögu og almenna
söguskoðun að geta í raun fylgst
með samtímanum hverju sinni út
frá viðtökum gagnrýnenda – sem
ættu að gefa að nokkru leyti til
kynna listaþroska þjóðarinnar
hverju sinni.
Þó hefur eitt atriði vafist fyrir
áheyrendum og mörgum lesendum
Morgunblaðsins varðandi umfjöll-
un hjá gagnrýnendum Myrkra
músíkdaga – og það eru stjörnu-
gjafirnar fyrir hverja tónleika.
Það er erfitt að átta sig á því hvað
í raun stjörnugjöf fyrir tónleika
táknar, hvort það eru tónverkin
eða flytjendurnir, hvort tveggja
eða önnur atriði sem stýra
stjörnugjöfinni. En þó er ljóst að
viðmiðin eru 5 stjörnur fyrir
hvern viðburð sem eru annað
hvort svartar eða hvítar. Mörgum
hefur reynst erfitt að átta sig á
því hvað hvor litur táknar þar sem
bæði margar hvítar stjörnur og
margar svartar virðast geta verið
tákn um mjög góða tónleika að
mati áheyrenda. Því er spurt hvað
í raun stjörnugjöfin svart/hvíta
tákni og þá í framhaldinu – hvað
tákna 5 svartar stjörnur og hvað
táknar 5 hvítar stjörnur – auk alls
þess sem þar liggur á milli og
hvernig ber að túlka slíka stjörnu-
gjöf.
KJARTAN ÓLAFSSON,
formaður Myrkra músíkdaga.
Stjörnuspurning –
að Myrkum músíkdögum loknum
Frá Kjartani Ólafssyni
Kjartan Ólafsson
ÞAÐ er í fyllsta máta eðlilegt að
maður sé ekki alltaf sammála
gagnrýnendum. Það er bara sjálf-
sagt að fólk greini á um list-
viðburði, jafnvel þó að í hlut eigi
hámenntaðir skríbentar á sínu
sviði. Þar er enginn stórisann-
leikur til, enda komast hæfustu
menn oft að öndverðum nið-
urstöðum um ágæti viðburðanna.
Leikmenn leggja svo sitt mat á
það sem þeir heyra og sjá og um
nýlega tónleika á Kjarvalsstöðum
hef ég skoðun sem gengur nokkuð
þvert á dóm gagnrýnandans.
Hann er reyndar afar hreinskilinn
um eitthvað sem gæti flokkast
undir fordóma: hann hefur ein-
staklega litlar mætur á Mozart og
þykir það tónskáld of mikið skjall-
að. Ennfremur finnst honum til
leiðinda hve oft og lengi er haldið
upp á afmæli Amadeusar, og al-
mennt sé of mikið gert úr hæfi-
leikum mannsins, því að sem
frumkvöðull hafi hann ekki komist
með tærnar þar sem Haydn hafði
hælana o.s.frv. Þetta er að vísu
nokkuð skemmtileg lesning, en
þessi fyrirfram neikvæða afstaða
litar alla umfjöllun gagnrýnandans
um tónleikana og gerir hann nokk-
uð dómharðan um þá í heild sinni.
Það er ljóst að Jónas Sen
skemmti sér ekki á þessum tón-
leikum, en það gerðu aðrir. Það
var húsfyllir svo að óhætt er að
fullyrða að einhverjir Mozart-
aðdáendur finnist eftir á landinu.
Þar með er ekki útilokað að enn
verði haldnar afmælisveislur hon-
um til heiðurs í framtíðinni. Það
er hins vegar spurning hvaða
gagnrýnanda eigi að bjóða í þau
teiti.
Um leið og ég læt í ljós ánægju
með að Morgunblaðið skuli halda
úti skrifum um tónleikahald og
aðra menningarstarfsemi, leyfi ég
mér að benda á að kannski ætti að
senda einhvern annan en Jónas á
næstu Mozart-tónleika. Jónasi
væri ekki neinn greiði gerður með
því – og aðstandendum tón-
leikanna ekki heldur.
ÁGÚST GUÐMUNDSSON
leikstjóri.
Mozart og Jónas Sen
Frá Ágústi Guðmundssyni:
STÖRF íslenskra
sendifulltrúa Rauða
krossins um þessar
mundir endurspegla á
vissan hátt stöðu
mannúðarmála í heim-
inum. Þau sýna líka
að á meðan við Íslend-
ingar glímum við stöð-
ugt harðneskjulegri
afleiðingar fjármálakreppunnar hér
heima, þá leggjum við okkar af
mörkum til að lina þjáningar þeirra
sem hafa það ennþá verra.
Pálína Ásgeirsdóttir er í Jerúsal-
em og samhæfir aðstoð Alþjóða
Rauða krossins við stríðssærða í
Gaza. Það er starf sem krefst þrot-
lausrar einbeitni og veitir litla
hvíld. Framundan eru störf á sjálf-
um vígvellinum. Hugur okkar er
með henni og þeim sem hún er að
hjálpa.
Maríanna Csillag og Hildur
Magnúsdóttir eru að hefja störf í
Simbabve, þar sem þær taka þátt í
neyðaraðgerðum vegna kólerufar-
aldurs sem þegar hefur lagt hátt í
tvö þúsund manns í gröfina. Þar
vinna þær með heimamönnum við
að greina kólerutilfelli, hlúa að hin-
um sjúku og varna því að fleiri sýk-
ist. Fyrir er í landinu Huld Ingi-
marsdóttir, sem stýrir
matvæladreifingu Alþjóða Rauða
krossins þar. Það er nefnilega bæði
kólerufaraldur og hungursneyð í
Simbabve.
Fleiri sendifulltrúar Rauða kross
Íslands starfa í Afríku. Nína Helga-
dóttir hefur umsjón með heilbrigð-
isverkefnum í Mósambík, sem unn-
in eru meðal annars fyrir stuðning
Þróunarsamvinnustofnunar Íslands.
Á sama tíma vinnur Hólmfríður
Garðarsdóttir í Malaví að barátt-
unni gegn alnæmi, sem Íslendingar
hafa á undanförnum árum gefið fé
til í söfnunum félagsins. Markmið
þeirra verkefna er að hlúa að fólki
þegar það er veikt, aðstoða börn
þeirra sem deyja og koma í veg fyr-
ir útbreiðslu alnæmis með fræðslu
til ungs fólks.
Enn annar Afríkusendifulltrúi
Rauða kross Íslands er Hlín Bald-
vinsdóttir en hennar skjólstæðingar
eru meðal annars börn sem stríð í
Síerra Leóne hefur leikið grátt en
fá fyrir stuðning frá Íslandi tæki-
færi til að koma undir sig fótunum
á ný. Hlín er sérfræðingur um fjár-
mál og stjórnun. Hennar starf er að
sjá til þess að fé frá Íslandi nýtist
sem best.
Frá Genf er Karl Sæberg Júl-
íusson öryggisfulltrúi Alþjóða
Rauða krossins á stöðugum þönum
um heiminn og gætir að öryggi
hjálparstarfsmanna. Hann kemur í
veg fyrir vandamál og tryggir
þannig að hjálparstarfið gangi
snurðulaust fyrir sig. Á næstu dög-
um fer Davíð Lynch einnig til Genf-
ar þar sem hann tekur þátt í að
samhæfa neyðaraðstoð Alþjóða
Rauða krossins víðs vegar um
heiminn næstu mánuði. Í New York
er Michael Schulz á vegum Rauða
kross Íslands að tala máli mann-
úðar gagnvart ríkjum Sameinuðu
þjóðanna.
Í austurvegi eru íslenskir sendi-
fulltrúar einnig að störfum. Þór
Daníelsson stýrir hjálparstarfi Al-
þjóða Rauða krossins í Mongólíu,
landi þar sem vetrarhörkur og
þurrkar, sem heimamenn kalla
dzud, hafa fellt búsmalann á und-
anförnum árum. Og á Kyrrahafs-
eyjum er Helga Bára Bragadóttir
að vinna að alþjóðlegri samn-
ingagerð sem hefur það að mark-
miði að hjálparstarf í kjölfar ham-
fara gangi hraðar og betur fyrir
sig.
Okkar fólk á vettvangi hefur í
farteskinu gífurlega reynslu og
þekkingu á hjálparstarfi. Hjúkr-
unarfræðingar okkar hafa hlúð að
fórnarlömbum stríða, jarðskjálfta
og flóða. Stjórnendur okkar höfðu
reynslu úr fyrirtækjarekstri áður
en þeir fóru að stýra hjálparstarfi.
Öll eru þau sérfræðingar í að
bjarga mannslífum og gera líf
þeirra sem þjást aðeins bærilegra.
Við hættum
ekki að hjálpa
Kristján Sturluson
og Þórir Guð-
mundsson fjalla um
störf RKÍ erlendis
Kristján Sturluson
» Sendifulltrúar
Rauða krossins
vinna sleitulaust við að
lina þjáningar þeirra
sem búa við enn verri
skilyrði en við Íslend-
ingar á tímum fjár-
málakreppu.
Kristján er framkvæmdastjóri Rauða
kross Íslands og Þórir Guðmundsson
sviðsstjóri alþjóðasviðs.
Þórir Guðmundsson