Morgunblaðið - 18.02.2009, Blaðsíða 14

14 FréttirINNLENT
MORGUNBLAÐIÐ MIÐVIKUDAGUR 18. FEBRÚAR 2009
DAVÍÐ Stefánsson
hefur ákveðið að
gefa kost á sér í
2.-3. sæti í forvali
Vinstri grænna í
Reykjavík fyrir
komandi alþingis-
kosningar.
Davíð er 35 ára
tveggja barna faðir
og í sambúð. Hann
er bókmenntafræðingur og hefur
unnið sjálfstætt í ýmsum menning-
artengdum verkefnum.
Davíð í fram-
boð fyrir VG
Davíð
Stefánsson
Samfylking og Vinstri hreyfingin
grænt framboð hafa komið sér
saman um að Alþingiskosningar
fari fram laugardaginn 25. apríl
næstkomandi. Morgunblaðið
mun daglega birta fréttir sem
tengjast framboðum, próf-
kjörum, kosningafundum o.fl.
Kosningar
2009
SOFFÍA Lárus-
dóttir gefur kost á
sér í 2. sæti í próf-
kjöri Sjálfstæðis-
flokksins í NA-
kjördæmi fyrir
komandi kosn-
ingar. Soffía er for-
seti bæjarstjórnar
Fljótsdalshéraðs
og framkvæmda-
stjóri svæðisskrifstofu málefna fatl-
aðra á Austurlandi. Hún er með
BA-próf í þroskaþjálfafræðum, hef-
ur lokið diplómanámi við HÍ, situr í
miðstjórn flokksins og er formaður
sveitarstjórnarráðs hans.
Soffía í framboð í
NA-kjördæmi
Soffía
Lárusdóttir
GUÐNI Ragnars-
son gefur kost á sér
í 4. sæti á lista
Framsóknarflokks-
ins í Suður-
kjördæmi fyrir
komandi kosn-
ingar. Aðalmark-
mið sitt segir hann
vera öfluga upp-
byggingu lands-
byggðarinnar. Hann situr í mið-
stjórn flokksins og er formaður
Framsóknarfélagsins í Árnessýslu.
Guðni er búfræðingur að mennt.
Guðni Ragnarsson
býður sig fram
Guðni
Ragnarsson
BJÖRG Reehaug
Jensdóttir gefur
kost á sér í 2.-3.
sæti á lista Fram-
sóknarflokksins í
Norðvestur-
kjördæmi fyrir
komandi alþing-
iskosningar.
Björg er búsett
á Ísafirði. Hún hefur unnið við
endurskoðun og fjármál mestan
hluta ævinnar en einnig á velferð-
arsviðinu.
Björg Reehaug í
framboð
Björg Reehaug
FULLTRÚARRÁÐ Samfylking-
arinnar í Reykjavík samþykkti á
fundi sínum í fyrradag að halda
prófkjör til að stilla upp framboðs-
listum. Um verður að ræða rafræna
kosningu sem á að vera lokið hinn
14. mars nk. Prófkjörið verður opið
fyrir þá sem hafa skráð sig í Sam-
fylkinguna fyrir 28. febrúar nk.
Prófkjör Samfylk-
ingar í Reykjavík
Eftir Sigrúnu Ásmundsdóttur
sia@mbl.is
„ÞAÐ sem er svo alvarlegt í þessu máli er að þol-
andinn er áfram þolandi, þeir sem réðust á hann
eru enn í skólanum,“ segir Vilmundur Sigurðsson.
Hann vísar þarna til atviks sem varð fyrir um fjór-
um vikum í Fjölbrautaskóla Suðurlands (FSu) á
Selfossi. Uppeldissonur hans varð þá fyrir fólsku-
legri árás hóps unglinga og stórsá á honum eftir
árásina, auk þess sem hann fékk heilahristing og
foreldrarnir þurftu að vaka yfir honum nóttina
eftir.
Vilmundur telur skólayfirvöld hafa brugðist í
þessu máli og undrast að fá ekkert að vita um
hvað skólameistarinn ætlar að aðhafast. Hann
tekur fram að ekki hafi verið tekin skýrsla af fórn-
arlambinu þannig að hans sjónarmið hafi hvergi
komið fram. Skólameistarinn, Örlygur Karlsson,
ber fyrir sig stjórnsýslulög og lögfræðingur skól-
ans sér um samskipti við forráðamenn fórnar-
lambsins fyrir hönd skólans. Gerendur í málinu
eru enn í skólanum en þó hefur Vilmundur haft
spurnir af því að tveimur þeirra hafi verið vísað úr
skóla í þrjá daga eftir atvikið.
Annar hópur beið álengdar
Forsaga málsins er að á annarri hæð í skól-
anum er aðstaða þar sem hægt er að vera með
tölvur á svölum sem vísa niður að opnu svæði fyrir
neðan og gólfið þar er flísalagt. Fórnarlambið var
þarna á svæðinu ásamt fleiri félögum og annar
hópur unglinga sat álengdar. Í hópi fórnarlambs-
ins varð nokkurt uppnám eftir að einn tapaði í
tölvuleik og sá hópurinn, sem fylgdist með, það at-
vik. Þolandinn var því, áður en árásin var gerð, í
nokkru uppnámi og adrenalínið flæddi. Einn úr
hinum hópnum tók sig út úr og settist hjá strákn-
um sem fyrir árásinni varð og fór að strjúka á
honum lærið, að því er virtist í þeim eina tilgangi
að æsa hann frekar upp. Þrátt fyrir margítrekaða
beiðni þolandans um að viðkomandi léti af athæf-
inu hélt hann áfram og glotti við. Upp úr þessu
spruttu smáátök og árásarhópurinn, sem beið
álengdar, kom aðvífandi og hóf barsmíðarnar.
„Hópurinn beið álengdar, tilbúinn til árásar, og
beið eftir því að fá ástæðu til að stökkva á hann,
hátt í tíu manns,“ lýsir Vilmundur.
Þolandinn var laminn fast í gagnaugað og högg-
in voru í kjölfarið látin dynja á honum. „Hann
fékk mörg högg í andlitið og var allur marinn á
bak við eyrun, með rauða áverka á öllum lík-
amanum og svakalegt glóðarauga,“ segir Vil-
mundur.
Hröð atburðarás
Hann segir atburðarásina hafa verið mjög
hraða og vinir þolandans komu honum til hjálpar
áður en yfir lauk en þó ekki fyrr en hann hafði
fengið fast spark í síðuna og var með mikla verki
þar lengi á eftir. Nokkur átök urðu eftir að vin-
irnir komu til hjálpar en að lokum komu skóla-
meistarinn og aðstoðarskólameistari á vettvang.
„Skólameistari spurði hvað hefði gerst og sonur
minn reyndi að útskýra það og segja hverjir hefðu
ráðist á hann. Skólameistari gerði ekkert í málinu
þá og syni mínum fannst ekkert mark tekið á sér,“
segir Vilmundur. Strákurinn fór heim við svo búið
þar sem systir hans tók á móti honum og hringdi í
foreldrana. Vilmundur segir að hann telji að
strákurinn hefði þurft að fá áfallahjálp eftir atvik-
ið. „Við fórum með hann á spítala og það fór allt
upp í loft á okkar heimili. Þó að hann sé orðinn
lögráða gerist þetta innan veggja skólans. Ég veit
ekki hvort við áttum rétt á áfallahjálp en strax
hefði átt að skapa stráknum þær aðstæður að
hann kæmist aftur í skólann,“ segir Vilmundur.
„Skólameistarinn virðist vera bundinn mikilli
þagnarskyldu og okkur er ekki sagt neitt um hvað
kom fyrir hina strákana,“ segir Vilmundur, en
hann veit ekki hvort einhver þeirra hafi meiðst í
átökunum. „Okkar samskipti við skólameistara
núna fara fram í gegnum lögfræðing skólans af
því að skólameistari vill ekkert tjá sig um þetta
mál við okkur.“
Á fundi forráðamanna þolandans með skóla-
meistara og aðstoðarskólameistara stuttu eftir at-
burðinn var fullyrt að unnt væri að tryggja öryggi
hans í skólanum. „Hann lét sig þá hafa það að
mæta aftur í skólann þó að hann kviði því að mæta
árásarmönnum sínum,“ segir Vilmundur og bætir
við að ekki séu allir þolendur eins sterkir og sonur
hans og þess vegna væri ekki víst, við annan eins
atburð, að næsti þolandi treysti sér til að halda
áfram námi sínu. Þar sem gerendurnir séu enn í
skólanum segist Vilmundur líta þannig á málið að
„… skólinn og stjórnsýslulögin halda áfram að
níðast á þolandanum eftir að svona ofbeldisverk á
sér stað“.
Hann tekur fram að þrátt fyrir allt hafi „allt
gengið vel, svo langt sem það nær“, en segist telja
að árásarmennirnir séu stórhættulegir og þurfi á
sérstakri aðstoð að halda.
Áfram níðst á þolandanum
Faðir fórnarlambs telur
stjórnendur í FSu hafa brugðist
Morgunblaðið/Sigurður Jónsson
Fjölbrautaskóli Suðurlands Vilmundur Sigurðsson undrast að fá ekkert að vita um hvað stjórnendur
skólans ætla að gera í máli sonar hans. Ráðist var á hann innan veggja skólans fyrir um fjórum vikum.
„Við bjuggumst fastlega við því að gerend-
unum yrði vísað úr skóla, fannst það eðlilegt
miðað við hvað árásin var fólskuleg og skipu-
lögð,“ segir Vilmundur. Þegar haft var sam-
band við skólameistara Fjölbrautaskóla Suður-
lands til að spyrjast fyrir um málið svaraði
hann að unnið væri að málinu samkvæmt
stjórnsýslulögum. Að öðru leyti vildi hann ekki
tjá sig við fjölmiðla. Vilmundur kvaðst þó hafa
vissu fyrir því að lögfræðingur skólans ásamt
skólayfirvöldum hefði talað alvarlega við ger-
endurna.
„Eitthvað hef ég heyrt um að skólameistari
hafi sagt að ef árásarmennirnir myndu gera
„eitthvað“ annað af sér yrði þeim þegar vísað
úr skóla,“ segir Vilmundur. „Þannig að þeim
finnst greinilega ekki nóg að þetta hafi gerst,“
bætir hann svo við.
Vilmundur lýsir áhyggjum sínum af því að
einhver alvarlegur atburður geti orðið þarna á
annarri hæðinni ef átök verða og einhver fellur
í hita leiksins þar fram af á flísalagt gólfið fyr-
ir neðan. Hann hefur lýst þeim áhyggjum við
skólayfirvöld FSu.
Skólameistarinn vildi ekki tjá sig
SIGURÐUR Sigurjónsson, lögfræð-
ingur FSu, segir að skólinn tjái sig
almennt ekki um einstök mál. „Það
gilda bara almennar reglur um öll
agabrot,“ segir hann. „Sem betur
fer er þetta afar fátítt; að einhver
svona hegðunarbrot verði. Skólinn
er náttúrlega griðastaður og vinnu-
staður bæði kennara og nemenda.
Það er gerð krafa til þess almennt
að friður sé á þessum vinnustað og
að hegðun og umgengni allra sem
þarna vinna og eiga erindi sé þann-
ig að þarna sé tryggður vinnufriður
og ríki almenn ró,“ segir Sigurður
og bætir við að ákveðnar vinnu-
reglur séu viðhafðar. Ef þær eru
brotnar þá ákvarðar skólastjóri við-
urlögin. „Það getur leitt til áminn-
ingar eða brottrekstrar, það er
bara mat hverju sinni að undan-
genginni rannsókn málsins innan
skólans.“
Sigurður segir að í tilfellum eins
og hjá syni Vilmundar sé tekið mið
af stjórnsýslulögum. Í þeim sé að
finna almennar reglur fyrir stjórn-
völd að fara eftir. „Þar er gerð
krafa til þess að málið sé rannsakað
og að þeim, sem að málinu koma, sé
gefinn kostur á að tjá sig, koma sín-
um sjónarmiðum á framfæri, áður
en ákvörðun er tekin.“
Þetta mál segir hann að varði
persónuleg málefni einstaklinga
sem að málinu koma og upplýsir að
þeir málsaðilar eigi engan rétt á því
að vita til hvaða aðgerða sé gripið
gagnvart hverjum einstaklingi fyr-
ir sig. Vilmundur segir einmitt að
hann sé ekki sáttur við að fá ekkert
að vita um hvað skólameistari
hyggst fyrir. „Við getum ekki tjáð
okkur um málefni tiltekinna ein-
staklinga við aðra,“ segir Sigurður.
Aðspurður hversu alvarlegt brot
þurfi að vera til að viðkomandi sé
vísað úr skóla svarar Sigurður að
ekki sé til neitt annað en almennar
viðmiðunarreglur um það. „Þetta
brot, sem þú vísar til, er til rann-
sóknar hjá lögreglu og verður af-
greitt þar á allt öðrum vettvangi.“
Hann segir að af hálfu skólans sé
málinu lokið. Hann kveðst hvorki
geta upplýst til hvaða ráðstafana
hafi verið gripið gagnvart ger-
endum í þessu máli né hvort sér-
stakt eftirlit sé haft með þeim.
Hann upplýsir þó að tryggður hafi
verið vinnufriður og tryggt hafi
verið að ekkert í þessa veru gerist
aftur.
Sigurður hnykkir á að þetta sé
„sem betur fer“ algjör undantekn-
ing og reyndar hafi aldrei neitt í
líkingu við þetta gerst í sögu skól-
ans.
Skólameistari ákvarðar viðurlög
ef viðmiðunarreglur eru brotnar
Í skóla Tekið er mið af stjórnsýslulögum ef hegðunarreglur eru brotnar.