Morgunblaðið - 22.03.2009, Blaðsíða 2
2 FréttirINNLENT
MORGUNBLAÐIÐ SUNNUDAGUR 22. MARS 2009
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is
Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson, Arnór Ragnarsson Íþrótt-
ir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is Sunnudagur Ragnhildur Sverrisdóttir, ritstjórnarfulltrúi, rsv@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Bergþóru Njálu Guðmundsdóttur
ben@mbl.is
HANN var hálf-kaldur og ræfilslegur
kakkalakkinn sem hugðist taka sér far
með fjórhjóli Einars Björnssonar á
Eskifirði í fyrradag. Honum varð þó
ekki kápan úr því klæðinu því Einar
náði að grípa laumufarþegann sem nú er
á leið í hendur sérfræðinga „fyrir sunn-
an“.
„Ég var að fara í vinnuna um morg-
uninn þegar ég sá hann allt í einu skella
á hjólinu,“ segir Einar. „Hann var svo-
lítið daufur út af kuldanum því það var um tveggja, þriggja
gráða frost. Svo braggaðist hann nú þegar ég var búinn að
koma honum inn og gefa honum að éta.“
Einar hefur ekki hugmynd um hvaðan skepnan kom.
„Manni hálf-bregður, því maður hélt að Ísland væri laust
við svona kvikindi. Alla vega vantar okkur þetta ekki í
skordýraflóruna hér.“
Þetta er þó aldeilis ekki í fyrsta sinn
sem framandi kynjaverur af þessu tagi
verða á vegi Einars. „Fyrir nokkrum
árum fann ég leðurblöku, reyndar
dauða, en hún var föst í nýjum bíl sem
ég fékk sendan að utan. Svo fann ég
einu sinni mjög stórt fiðrildi sem hafði
fokið hingað undan vindum. Þannig að
þetta er að verða sérgrein hjá mér að
finna einhver furðuleg skorkvikindi,“
segir hann og hlær.
Erling Ólafsson, skordýrafræðing-
ur hjá Náttúrufræðistofnun, segir
kakkalakka berast allt árið til landsins
með varningi. „Þetta eru kvikindi sem berast með mann-
inum um allan heim. Ég hef grun um að þau séu landlæg
hér. Það er ekkert mikið af þeim en þau eru samt viðloð-
andi.“
Hann segir kuldann hérlendis ekki hafa allt að segja um
það hversu vel kakkalakkarnir þrífast. „Þetta eru innan-
hússdýr og það er sama loftslag innanhúss allt árið.“
Kakkalakki á fjórhjóli
Kakkalakkinn Lét fara vel um sig í
glerkrukku heima hjá Einari.
Eftir Halldóru Þórsdóttur
halldorath@mbl.is
FORYSTA Vinstrihreyfingarinnar –
græns framboðs er nánast óbreytt
en kosið var í stjórn flokksins á laug-
ardag. Hildur Traustadóttir var
kjörin gjaldkeri flokksins og tók við
af Guðrúnu Ágústu Guðmundsdótt-
ur sem bauð sig ekki fram aftur. Eft-
ir sem áður verða því Steingrímur J.
Sigfússon formaður, Katrín Jakobs-
dóttir varaformaður og Sóley Tóm-
asdóttir ritari. Þeim var öllum fagn-
að með lófataki.
„Ég hélt að það væri nóg að vera
formaður í átta til tíu ár og hér stend
ég enn,“ sagði Steingrímur eftir að
staðfest var að hann sæti áfram í
embætti. „Ég ætla þó að fullvissa
ykkur um að ekki mun þurfa laga-
breytingar til að ég víki.“
Þar vísaði Steingrímur til hug-
myndar sem Davíð Stefánsson
kynnti um að formaður, varaformað-
ur, ritari og gjaldkeri flokksins
skyldu ekki sitja lengur en í sex ár
samfleytt. Steingrímur hefur verið
formaður frá stofnun hans fyrir tíu
árum og Katrín Jakobsdóttir hefur
verið varaformaður í sex ár.
Steingrímur sagði að stjórnmála-
menn þyrftu að þekkja sinn tíma og
hann hefði hug á að hætta „áður en
allir yrðu dauðfegnir“ að losna við
hann.
Helstu kosningaáherslur vinstri
grænna snúast um hagi heimila og
fjölskyldna, atvinnusköpun í hefð-
bundnum framleiðslugreinum og
ferðaþjónustu og um sanngirni í
skattamálum. Hér er þó aðeins um
drög að ræða.
Lýðræði og þátttaka almennings
er einnig áherslumál flokksins. Beint
lýðræði skuli meðal annars birtast í
þjóðaratkvæðagreiðslu um stjórnar-
skrárbreytingar og því að efla sveit-
arfélögin. Ennfremur er lagt til að
fræðsla um lýðræði og mannréttindi
í skólum landsins verði stóraukin og
til samræmis við það sem gerist ann-
ars staðar á Norðurlöndum.
Forysta VG
situr áfram
„Menn þurfa að þekkja sinn tíma“
Morgunblaðið/Golli
Forystan Steingrímur J. Sigfússon og Katrín Jakobsdóttir.
KARLMAÐUR
var handtekinn í
Reykjanesbæ í
fyrrinótt. Bíll
hans var stöðv-
aður og hann
grunaður um
akstur undir
áhrifum fíkni-
efna. Farþegi í
bílnum var einnig handtekinn grun-
aður um að vera með þýfi, en hann
hafði fartölvu í fórum sínum.
Lögreglan handtók í kjölfarið
annan á gangi á Hafnargötu í
Keflavík með fíkniefni. Lögreglan
gerði síðan húsleit hjá manninum
og fannst þar nokkurt magn af
marijúana, hassi og sterum.
Skiptust á fartölvu
og fíkniefnum
Eftir Bergþóru Njálu Guðmundsdóttur
ben@mbl.is
NEYÐARLÍNAN styrkti Sjálfstæð-
isflokkinn um 300 þúsund kr., að því
er fram kemur í úttekt Ríkisendur-
skoðunar á fjármálum stjórnmála-
flokkanna. Að sögn Þórhalls Ólafs-
sonar, framkvæmdastjóra Neyðar-
línunnar, var fyrirtækið hlutafélag á
þessum tíma og í eigu margra aðila.
„Einhverra hluta vegna hefur Sjálf-
stæðisflokkurinn óskað eftir þessum
styrk og það ætti ekki að koma nein-
um á óvart hvar ég er í pólitík,“ segir
Þórhallur en hann gegndi eitt sinn
stöðu aðstoðarmanns Þorsteins Páls-
sonar. Aðrir flokkar hafi ekki sóst eft-
ir styrk.
En er eðlilegt að Neyðarlínan
styrki stjórnmálaflokka með þessum
hætti? Þórhallur vill ekki leggja mat á
það. „Í mínum huga er þetta létt-
vægt,“ segir hann. „Maður er kannski
of aumingjagóður að eðlisfari.“ Í út-
tektinni kemur einnig fram að ýmis
verkalýðsfélög styrktu stöku stjórn-
málaflokka, m.a. Starfsgreinasam-
bandið sem styrkti Samfylkinguna
um 25 þúsund kr. Að sögn Kristjáns
Gunnarssonar formanns var um aug-
lýsingastyrk að ræða sem aðrir flokk-
ar leituðu ekki eftir. Þá kemur fram
að Verkalýðs- og sjómannafélag
Keflavíkur, þar sem Kristján gegnir
einnig formennsku, hafi eingöngu
styrkt Vinstri græna um 50 þúsund
kr. Hann segir að félagið hafi einnig
styrkt Samfylkinguna og Framsókn-
arflokkinn með svipaðri upphæð, þótt
það komi ekki fram í úttekt Ríkisend-
urskoðunar. Sjálfstæðisflokkur og
aðrir hafi ekki leitað til félagsins.
Þá styrkti Samiðn Samfylkinguna
um 25 þúsund kr. Finnbjörn Her-
mannsson formaður segir að sam-
þykkt hafi verið að styrkja alla flokka
sem eftir því leituðu um þessa upp-
hæð en fleiri hafi ekki óskað eftir
styrk. Svipaða sögu hefur Guðmund-
ur Gunnarsson, formaður Rafiðnað-
arsambandsins, að segja. Félagið hafi
ákveðið að styrkja Samfylkinguna
með 25 þúsund kr. styrktarlínu í 1.
maí blað og í framhaldinu hafi bréf
verið sent til annarra flokka um að
sambandið myndi styrkja þá sem leit-
uðu eftir því með þeirri upphæð. Eftir
því hafi ekki verið sóst.
Aðrir sóttust
ekki eftir styrk
Framlög til stjórnmálaflokka misjöfn
Í HNOTSKURN
» Sjálfstæðisflokkurinnhafði mestar tekjur á
árinu 2007, skv. úttekt Rík-
isendurskoðunar.
» Samanlagðar skuldirflokkanna sex námu í lok
árs 2007 um 503,6 millj. kr.
LÖGREGLAN taldi sig hafa fundið
lík Aldísar Westergren í Langa-
vatni, austan við Reynisvatn, þegar
Morgunblaðið fór í prentun. Um
250 björgunarsveitarmenn leituðu í
gær að Aldísi sem ekkert hefur
spurst til síðan 24. febrúar sl. M.a.
var leitað á kajökum á Reynisvatni
og á stóru svæði í grennd við heim-
ili hennar.
Fannst í Langavatni
Morgunblaðið/Golli
einfaldlega betri kostur
ILVA Korputorgi. s: 522 4500
laugardaga 10-18 sunnudaga 12-18
mánudaga - föstudaga 11-19
Fredsack. Grjónapúði. 135 x 165 cm. Ýmsir litir. Verð 14.900,-
Gylltur og silfurlitaður. Verð 19.900,-
> ILVA.is
Frábær
fermingargjöf
TAKMÖRKUÐ aðstaða og fjöldi
lækna og hjúkrunarfræðinga kem-
ur í veg fyrir að fleiri MS-
sjúklingar fái meðferð með lyfinu
tysabri, en ekki fjárskortur að sögn
landlæknis. Ekki fengu jafn margir
meðferðina í fyrra og áætlað var.
Í dag hafa 45 byrjað meðferðina
af þeim 50 sem gert var ráð fyrir að
myndu fá lyfið í fyrra. Að sögn
Matthíasar Halldórssonar land-
læknis er meðferðin bæði tímafrek
og krefst viðveru lækna og/eða
hjúkrunarfræðinga. „Þetta er
smám saman að aukast en aðstaðan
er ekki mjög góð. Þetta tekur þrjá
klukkutíma fyrir hvern sjúkling og
er heilmikið viðbótarálag á tauga-
sjúkdómadeild Landspítalans þar
sem tysabri-meðferð tekur einn og
hálfan dag í viku á deildinni.“
Hann segir þó unnið að því að
bæta við meðferðartímum á deild-
inni, auk þess sem verið sé að hefja
meðferð með tysabri á Fjórðungs-
sjúkrahúsinu á Akureyri. „Þetta er
að aukast og þeir munu fá þetta
sem talið er að hafi gagn af þessu,“
segir hann en bætir því við að með-
ferðin gagnist sjúklingum misvel.
Þá segir Matthías tiltölulega marga
fá þessa meðferð hérlendis sé mið-
að við löndin í kringum okkur. „Við
erum a.m.k. að gefa jafn mörgum
hlutfallslega þetta lyf og tíðkast
annars staðar á Norðurlöndum.“
ben@mbl.is
Skortur á aðstöðu
hamlar tysabri-gjöf
Landlæknir Matthías Halldórsson.
Evrópusambandið vegur ekki
þungt í þeirri málefnaskrá
vinstri grænna sem þegar ligg-
ur fyrir. Þar segir þó að ákvörð-
un um aðild eða það að vera
áfram utan ESB verði ekki tekin
nema að undangenginni þjóð-
aratkvæðagreiðslu og upplýstri
og lýðræðislegri umræðu.
Hagsmunum Íslendinga sé nú
best borgið utan ESB.
Katrín Jakobsdóttir segir það
ekki liggja fyrir að skipt verði
um skoðun í þessu máli. Varð-
andi áframhaldandi samstarf
ríkisstjórnarflokkanna mætti
hins vegar leita eftir máls-
meðferðarleið í svo stóru máli.
Betra utan ESB