Morgunblaðið - 22.03.2009, Blaðsíða 52

52 Minningar
MORGUNBLAÐIÐ SUNNUDAGUR 22. MARS 2009
✝ Sigríður Guð-björnsdóttir
fæddist í Reykjavík
18. ágúst 1934. Hún
lést á Hjúkr-
unarheimilinu Skóg-
arbæ 12. mars 2009.
Foreldrar hennar
voru hjónin Guðbjörn
Pálsson, bifreiða-
stjóri, f. í Reykjavík
15. júní 1896, d. 30.
september 1986, og
Guðmunda Gísladótt-
ir, húsmóðir, f. að
Stekkum í Sandvík-
urhreppi í Flóa 7. febrúar 1906, d.
19. apríl 1994. Systur Sigríðar eru:
1) Gyða, f. 13. sept. 1937, gift Stef-
áni Björnssyni, f. 28. okt. 1934.
Börn þeirra eru a) Þórunn, f. 22.
júlí 1957. Synir hennar eru, Stefán
Viðar Grétarsson, f. 19. júlí 1976, í
sambúð með Jónínu Björg Yngva-
dóttur, f. 6. apríl 1976. Synir Jónínu
eru Axel Máni, f. 24. okt. 1998 og
Yngvi Jakob, f. 25. maí 2002. Sam-
úel Haukur Þorsteinsson, f. 1. nóv.
1991. b) Guðmundur, f. 15. sept.
1958, kvæntur Sigríði Guðmunds-
dóttir, f. 25.febr. 1959. Synir þeirra
eru Guðmundur Stefán, f. 27. júlí
1986 og Guðbjörn Lárus, f. 2.
sept.1988. c) Björn Ingi, f. 21. apríl
1966. d) Guðbjörg Ásta, f. 28. apríl
1979. 2) Ásta, f.
31.okt. 1943, d. 7. júlí
1960. 3) Sigurlaug, f.
1. maí 1945. Synir
hennar eru a) Guðni
Diðrik Óskarsson, f.
27. jan. 1967, kvæntur
Helgu Kristínu Þor-
steinsdóttur, f. 14.
sept.1968. Börn
þeirra Íris Björg, f.
25. mars 1998 og
Magnús Óskar, f. 18.
júní 2002. b) Logi Jó-
hannesson, f. 28. maí
1985. Sonur hans er
Alexander Ívar, f. 18. maí 2005. Sig-
ríður varð stúdent frá Mennta-
skólanum í Reykjavík 1955. Árið
1957 stundaði hún þýskunám í Phil-
ipps Universität í Marburg í Þýska-
landi. Hún hóf skrifstofustörf hjá
Sambandi ísl. samvinnufélaga og
síðan hjá Orkustofnun. Lengst
starfaði hún hjá Bóksölu stúdenta
við Hringbraut eða 1973–1990. Síð-
ustu starfsárin vann hún í Bókabúð
V.B.K. á Vesturgötu og hjá Ísl.
heimilisiðnaði í Hafnarstræti. Hún
var borin og barnfædd Reykvík-
ingur og bjó í Vesturbænum alla
tíð, nánar til tekið á Sólvallagötu 21
en síðan að Reynimel 92.
Útför Sigríðar fór fram frá Foss-
vogskapellu 20. mars, í kyrrþey.
Á kveðjustund hvarflar hugurinn
til baka til æskuáranna á Sólvallagöt-
unni. Við Sigga systir vorum alltaf
nefndar um leið, Sigga og Gyða. Við
vorum eins klæddar og passað upp á
ekki væri gert upp á milli. Við ólumst
upp við mikið ástríki í fjölskylduhús-
inu á Sólvallagötu 21 og samneyti við
stórfjölskylduna. Föðuramma okkar
Guðlaug Ágústa Lúðvíksdóttir bjó
hjá okkur. Hún átti stóran afkom-
endahóp og var mjög gestkvæmt hjá
henni. Sömuleiðis var móðuramman
Sigríður Filippusdóttir í herbergi á
efstu hæð og hennar afkomendur t.d.
frá Vestmannaeyjum komu oft og
gistu ef þeir áttu erindi í bæinn eða
barn var á leið í sveitina. Á efri hæð
hússins bjuggu ömmusystirin Sigríð-
ur Lúðvíksdóttir og tvær dætur
hennar. Þetta var gott sambýli og
ekki hægt að láta sér leiðast.
Á þessum tíma stunduðum við
börnin útileiki af krafti. Leiki eins og
yfir, hornabolta, fallin spýta og aðra
hefðbundna leiki þess tíma. Á vet-
urna var farið niður á Tjörn á skauta.
Sigga systir var kátur krakki og tók
fullan þátt í þessu. Nokkur sumur
fluttum við úr bænum í sumarbú-
staðinn í Kópavogi og bjuggum þar
fram á haust. Berjaferðirnar í boddí-
bílnum voru vinsælar og margir
minnast þeirra með mikilli ánægju.
Á unglingsárunum var hún í sveit á
sumrin.
Eftir hefðbundna skólagöngu og
stúdentspróf hóf Sigga vinnu við
skrifstofustörf. En það sem hugur
hennar stóð fyrst og fremst til voru
ferðalög bæði innanlands sem utan.
Hún fór í fyrstu utanlandsferðina ár-
ið 1955 og upp frá því notaði hún öll
sín frí í ferðalög. Þýskaland var
hennar uppáhaldsland og þangað fór
hún oftast. Þar hafði hún líka stund-
að nám á árum áður. Oft dvaldi hún
hjá frænku sinni Björgu Svein-
björnsdóttur í New York í góðu yf-
irlæti. Systir Bjargar, Sigurlaug,
reyndist henni líka góð frænka og
bauð henni iðulega í sumarbústaðinn
með sér. Sigga var í Ferðafélagi Ís-
lands og fór margar ferðirnar með
því, t.d. í Þórsmörk. Sigga hafði íbúð
í kjallara hússins heima á Sólvalla-
götu og bjó þar svo lengi sem for-
eldra okkar naut við. Ófáar ferðirnar
komu þau þrjú til okkar í Garða-
bæinn og í sumarbústaðinn við Þing-
vallavatn. Það var einn af uppáhalds-
stöðum Siggu. Oft dvaldi hún með
okkur í bústaðnum og naut þess svo
sannarlega og við sömuleiðis að hafa
hana hjá okkur. Það brást ekki að
Sigga hafði gönguskóna með sér
austur og fór í göngutúra hvernig
sem veðrið var, helst tvisvar á dag.
Útivist var henni svo dýrmæt. Sund
stundaði hún líka reglulega meðan
heilsan leyfði. Siggu þótti vænt um
systrabörnin og samgladdist þeim
þegar vel gekk. Meðan ég bjó í Vest-
mannaeyjum var hún tíður gestur
hjá okkur og mikið tilhlökkunarefni
hjá börnunum þegar Sigga frænka
kom í heimsókn og stoppaði í nokkra
daga. Ekki spillti fyrir að ævinlega
komu pakkar til þeirra upp úr tösk-
unni. Öll samvera með fjölskyldunni
var henni dýrmæt, afmælisboð, mat-
arboð og fínar kaffiveislur kunni hún
svo sannarlega að meta. Ég minnist
systur minnar með söknuði og þakk-
læti fyrir allar góðu samverustund-
irnar.
Blessuð sé minning hennar.
Gyða.
Látin er kær frænka okkar systra,
Sigríður Guðbjörnsdóttir. Hún ólst
upp á Sólvallagötu 21 hjá ástríkum
foreldrum, elst fjögurra systra.
Heimilið var mannmargt og gest-
risni mikil. Föður- og móðurömmur
bjuggu á heimilinu. Algengt var að
ættingjar og vinir gistu í lengri eða
skemmri tíma. Öllum leið vel hjá ein-
stökum gestgjöfum.
Snemma í búskap foreldra okkar
bjuggu þau í risinu hjá Mundu og
Guðbirni. – Sigga bjó á Sólvallagöt-
unni þar til móðir hennar lést, þá
keypti hún sér fallega íbúð við
Reynimel.
Eftir að barnaskóla lauk fór Sigga
í landspróf og síðan í MR, þar sem
hún lauk stúdentsprófi. Þá lá leið
hennar til Þýskalands, þar sem hún
nam þýsku. Hún vann í mörg ár hjá
Orkustofnun og Bóksölu stúdenta en
síðast hjá Íslenskum heimilisiðnaði.
Mikill samgangur var milli heim-
ilanna á uppvaxtarárum okkar. Faðir
okkar var verkstjóri Pípugerðar
Reykjavíkurborgar og Guðbjörn
vörubílstjóri fyrirtækisins. Við
minnumst allra skemmtilegu ferð-
anna með þeim í boddýinu, sem sett
var á vörubílspallinn; berjaferðanna,
fjallagrasaferðanna, skíðaferðanna
og tjaldferða um landið. Í þessum
ferðum ríkti gleði og mikið var sung-
ið. Allt nesti var heimatilbúið eða eld-
að á staðnum. Þetta eru meðal bestu
minninga okkar systra ásamt fjöl-
skylduboðum um hátíðar. – Þá þurfti
ekkert sjónvarp eða myndbönd, allir
skemmtu sér vel við leiki, spil og
söng.
Sigga hafði mikla ánægju af ferða-
lögum og var í Ferðafélagi Íslands
um áratuga skeið. Flest sumur fór
hún í Þórsmörk og dvaldi þar í viku
og gekk mikið. Hún var mikill nátt-
úruunnandi og naut þess að ferðast
bæði innanlands og utan, hin síðari
ár með Ferðaskrifstofu bænda. Við
systurnar eigum margar minningar
um samverustundir í Hreppunum og
í Bayport í Bandaríkjunum. Hún
hafði unun af að fylgjast með fugla-
og dýralífi og fegurð blómgróðurs,
hvort sem það var ræktuð rós eða
eyrarrós á svörtum sandi. – Þá átti
hún margar góðar stundir í sum-
arbústað Gyðu systur sinnar og Stef-
áns. – Á síðasta afmælisdegi frænku
okkar 18. ágúst bauð Sigurlaug syst-
ir hennar til veglegrar veislu.
Eftir að Alzheimers-sjúkdómur-
inn ágerðist var Sigga fyrst í dagvist-
un í Hlíðabæ, fór svo á Landakot en
síðast bjó hún í Skógarbæ. Hún var
þakklát öllu því góða fólki sem ann-
aðist hana.
Ég fel í forsjá þína,
Guð faðir, sálu mína,
því nú er komin nótt.
Um ljósið lát mig dreyma
og ljúfa engla geyma
öll börnin þín, svo blundi rótt.
(Matthías Jochumsson.)
Við sendum Gyðu, Sigurlaugu og
fjölskyldum þeirra innilegar samúð-
arkveðjur.
Sigurlaug og Björg D.
Sveinbjörnsdætur.
Hún Sigga frænka er dáin, farin
yfir móðuna miklu. Síðustu daga hef
ég vitað að nær dró endalokum. Hug-
urinn var hjá henni og nánustu fjöl-
skyldu hennar. Fréttin um andlátið,
morguninn 12. mars, vakti eigi að
síður trega og söknuð og kallaði fram
fjölda minninga frá bernsku og
æsku. Að auki hefur verið margs að
minnast frá samvistum seinni ár á Ís-
landi og í Bandaríkjunum.
Tíminn hefur liðið hratt, þegar lit-
ið er til baka, og viðkomustaðirnir
orðnir margir. Nýir vinir, breyttar
aðstæður og búseta hafa opnað nýjar
leiðir og fangað hugann. Uppruni,
mótunarárin og samvistarfólk æsku-
áranna verða þó oftast sterkur hluti
af eðli einstaklingsins, bönd sem
standast tímans tönn. Þannig varð
samband okkar Siggu. Vinátta,
tryggð og ættarbönd héldust og urðu
enn sterkari og nánari, eftir því sem
árin liðu. Skilningur jókst og um-
hyggja og væntumþykja festi dýpri
rætur.
Elsku Sigga. Megi fegurð og frið-
ur fylgja þér í nýjum heimi.
Björg frænka.
Sigríður
Guðbjörnsdóttir
✝
Okkar ástkæra
ESTER MAGNÚSDÓTTIR
frá Hellissandi,
Melalind 8,
Kópavogi,
verður jarðsungin frá Fossvogskirkju miðviku-
daginn 25. mars kl. 13.00.
Alexander Alexandersson,
Hjördís Alexandersdóttir, Guðmundur Jón Jónsson,
Bára Alexandersdóttir, Þórarinn Hjálmarsson,
Erla Alexandersdóttir, Sigurður Jón Ragnarsson,
barnabörn og barnabarnabörn.
Móðir okkar, tengdamóðir, amma og langamma,
KARÓLÍNA S. HALLDÓRSDÓTTIR,
áður til heimilis að Ásvallagötu 16
og Fjölnisvegi 6,
andaðist á hjúkrunarheimilinu Skjóli þriðjudaginn
10. mars.
Jarðarförin fer fram frá Dómkirkjunni í Reykjavík mánudaginn 23. mars
kl. 15.00.
Sigrún Guðmundsdóttir,
Guðrún Guðmundsdóttir, Einar B. Kristjánsson,
Gestur Guðmundsson, Kristín Ólafsdóttir,
ömmubörn og langömmubörn.
✝
Ástkær eiginkona mín, elskuleg móðir okkar og
tengdamóðir,
BERGLJÓT VIKTORSDÓTTIR,
Sunnuvegi 17,
Reykjavík,
lést á Landspítalanum við Hringbraut fimmtu-
daginn 12. mars.
Útför hennar fer fram frá Langholtskirkju þriðjudaginn
24. mars kl. 15.00.
Eysteinn Þ. Yngvason,
Ægir Þór Eysteinsson,
Gísli J. Eysteinsson,
Yngvi Þ. Eysteinsson
og tengdadætur.
✝
Innilegar þakkir til allra þeirra sem sýndu okkur
samhug og hlýhug við andlát og útför elskulegrar
móður, tengdamóður, ömmu og langömmu,
UNNAR NIKULÁSDÓTTUR EYFELLS,
Selvogsgrunni 10.
Sérstakar þakkir fá söngvinir hennar í Gerðubergs-
kórnum, kórstjóri, Árni Ísleifsson og annað sam-
starfsfólk í Gerðubergi.
Ingibjörg Eyfells,
Margrét Eyfells, Karl Davíðsson,
Unnur Silfá Eyfells,
Einar Þór Karlsson, Auður Kristín Ebenezersdóttir,
Karl Freyr Karlsson, Sigríður Örvarsdóttir,
Ingimar Örn Karlsson, Guðrún Björg Björnsdóttir
og langömmubörn.
✝
Hjartans þakkir til allra sem sýndu okkur samúð og
hlýhug við andlát og útför móður okkar, tengda-
móður, ömmu og langömmu,
CECILIE SOFIE HJELVIK MIKAELSSON.
Sérstakar þakkir færum við starfsfólki hjúkrunar-
heimilisins Sóltúni fyrir frábæra umönnun, hlýhug
og velvild.
Guð blessi ykkur öll.
Björgvin M. Snorrason, Ásta Guðjónsdóttir,
Erling B. Snorrason, Jeanette A. Snorrason,
Anna M. Snorradóttir, Jón Æ. Karlsson,
Ragnhildur L. Snorradóttir, David West,
barnabörn og barnabarnabörn.
Flatahraun 5a • www.utfararstofa.is
Vaktsími: 565 5892 & 896 8242 • Sólarhringsvakt
Komum heim til aðstandenda ef óskað er
ÚTFARARSTOFA HAFNARFJARÐAR
Kistur • Krossar • Sálmaskrár • Duftker • Blóm • Fáni • Gestabók • Erfidrykkja • Prestur
Kirkja • Legstaður • Tónlist • Tilkynningar í fjölmiðla • Landsbyggðarþjónusta • Líkflutningar
Suðurhlíð 35 Fossvogi • www.utforin.is
Vaktsími: 581 3300 & 896 8242 • Sólarhringsvakt
Komum heim til aðstandenda ef óskað er
Bryndís ValbjarnardóttirSverrir Einarsson
ÚTFARARSTOFA ÍSLANDS
Það sem hafa ber í huga varðandi andlát og útför
Hermann Jónasson Yvonne Tix