Morgunblaðið - 10.10.2009, Blaðsíða 1

Eftir Magnús Halldórsson
magnush@mbl.is
BIRTING greinargerða Seðlabanka Íslands og efna-
hags- og viðskiptaráðuneytis um áhrif tafa á endurskoð-
un efnahagsáætlunar Íslands og Alþjóðagjaldeyrissjóðs-
ins (AGS) olli miklum titringi innan Seðlabankans í gær
samkvæmt heimildum Morgunblaðsins. Már Guðmunds-
son seðlabankastjóri og Arnór Sighvatsson aðstoðar-
seðlabankastjóri skiluðu Jóhönnu Sigurðardóttur for-
sætisráðherra greinargerð sinni daginn eftir að hún
óskaði eftir henni, 5. október sl.
Í greinargerð þeirra kemur m.a. fram að töf á því að
AGS endurskoði efnahagsáætlun Íslands, vegna ágrein-
ings við Breta og Hollendinga um Icesave, geti leitt til
þess að lánshæfismat Íslands verði lækkað. Það geti síð-
an leitt til þess að stofnanafjárfestar verði „tilneyddir til
þess að selja eignir sínar um leið og færi gefst, vegna
þess að þeim er ekki heimilt að fjárfesta í svo lágt metn-
um eignum“ eins og orðrétt segir í greinargerðinni.
Ragnar Árnason, prófessor í hagfræði og fulltrúi í
bankaráði Seðlabankans fyrir hönd Sjálfstæðisflokksins,
segir birtingu greinargerðar sem þessarar, að forsvars-
mönnum bankans forspurðum, geta haft mikil áhrif á al-
þjóðlega fjármálamarkaði. „Birting á þessum greinar-
gerðum er ekki til þess að styrkja stöðu Íslands á
alþjóðlegum fjármálamörkuðum og örugglega til að
veikja stöðu Íslands í samningaviðræðum við Hollend-
inga og Breta vegna Icesave. Ég tel að afleiðingar þess
að ganga ekki að skilyrðum í Icesave-málinu og jafnvel
að þurfa að þola frekari frestun á þessari svokölluðu fyr-
irgreiðslu AGS verði ekki nærri eins afdrifaríkar og túlk-
un forsætisráðherra, meðal annarra, gefur til kynna. Þá
mun það augljóslega veikja lánstraust Íslands út á við að
takast á við nýjar skuldbindingar,“ segir Ragnar.
Þess er enn beðið að AGS taki efnahagsáætlun Íslands
til endurskoðunar. Mikil áhersla er lögð á að lausn verði
fundin á Icesave-deilunni fyrir 23. október. Þá mun
Tryggingasjóður innstæðueigenda þurfa, í síðasta lagi,
að greiða innstæðueigendum. „Verði ekki samið um Ice-
save-greiðslurnar fyrir 23. október yrði afleiðingin sú að
sjóðurinn væri brotlegur við íslensk lög,“ segir í grein-
argerð efnahags- og viðskiptaráðuneytisins.
 Áhrif tafa sögð alvarleg | 2
Titringur vegna
greinargerða
 Seðlabankastjóri var ósáttur við birtingu greinargerða um
efnahagsmál  Icesave getur líka lækkað lánshæfismat
» Töf á endurskoðun sögð slæm
» Lánshæfismat gæti lækkað
» Icesave-greiðslur fyrir 23. október
» Gjaldeyrisvaraforði forsenda
L A U G A R D A G U R 1 0. O K T Ó B E R 2 0 0 9
STOFNAÐ 1913
275. tölublað
97. árgangur
Landsprent ehf.
MBL.IS
Morgunblaðið
hvar sem er
hvenær sem er
95
ára
mbl.is
«AFREKSBÖRN
HUGAÐIR OG STERKIR
FIMLEIKASTRÁKAR
«LEIKARINN
Siggi lifir lífinu
hlæjandi
Þrjú hundruð grafíkmyndir eftir
Tryggva Ólafsson seldust til styrkt-
ar Grensásdeildinni en hann er sjáf-
ur í endurhæfingu eftir slys og get-
ur ekki málað. Hann ræðir um
óútreiknanlegar heilastöðvar sem
og lífið og tilveruna í Lesbók í dag.
LESBÓK
Hann hefur aldrei
verið stressaður
Faðir nóbelsverðlaunahafans í bók-
menntum, Hertu Müller, var í SS-
sveitum þýska hersins og móðir
hennar var send í sovéskar vinnu-
búðir í fimm ár. Sjálf vann hún með
hópi andófshöfunda og sætti of-
sóknum og var ritskoðuð.
Mynd af landslagi
hinna landlausu
FLUG fór úr skorðum, þakplötur þeyttust af húsum og bátar
lágu flestir bundnir við höfn þegar kröpp haustlægð, sú fyrsta í
ár, gekk yfir suðvesturhornið í gær. Veðurstofan spáir norð-
austlægri átt í dag, 15-23 m/s norðvestanlands og við suðaust-
urströnd landsins. Draga mun úr vindi síðdegis.
Lægðin færðist norður í gærkvöldi og skemmdust tveir bílar á
Ísafirði þegar þakplötur fóru af rækjuvinnslunni Kampi. Þá féll
aurskriða úr Eyrarhlíð á Hnífsdalsveg við Ísafjörð laust fyrir
klukkan 20 í gærkvöldi. Skriðan var um tveggja metra djúp og
þurfti að loka fyrir umferð vegna hennar. Björgunarsveitir
voru viðbúnar frekara hvassviðri og allir bátar í landi en að
sögn lögreglunnar á Ísafirði var ekki vitað um meira tjón á
Vestfjörðum á tólfta tímanum í gærkvöldi. Veðrið setti ferða-
lög og flutninga úr skorðum en ekki þurfti þó að gera breyt-
ingar á flugáætlun í Keflavík af völdum veðurofsans. | 4
VEÐURGUÐIRNIR SÝNDU MÁTT SINN OG MEGIN
Morgunblaðið/RAX
Samgöngur fóru úr skorðum í lofti, á láði og legi þegar kröpp haustlægð reið yfir suðvesturhornið
UM fimmta
hvert heimili í
Húnaþingi
vestra og Bæj-
arhreppi stend-
ur frammi fyrir
alvarlegum fjár-
hagsvanda eða
persónulegu gjaldþroti vegna skuld-
settra kaupa á stofnfé í Sparisjóði
Húnaþings og Stranda.
Fékk fólkið lán frá sparisjóðnum
og Landsbankanum til að taka þátt í
tveimur útboðum árið 2007, en það
ár var stofnfé sjóðsins aukið úr 1,9
milljónum í 1,9 milljarða.
Voru lánin veitt með handveðum í
bréfunum sjálfum, en einnig er per-
sónuleg ábyrgð á lánunum. „Í sveit-
arfélögunum tveimur búa um 1.200
manns og af þeim voru um 200 stofn-
fjáreigendur í sparisjóðnum,“ segir
Jón Óskar Pétursson, framkvæmda-
stjóri Sambands sveitarfélaga á
Norðurlandi vestra.
„Um 140 stofnfjáreigendur tóku
lán vegna stofnfjáraukningarinnar.
Þetta er venjulegt fólk, bændur og
launafólk, en stofnfjáreign í sjóðnum
hefur alltaf verið mjög almenn í hér-
aðinu.“ bjarni@mbl.is | 20
140 fjöl-
skyldur
skuldsettar
Keyptu í Sparisjóði
Húnaþings vestra