Morgunblaðið - 10.10.2009, Blaðsíða 8

Eftir Sigtrygg Sigtryggsson
sisi@mbl.is
LJÓSMYNDIR Ragnars Axelssonar
munu prýða íslenska skálann á
heimssýningunni miklu í Sjanghæ í
Kína, sem opnuð verður á næsta ári.
Myndir Ragnars, sem eru nær-
myndir af ís í Breiðamerkurlóni,
verða settar á striga og hengdar upp
á alla fjóra veggi byggingarinnar.
Þegar myrkva tekur verða myndir-
nar upplýstar.
Íslendingar fengu skálann afhent-
an 25. september sl. Jafnframt var
undirrituð þátttökuyfirlýsing af Ís-
lands hálfu. Að sögn Hreins Páls-
sonar, framkvæmdastjóra íslensku
þátttökunnar stóð til að undirrita
þessa yfirlýsingu í október í fyrra, í
miðju hruninu. Sú athöfn var blásin
af þegar tíðindin bárust heiman frá
Íslandi, enda ríkti þá óvissa um það
hvort af þátttökunni yrði.
Að sögn Hreins var mikið gert úr
undirrituninni í kínverskum fjöl-
miðlum. Hann segir að Ísland hafi
fengið ótrúlega mikla athygli þar í
landi vegna kreppunnar og frétta-
flutningurinn sé í engu samræmi við
stærð þjóðarinnar. Þá hafi borist
gríðarlegu fjöldi fyrirspurna til ís-
lenska sendiráðsins í Kína.
„Okkar verkefni hefur verið að
nýta þennan áhuga til að snúa um-
ræðunni. Þegar Kínverjar spyrja
hvort ekki sé allt í klessu á Íslandi
höfum við bent þeim á að ástandið sé
vissulega erfitt en hér sé að finna
mörg tækifæri. Jafnframt höfum við
hvatt Kínverja til að heimsækja land-
ið,“ segir Hreinn.
Nokkrar tegundir húsa voru í boði.
Upphaflega ætlaði Ísland að leigja
1000 fermetra skála en á endanum
var leigður 500 fermetra skáli. Stórar
þjóðir, þar á meðal öll Norðurlöndin,
byggja sína eigin skála, og eru þeir 3-
12 þúsund fermetrar að stærð. Kín-
verjar sjálfir slá öllum við og hafa
reist 60 þúsund fermetra skála.
Að sögn Hreins taka Íslendingar
við skálanum tilbúnum undir tré-
verk. Nú verður hafist handa við að
ganga frá skálanum að innan sem ut-
an og laga hönnun Páls Hjaltasonar
arkitekts og hönnunarteymis á veg-
um Plús-arkitekta og Saga film. Hef-
ur verið gerður samningur um það
verk við kínverkst verktakafyrir-
tæki, en Íslendingar munu hafa um-
sjón með framkvæmdunum.
Áherslur Íslands á sýningunni
verða á sviði endurnýjanlegra orku-
gjafa, þekkingariðnaðar og ferða-
mennsku undir yfirskriftinni „Hrein
orka, heilbrigt líferni“.
Á sýningunni munu íslensk orku-
fyrirtæki, í samstarfi við verk-
fræðistofur, kynna nýtingu endur-
nýjanlegra orkugjafa á Íslandi og
samstarfsverkefni á sviði nýtingar
jarðhita víða um heim.
Íslenskir sjónvarps- og kvik-
myndagerðarmenn munu kynna
framleiðslu sína. Þá mun Hönn-
unarmiðstöð Íslands kynna íslenska
hönnun og byggingarlist. Einnig
verður íslenskri tónlist komið á fram-
færi á sýningunni.
Icelandair, Ferðamálastofa,
Reykjavíkurborg, Iðnaðarráðuneytið
og Útflutningsráð munu vinna saman
að því að kynna Ísland sem áfanga-
stað fyrir Kínverja og aðra gesti sýn-
ingarinnar.
Nærmyndir af ís setja svip
á íslenska EXPO-skálann
Kínverjar hafa sýnt málefnum Íslands gríðarlegan áhuga sem getur nýst vel
Skálinn Ljósmyndir Ragnars Axelssonar af ísnum munu setja mikinn svip á íslenska skálann í Sjanghæ.
Í HNOTSKURN
»Kínverjar tóku svæði ástærð við Kópavog, rifu
gamlar verksmiðjur og eru að
reisa EXPO-borg í miðri
Sjanghæ.
»Sýningin sjálf verður opn-uð í maí á næsta ári og
stendur yfir í sex mánuði.
»Kínverjar fullyrða að þettaverði mesta heimssýning
allra tíma. Þeir gera ráð fyrir
því að 70 milljónir manna sæki
sýninguna eða 380 þúsund
manns að meðaltali á dag.
8 FréttirINNLENT
MORGUNBLAÐIÐ LAUGARDAGUR 10. OKTÓBER 2009
SEXTÍU manns sóttu um að taka
þátt í verkefni um endurgerð gam-
alla húsa í Reykjavík. Meðal um-
sækjenda voru 45 smiðir og 15 arki-
tektar. Að loknu mánaðarlöngu
undirbúningsnámskeiði verður svo
16 smiðum og 2 arkitektum boðið
að taka þátt í því. Að námskeiðinu
loknu bjóðast þátttakendum störf á
byggingarstað eða teiknistofu í 2-5
mánuði. Verkið er samvinnuverk-
efni Reykjavíkurborgar, Vinnu-
málastofnunar, Minjasafns Reykja-
víkur, Iðunnar-fræðsluseturs og
Húsafriðunarnefndar og er ætlað
að bæta þekkingu á viðhaldi gam-
alla húsa í Reykjavík.
Endurbætur á
gömlum húsum
ÓLAFUR F. Magnússon, borgar-
fulltrúi F-listans lagði fram bókun á
fundi borgarráðs á fimmtudag sl.,
þess efnis að Reykjavíkurborg sjái
eftirleiðis um þá þjónustu sem Al-
þjóðahús hefur séð um fyrir hönd
borgarinnar, en mikið vantar á að
samskipti milli borgarinnar og
rekstraraðila Alþjóðahúss séu í lagi.
Alþjóðahús
BÆJARSTJÓRN Reykjanesbæjar
mótmælir harðlega ákvörðun um-
hverfisráðherra að tefja enn frekar
vinnu við raforkulagnir um Suð-
urnes og tefla þannig mikilvægri
uppbyggingu í atvinnumálum í
hættu. Undirbúningur hefur staðið
yfir sl. fimm ár og var fyrirhugað
að hefja að fullu mannaflsfrekar
framkvæmdir eftir þrjá mánuði.
Þúsundir manna hefðu þá fengið
nýja vinnu.
Morgunblaðið/RAX
Mótmæla töfum
STJÓRN Félags íslenskra hjúkr-
unarfræðinga varar við þeim alvar-
legu afleiðingum sem stórfelld
skerðing á fjárframlögum til Land-
spítal, sem fjárlagafrumvarp næsta
árs, leiðir af sér. Undanfarin ár hef-
ur Landspítalanum verið gert að
hagræða svo í rekstri að nú er kom-
ið að þolmörkum, að mati félagsins.
Ef boðuð lækkun á fjárframlögum
til Landspítalans nær fram að
ganga mun það leiða til verulegrar
skertrar þjónustu við sjúklinga
ógna öryggi þeirra.
Morgunblaðið/Ómar
Niðurskurður ógnar
öryggi sjúklinga
BYGGÐARÁÐ Skagafjarðar lýsir
þungum áhyggjum vegna fyrirhug-
aðrar skerðingar á fjárframlögum
til opinberra stofnanna í sveitarfé-
laginu og fækkunar starfa sem af
því mun leiða, án þess að sýnt sé að
af því hljótist raunverulegur sparn-
aður.
Á móti niðurskurði
STUTT