Morgunblaðið - 10.10.2009, Blaðsíða 4

4
MORGUNBLAÐIÐ LAUGARDAGUR 10. OKTÓBER 2009
Eftir Baldur Arnarson
og Júlíus Ingason
„ÞETTA er eitt alversta veður sem
ég man eftir og hefur þó oft blásið
hérna. Það var sérstakt við þetta
veður hvað það var lengi hvasst. Frá
því fimm um morguninn [í gær] og
fram á eftirmiðdaginn var ekki
hægt að tala um hviður því það var
stöðugt hvassviðri allan tímann.
Þetta var eitt allsherjar bál,“ segir
Pétur Leví Elíasson, ábúandi á bæn-
um Hjassa á Kjalarnesi, um fárviðrið
þegar haustlægðin gekk yfir í gær.
Miklar skemmdir urðu á aflögðu
refa- og minkabúi á Hólalandi,
skammt frá Hjassa, ásamt því sem
framhliðin fór af gamla húsinu í
Brautarholti nokkur hundruð metra
frá. Betur fór en á horfðist því 20
metra gámur sem lá við fjöruborðið
tókst á loft.
Gámurinn stefndi á Hólaland og
mátti litlu muna að hann skylli á
dráttarvél en hann var síðan festur
niður með jarðvegi eins og brak í
annarri skemmunni sem stór-
skemmdist á Hólalandi.
Mildi þótti að þakplötur úr
skemmunum þeyttust ekki inn um
stofugluggann í Brautarholti og
þakkaði Þórður Bogason björg-
unarsveitarmaður trjágróðri sem
stöðvaði þær það að ekki fór ver.
Fárviðri var í Vestmannaeyjum
fram undir kvöld í gær og lagðist
stór flutningabíll á hliðina í einni
hviðunni. Nokkurt tjón varð á íbúð-
arhúsum, einkum á timburhúsi á
Brimhólabraut þar sem hluti þaks-
ins flettist af, að sögn lögreglunnar í
Vestmannaeyjum. Þá fauk vinnu-
pallur á Bárustíg og þurfti að loka
nærliggjandi götum á meðan unnið
var við að færa hann frá.
Adolf Þórsson, formaður Björg-
unarfélags Vestmannaeyja, hafði í
nógu að snúast en hann sagði lægð-
ina með þeim krappari í lengri tíma,
jafnvel síðan 1991. Að sögn lögregl-
unnar í Vestmannaeyjum gekk veðr-
ið niður um hálfsexleytið í gær-
kvöldi en flestir bátar voru þá í höfn.
Á Keflavíkurflugvelli gekk flug
samkvæmt áætlun.
„Þetta var eitt
allsherjar bál“
Tuttugu feta gámur tókst á loft í hviðunum á Kjalarnesi
Morgunblaðið/RAX
Óveður Samgöngur á sjó fóru úr skorðum. Ferðir með Herjólfi féllu niður í gær. Bátar lágu bundnir við bryggju í Vestmannaeyjum. Þá féllu rútuferður niður á suðvesturhorninu.
REYKJAVÍK: 27 m/s
KEFLAVÍKURFLUGVÖLLUR: 28 m/s
REYKJANESBRAUT: 34 m/s
STÓRHÖFÐI: 53 m/s
HELLISHEIÐI: 29 m/s
SANDSKEIÐ: 33 m/s
KJALARNES: 39 m/s
HAFNARFJALL: 45 m/s
Mestu vindhviðurnar í gær
Staðan kl. 17
Morgunblaðið/RAX
Í Reykjavíkurhöfn Lögreglan í Reykjavík fékk margar tilkynningar um að
hlutir væru að fjúka í gær. Flotbryggja í höfninni varð fyrir skemmdum.
Morgunblaðið/Kristinn
Háskóli Íslands Tjald fest niður.
Morgunblaðið/RAX
Hávaðarok Starfsmaður Olís á Kjalarnesi tekur niður fána í fárviðrinu.
Lögreglan fékk engar tilkynningar um meiðsl á fólki í óveðrinu í gær.
Morgunblaðið/Árni Sæberg
Hugað að bátum í Reykjavíkurhöfn Hjá flugturninum í Reykjavík fengust
þær upplýsingar að 11 af 15 flugferðum hafi verið felldar niður í gær.
Morgunblaðið/RAX
Kjalarnes Járnarusli safnað saman.
Ljósmynd/Þórður Bogason
Hólaland Skemmur skemmdust.
Vestmannaeyjar Flutningabíll valt.
Ofsaveður á Kjalarnesi
mbl.is | SJÓNVARP
Ljósmynd/Júlíus Ingason
Tjón vegna óveðurs