Morgunblaðið - 10.10.2009, Blaðsíða 44

44 MenningFÓLK
MORGUNBLAÐIÐ LAUGARDAGUR 10. OKTÓBER 2009
Helgi og pinnarnir
hleypa lífi í mjaðmir
Fólk
Eftir Ingveldi Geirsdóttur
ingveldur@mbl.is
HVERN hefur ekki dreymt um að dansa um í poppkorni? Nú er
tækifærið því í fyrsta skipti á Íslandi verður haldið Popp-
kornspartí. Partíið fer fram í kvöld og fær poppið að fljóta á
skemmtistaðnum Top of the Rock á gamla varnarliðssvæðinu í
Keflavík. Ætlunin er, á mismunandi tímapunktum yfir kvöldið,
að dæla mörgum hundruð lítrum af poppi yfir gesti með
sérstökum poppblásurum.
„Ég er búinn að fá tvær ótrúlegar hugmyndir frá
skemmtistað á Mallorca sem heitir BCM, fyrir mörg-
um árum fór ég í froðupartí þar sem varð til þess að
ég hélt fyrsta froðupartíið hér og núna held ég þetta
poppkornspartí. Mig langaði bara að gera eitthvað
nýtt, þetta hefur aldrei verið gert á Íslandi áður og
magnið af poppkorni sem við erum með er svo gríðarlegt að það
verður erfitt að leika þetta eftir,“ segir Atli Már Gylfason sem
stendur fyrir partíinu.
„Við verðum með um 2400 lítra af fersku og nýpoppuðu popp-
korni, það er í kringum 1100 venjulegir Stjörnupoppspokar.
Gestir á dansgólfinu geta borðað poppið og dansað í því. Það
munu tvær sætar stelpur, sín með hvorn barkann, blása poppinu
á fólkið og það verður allt í poppi í lokin, undir skósólum
og ofaní nærbuxum,“ segir Atli og bætir við að
venjuleg danstónlist verði leikin undir popp-
dansinum.
Miða í forsölu á viðburðinn er hægt að
nálgast í dag á 1000 kr. á Top of the Rocks,
annars kostar 1500 kr. inn við dyrnar í kvöld.
2400 lítrar af poppi í sjóðheitu poppkornspartíi
 Pörin Kristín og Eiríkur, Mæja
og Kiddi, hafa verið valin til að
taka þátt í kynlífstilraun morgun-
þáttar Gulla Helga og Lísu Einars
á Kananum. Gulli og Lísa ætla að
fylgjast með áhrifum kynlífsins á
samband paranna og heyra í öðru
hvoru þeirra daglega. Kynlífs-
tilraun þessi mun standa yfir í 30
daga og pörin blogga um samlíf
sitt á Kaninn.is og Kaninn hvetur
alla til að „æfa sig heima“ til að
styðja pörin.
En er þetta yfirleitt mögulegt?
Ýmis ljón geta staðið í vegi fyrir
slíkum gjörningi, eins og pör
þekkja allflest, t.d. hinn frægi höf-
uðverkur.
30 daga kynlíf tveggja
para fyrir Kanann
 Íslenska harðkjarnasenan hefur
getið af sér eina eða tvær goðsögu-
legar sveitir, þar á meðal hina rosa-
legu Klink sem fór mikinn á blóma-
skeiði hennar upp úr árinu 2000.
Hljómsveitin sneri aftur í sumar og
lék í hausaskakshimnaríkinu
Eistnaflugi en í kvöld er það
Reykjavíkin en þar hefur sveitin
ekki spilað í fimm ár. Klink treður
upp á Dillon Rockbar og þær eru
ekki handónýtar hljómsveitirnar
sem munu hita upp, Celestine og
Retrön. Aðgangseyrir er á klink-
tilboði, 499 kr. Þess má geta að
upprunalegur bassaleikari sveit-
arinnar, Júrí, er staddur í Trinidad
og Tobago að reisa byggingar á
vegum dansks verktakafyrirtækis
og er það Haukur Rosalegi (Andlát
o.fl.) sem leysir hann af hólmi.
Hin ógurlega, hin ægi-
lega Klink snýr aftur!
Eftir Helga Snæ Sigurðsson
helgisnaer@mbl.is
REYNDU aftur, heitir nýútkomin
ævisaga eins ástsælasta tónlistar-
manns Íslands, Magnúsar Eiríks-
sonar. Höfundur bókarinnar, Tómas
Hermannsson, hafði lengið nauðað í
Magnúsi að fá að gefa út ævisögu
hans. Magnús lét loks til leiðast, en
með þeim skilmálum að Tómas myndi
rita söguna og taka upp samtöl þeirra
á ökuferðum um landið. Tómas gefur
bókina út, en hann starfar hjá útgáfu-
fyrirtækinu Sögum ehf. sem gefur
einnig út hljómplötu sem ber sama
nafn og bókin. Á henni flytja Magnús
og hljómsveitin Buff nokkur af hans
ástælustu lögum.
„Ég er búinn að vera mikill aðdá-
andi Magga frá því ég fór sjálfur að
gutla á gítar og mér finnst hann flott-
asti texta- og lagahöfundur landsins,“
segir Tómas. Að baki ævisögunni
liggja langar ökuferðir vítt og breitt
um landið þar sem Magnús sagði sög-
ur af ævi sinni. Þegar yfir lauk voru
7.000 km að baki. Ólíkir staðir á land-
inu rifjuðu upp fyrir Magnúsi ólíkar
sögur og á endanum var Tómas með
mikið og áhugavert efni í höndunum.
Í ókunnugu hjólhýsi
„Ég held hann geti ekki talað nema
hann sé í bíl, bíllinn er hans skrif-
stofa, hann tekur engar meiriháttar
ákvarðanir nema hann sé í bílnum,“
segir Tómas og hlær.
Textinn við lagið „Reyndu aftur“
er mjög dramatískur. Er hann lýs-
andi fyrir ævisöguna, í ljósi þess að
þú valdir hann sem bókartitil?
„Já, „Reyndu aftur“ er náttúrlega
rosalega lýsandi fyrir alla í dag, að
gefast ekki upp og reyna aftur,“ segir
Tómas en lagið orti Magnús til eig-
inkonu sinnar sem fallin er frá. Það er
nokkuð merkileg saga á bakvið text-
ann. „Það var þannig að hann hafði
verið að spila á Snæfellsnesinu og var
að fara í „blackout“, þ.e. óminnisást-
and, hann tók nokkur mjög svæsin
blackout út af drykkju og neyslu
„vandaðra“ efna, týndi nokkrum
klukkutímum og síðan nokkrum dög-
um. Þegar hann var að spila á Snæ-
fellsnesinu hafði hann verið hauga-
fullur, vaknað í partíi í Ólafsvík með
fleyginn við höndina. Hann hélt af
stað til Búða, tengdamóðir hans var
nýbúin að kaupa sér hjólhýsi og hann
hafði haft einhvern pata af því að þau
hjónin yrðu á Búðum þessa helgi.
Hann fær far frá Ólafsvíkurenni að
Búðum. Við Hótel Búðir fer hann að
fá sér sjúss og svo kemur algleymið,
hann missir nokkra klukkutíma úr líf-
inu og það næsta sem hann man er að
hann vaknar í hjólhýsi á ferð (Tómas
hlær) og vissi ekkert hvar hann var.
Þá hafði hann farið inn í hjólhýsi á
Búðum hjá eldri hjónum. Hann reisti
sig upp, leit út um gluggann og sá þau
í bílnum , vissi ekkert hvert þau voru
að fara. Honum tókst svo að lauma
sér út á bensínstöð án þess þau tækju
eftir því. Þetta er ein af nokkrum
blackout-sögum sem eru í bókinni.“
Tómas segir Magnús segja allan
sannleikann um sjálfan sig og skafa
ekki utan af neinu. Ævisagan er
fyrsta bók Tómasar og hann segir
lokavinnsluna hafa verið helvíti erf-
iða. „Við Magnús viljum þakka kon-
unni minni sem er ritstjóri bókar-
innar, Önnur Margréti, kærlega
fyrir. Án hennar hefðum við aldrei
getað gert þetta,“ segir Tómas að lok-
um.
Morgunblaðið/ÞÖK
Maggi með gítarinn „Ég held hann geti ekki talað nema hann sé í bíl, bíllinn er hans skrifstofa,“ segir höfundur ævisögu tónlistarmannsins.
Sjö þúsund kílómetra ævisaga
 Ævisaga Magnúsar Eiríkssonar var skráð í ótal ökuferðum um landið
 Óminnisástand af völdum áfengisdrykkju var kveikjan að „Reyndu aftur“
Plata með völdum perlum Magn-
úsar er nýkomin út, samhliða ævi-
sögunni og syngur Magnús með
hljómsveitinni Buff í fimm lögum af
11. Auk þeirra les leikarinn Ingvar E.
Sigurðsson textann við „Reyndu
aftur“. „Staðfestan verður gríð-
arleg við það að standa sig í þessu,
að gera þetta sem best. Þetta mátti
ekki verða klúður. Við ætluðum ekki
að fara að gera enn eina eftir-
hermuplötuna,“ segir Hannes Frið-
bjarnarson, trommari Buff.
Útsetningar sumra laganna eru
talsvert ólíkar þeim upphaflegu en
aðrar líkar. „Við setjum okkar svip á
þetta,“ segir Hannes. Hvað lagaval
varðar segir hann Magnús hafa lát-
ið hann fá lista með 15 eða 16 lög-
um og hljómsveitin svo tekið upp 11
þeirra „með sínu nefi“, á heimili
Bergs Geirssonar, bassaleikara
sveitarinnar. „Við bjuggum bara til
stúdíóið. Hann býr í stúdíóíbúð
þannig að það lá vel við höggi,“
segir Hannes kíminn. „Hann skipti
sér ekkert af þessu, hann treysti
okkur bara algjörlega fyrir þessu og
það var okkur ánægjuefni,“ svarar
Hannes, spurður að því hvort Magn-
ús hafi skipt sér af útsetningum
„Við ætluðum ekki að fara að gera enn eina eftirhermuplötuna“
Buff „Hann býr í stúdíóíbúð þannig að það lá vel við höggi,“ segir
Hannes um upptökur sem fóru fram í íbúð Bergs bassaleikara.
Ókeypis lag af plötunni má
finna á mbl.is.
sveitarinnar. Útgáfutónleikar verða
haldnir í kvöld í KA-heimilinu á Ak-
ureyri og hefjast þeir kl. 20.30.
Poppari Atli Már dansar í poppi.
 Stórsöngvarinn Helgi Björns og
gleðipinnasveitin Kokkteilpinn-
arnir munu fá fólk til að tvista,
teygja búkinn og hrista, í Þjóðleik-
húskjallaranum í kvöld. Á laugar-
dagskvöldum í vetur er ætlunin að
vera með dansskemmtanir að
gömlum sið í kjallaranum og
munu Helgi og félagar rifja upp
danssöngva og drykkjuvísur fyrri
ára. Þeir hvetja menn til að skella
í sig svalandi kokkteilum og vekja
til lífsins „gamla góða sveiflu og
mjaðmahnykki sem hafa ekki
fengið útrás lengi“. Sveitin gefur
út plötu síðar í mánuðinum,
Kampavín, en þar ku vera að
finna ódauðleg lög. Helgi og pinn-
arnir voru í essinu sínu í Kastljósi
í fyrrakvöld, er þeir fluttu lagið
„Ég finn á mér“. Fór Helgi
óvenjudjúpt niður og lék með til-
þrifum kófdrukkinn mann á með-
an hann söng. Það er ekki ama-
legt að hafa leiklistarlærðan
söngvara þegar sýna þarf slík til-
þrif.