Saga - 1949, Side 26

22
má hvort tveggja til sanns vegar færa. Maður-
inn hefur bæði verið hrakfallabálkur og rang-
indamaður, enda fylgist hvort tveggja oft að.
Jón Espólín ætlar Jón hafa verið son „Gutt-
orms Narfasonar á Kolbeinsstö8um“.') Er hér
átt við Narfa prest Snorrason, sem átti Val-
gerði Ketilsdóttur Þorlákssonar lögsögumanns
og Halldóru Þorvaldsdóttur Gizurarsonar. f
heimildarritum er einungis getið þriggja sona
þeirra Narfa prests og Valgerðar: Þorláks,
Þórðar og Snorra, er allir urðu lögmenn. Gutt-
orms er hvergi getið. Sonur Þorláks lögmanns
Narfasonar var Ketill hirðstjóri (d. 1342).
Kona hans var frú Una Guttormsdóttir. Hafa
þau búið á Kolbeinsstöðum. Frú Una hefur
tvímælalaust verið kona Ketils, og virðist Wilk-
insmáldagi Kolbeinsstaðakirkju taka þar af
skarið.1 2) Una hefur verið systir Jóns skrá-
veifu. Lík hans var flutt til Kolbeinsstaða eftir
Grundarbardaga, og hefur systir hans ef til
vill enn búið þar þá. En ef frú Una hefur verið
systir Jóns, þá hefur hann ekki með nokkru
móti getað verið sonarsonur Narfa prests á
Kolbeinsstöðum, því að þá hefðu þau Ketill
hirðstjóri og Una verið bræðrabörn. Hjúskapur
með svo skyldum mönnum mátti alls ekki
verða. Faðir Jóns hlýtur því að hafa verið
allt annar. Og þar er víst engum nú þekktum
manni til að dreifa, nema Guttormi Bjarna-
syni lögmanni. Hann er í Konungsannál sagður
hafa tekið lögsögu 1307.3) — Annars er allt
1) Árbækur I. 81.
2) Sbr. ísl. fombr.safn IV. 180, 181 .
3) Isl. Annaler bls. 149.