Saga - 1949, Qupperneq 94

90
fararinnar er getið áður en sagt er frá vígi
Árna Þórðarsonar og bardaganum á Grund.
En upp úr þessu verður þó ekkert lagt, því að
engan veginn verður fullyrt, að annálar geti
allt af hvers atburðar hvert ár í réttri tímaröð.
Það mundi verða of langt mál, ef hér skyldi
rækilega sýna það, að Flateyjarannáll greini
ekki atburði allt af í réttri tímaröð ár hvert,
en nokkur dæmi skal þó nefna. Árið 1394 þyk-
ir höfundi annálsins sýnilega nokkuð atburða-
ríkt.1) Þar er atburðaröðin þessi í nokkrum
sögnum annálsins:
1. Útkoma Wilkins biskups í Hvalfirði og
koma hans til Skálholts Bartholomæusmessu,
sem er 2U. ágúst.
2. Björn Einarsson (Jórsalafari) reið yfir
Glámujökul miðvikudaginn eftir Þorláksmessu,
sem vafalaust er Þorláksmessa á sumri, sem
er 20. júlí. Björn hefur dregið í lið með sér
flesta mestu höfðingja landsins sér til styrkt-
ar í deilu sinni við Þórð bónda Sigmundsson
undir Gnúpi í Dýrafirði.
3. Oddur Sigurðsson veitti Guðmundi Giz-
urarsyni áverka milli jóla og föstu, og andaðist
Guðmundur þar af um vorið eftir páska.
Atburður nr. 3 gerist auðsjáanlega fyrst,
en atburður nr. 1 síðast. Annálshöfundur sýn-
ist greina atburðina eftir því, hver þeirra er
honum efst í hug, eða um hvern hann heyrir
fyrr eða fyrst, nánast reglulaust.
Lögmannsannáll2) sýnist vera með þessu
sama merki brenndur. Má t. d. nefna sagnir
1) Isl. Annaler bls. 424—425.
2) Isl. Annaler bls. 275.