Saga - 1949, Qupperneq 143

139
það, að þær láta kvonarmál þeirra Páls og
Eiríks Halldórssonar gerast áður en Páll stofn-
ar til ráðahags með Solveigu Björnsdóttur, eða
fyrir 1479. Konan heitir Guðný og er kennd
við Akra. Kvonfangsins eru þeir látnir leita
„norður til Möðruvalla eða héðar“. Má gera
ráð fyrir því, að átt sé við Akra í Blönduhlíð
og Möðruvelli í Eyjafirði. Eiríkur á að hafa
beðið konunnar áður en Páll. En svo er að sjá
sem Eiríkur hafi þá hvorki fengið jáyrði né
afsvar, því að Páll hefur síðan upp bónorð
sitt, en fær ekki heldur svar af né á. Síðan
kemur Páll öðru sinni, og skiljast nú leiðir
með annálnum og sira Þórði.
Eftir annálnum fær Pall nú afsvar, reiðist
þá og kveður níðkviðling þenna:
Þekkir þú ekki Val?
Bjó í Mosdal,
sauðunum stal.
Klippinginn hafði hann sér til þvengja.
Öll skyldi Vala-börnin hengja.
Eiríkur fær konunnar, kaupir ölföng til brúð-
kaups og flytur þau norður Sölvamannagötur,
en Páll kom þar og hjó niður ölið fyrir honum.
Eiríkur kaupir síðan öl „fyrir norðan“ og fær
konunnar.
Eftir sira Þórði fær Páll jáyrði konunnar, en
fær vitneskju um bónorð Eiríks og kveður þá
níðið. Páll flytur nú ölföng til brúðkaupsins
norður Sölvamannagötur, en Eiríkur spillir
þeim fyrir honum. Páll kaupir síðan önnur
ölföng nyrðra og fær svo konunnar.
Báðar segja heimildirnar, að höfundurinn
hafi skrifað níðkviðlinginn á kirkjuþilið.