Skólablaðið - 01.10.1946, Page 23
HALLGRÍMUR LÚÐVÍGSSON, 5. D:
Félagslífið
Ég mun' í þessari stuttu grein leitast við
að gefa nokkurt yfirlit yfir helztu fyrirbrigði
félagslífsins í Menntaskólanum í Reykjavík
á síðastliðnum vetri. — Nemendur skólans
voru þennan vetur 360, og hefur slíkur fjöldi
aldrei sótt skólann áður. I slíku margmenni
vill oft svo fara, að félagslífið bíði við það
hnekki, tengslin slitni milli einstakra bekkja,
sem þá draga sig út úr og búa að sínu. Á
þessu hefur auðvitað borið nokkuð, en þó
ekki meira en svo, að segja má, að félagslífið
hafi verið f jölbreytt og staðið í góðum blóma.
Sá þáttur félagslífsins, sem tvímæla-
laust mestur áhugi ríkti á, voru dansskemmt-
anirnar. Fimm miklir dansleikir voru haldnir
á vetrinum, árshátíðir Fjölnis og Framtíðar-
innar, jólagleðin, sem var haldin í vikunni
milli jóla og nýárs, grímudansleikurinn, sem
var haldinn á sprengikvöld, og loks aðaldans-
leikur skólans. Dansæfingar voru haldnar all-
oft og auk þess nokkur kynningarkvöld nem-
enda og kennara.
Málfundafélögin tvö, Fjölnir, félag gagn-
fræðadeildarnemenda, og Framtíðin, félag
lærdómsdeildarnemenda, störfuðu svo sem
undanfarin ár, fundir þetta hálfsmáriaðarlega
eða mánaðarlega, en fleiri fundir munu þó
hafa verið haldnir í Fjölni og þeir betur sótt-
ir og þá betur af piltum en stúlkum. Yfirleitt
er það nokkur ljóður á félagslífinu, hve stúlk-
ur sækja slælega skólasamkomur nema dans-
leikina, og verður ekki komist hjá að kenna
þar að nokkru leyti um því fyrirkomulagi, að
stúlkurnar sitja sér í bekkjum og hafa þannig
fá áhugamál sameiginleg með piltunum.
— Veturinn 1944—’45 var keyptur til
Hallgrímur LúGvigsson.
skólans mikill og vandaður radiogrammofónn.
I tilefni af komu hans var stofnaður í skólanum
Tónlistarklúbbur, sem síðanhefur gengiztfyr-
ir allmörgum tónlistarkvöldum, þar sem leikin
hefur verið sígild tónlist. Aðsókn og áhugi á
þessum kvöldum var mikill. Nokkrum sinn-
um hafa verið fengnir til sérfróðir menn að
útskýra fyrir nemendunum tónverkin. Að
áliðnum síðastliðnum vetri var svo stofnaður
í skólanum jassklúbbur fyrir unnendur þeirr-
ar tónlistar. Hefur hann haldið nokkur
skemmtikvöld við góða aðsókn.
— Mikill áhugi ríkti fyrir tafli, og e ru
margir góðir taflmenn i skólanum. Var háð
taflkeppni milli bekkja, og varð hlutskarp-
astur 5. bekkur. Einn af kennurum skólans,
Magnús Jónsson, háði nokkrum sinnum fjöl-
skákir við nemendur, og varð þar harður at-
gangur, en Magnús oftast hlutskarpari.
— Af öðrum samtökum innan skólans má
nefna Bridgeklúbb, Aðalsmannafélagið svo-
nefnda og íþróttafélag. Meðlimir Aðals-
mannafélagsins, sem voru 17 að tölu og flest-
ir úr 4. bekk, lögðu stund á bókmenntir og
aðrar fagrar listir.
SKÓLABLAÐIÐ
21