SunnudagsMogginn - 24.01.2010, Side 29

24. janúar 2010 29
Þ
að sætir tíðindum þegar fjórir forstjórar Kragasjúkrahúsanna stíga allir
fram og gagnrýna stefnu stjórnvalda í heilbrigðismálum, en Björn Jóhann
Björnsson ræðir við þá í Sunnudagsmogganum í dag.
„Okkur er mikið niðri fyrir en við óttumst kannski helst að menn rasi
um ráð fram og hrapi að einhverri niðurstöðu á grundvelli þessarar skýrslu,“ segir
Guðjón Brjánsson, sem er yfir SHA á Akranesi. „Að ákvarðanir verði teknar á hæpn-
um forsendum. Það viljum við ekki.“
Gagnrýni þeirra lýtur að því að það skorti stefnumótun í heilbrigðismálum til
lengri tíma. Á einu ári hafi til að mynda verið þrír heilbrigðisráðherrar og hver með
sínar áherslur. „Þegar ráðherrar koma og fara, og eru í stuttan tíma, þá verðum við
eins og stefnulaust rekald í stórsjó og komumst aldrei áfram,“ segir Sigríður Snæ-
björnsdóttir, sem er yfir HSS í Reykjanesbæ. „Við erum alltaf að breyta um stefnu en
þetta kerfi er svo þungt að það þolir þetta ekki.“
Auðvitað nær þetta ekki nokkurri átt. Og setja má spurningamerki við þau vinnu-
brögð hjá Vinstri grænum að skipta út heilbrigðisráðherra vegna andstöðu hans við
Icesave, sem er alls óskylt mál, og láta það svo viðgangast að nýr ráðherra flokksins
taki allt annan pól í hæðina í heilbrigðismálum.
Það var líka ábyrgðarhluti að draga til baka allar aðgerðir fyrri ríkisstjórnar til
hagræðingar í heilbrigðiskerfinu, án þess að hafa nokkra tillögu um hvernig hægt
væri að mæta þeim kostnaði með öðrum hætti.
Það má einnig heyra á forstjórunum að umræða um sérhæfingu spítalanna strandi
alltaf. „Hún byrjar á að snúast um verkaskiptingu á milli stofnana en endar alltaf á
því að öll vötn renna nú til Reykjavíkur, ekki Dýrafjarðar,“ segir Guðjón. „Landspít-
alinn er hátæknisjúkrahús og á að vera móðurspítali á ákveðnum sviðum, ekki endi-
lega öllum.“
En þetta er hættan þegar skortir langtímasýn, lagt er upp með flatan niðurskurð
og ráðherrann vill ekki taka af skarið. Þá er endalaust verið að bjarga hlutunum fyrir
horn, í stað þess að byggja upp til framtíðar. Skemmst er að minnast gagnrýni Huldu
Gunnlaugsdóttur, forstjóra Landspítalans, um að sá flati niðurskurður sem stefnt
væri að á Landspítalanum væri hættulegur. „Það þarf að búa til aðgerðaáætlun til
þriggja ára um það hvernig mæta má þeim fjárhagslega niðurskurði sem ráðast þarf í
vegna kreppunnar.“
Ef til vill gæti ráðherra lært sitthvað af Roverunum sem Ari Kristinn Jónsson, nýr
rektor Háskólans í Reykjavík, tók þátt í þróa fyrir leiðangur NASA til Mars, en hann
vann að þróun gervigreindartækni sem snerist um að gera tölvum og tækjum kleift
að taka eigin ákvarðanir í flóknu umhverfi. „Þar er nefnilega mikið lagt upp úr því,
að vera með skýra mynd af upplýsingum sem liggja til grundvallar og skoða mjög vel
hverjar eru mögulegar afleiðingar ákvarðana.“
Hvað sem því líður, þá geta stjórnvöld ekki skotið sér hjá því, að marka sér stefnu
til framtíðar, bæði í heilbrigðismálum og menntamálum, þar sem mið er tekið af
breyttum aðstæðum. Í því sem öðru þýðir ekkert fyrir stjórnvöld að vísa ábyrgðinni
annað.
Stefnulaust rekald í stórsjó
„Við erum ekki þannig flokkur að við
ætlumst til þess að þetta séu ein-
hverjar hallelújasamkomur.“
Steingrímur J. Sigfússon segist geta tekið gagn-
rýni á sig og forystu VG á flokksráðsfundum.
„Mamma sýndi mér þetta bara á
netinu áðan og ég veit því ekkert
meira.“
Aron Gunnarsson en enska blaðið Daily Star gaf í
skyn að enska úrvalsdeildarliðið Burnley
væri að undirbúa tilboð í hann.
„Það fylgja því blendnar
tilfinningar að fara héð-
an.“
Gísli Ólafsson björgunarsveit-
armaður hélt heim frá Haítí í lok
vikunnar ásamt félögum sínum í
íslensku rústabjörgunarsveitinni.
„Mér líður alveg eins
og að hafa tapað
leiknum með tíu
marka mun.“
Snorri Steinn Guðjónsson
eftir jafnteflið gegn Serbum
á EM.
„Viðbrögð mín við því að missa
Þórhall út úr húsinu eru skýr. Mér
finnst það algjörlega ömurlegt.“
Sigmar Guðmundsson sér eftir Þórhalli Gunn-
arssyni úr ritstjórastóli Kastljóssins.
„Mér líður vitaskuld ekki
vel núna. Ég er pirraður, sár
og svekktur.“
Ólafur Stefánsson eftir jafnteflið gegn
Austurríkismönnum á EM.
„Upphaflega átti ég að
vera í húðlitum nær-
buxum en Brynja
Benediktsdóttir fór
eitthvað að atast í
mér og sagði að í
uppfærslu hennar á
Hárinu yrðu allir
berir, þannig að
ég bara vippaði
mér úr þeim.“
Rósa Björg Helga-
dóttir sem kom nakin
fram í uppfærslu á
Faust árið 1970.
Ummæli vikunnar
það svo að hinar ótrúlegu óbilgjörnu kröfur sem
Bretar og Hollendingar gera eru gerðar í skjóli þess
að þeir trúa ályktun Alþingis um að Ísland vilji í
ESB. Þess vegna sé hægt að nota þann ímyndaða
vilja til að berja á Íslendingum. Raunverulegur
þingvilji stendur ekki að baki þessari umsókn. Það
sannaði að minnsta kosti hinn sérkennilegi flokks-
ráðsfundur Vinstri grænna. Um leið og Evr-
ópuþjóðunum verður þetta ljóst, rennur upp fyrir
þeim, að þær hafa ekkert heljartak á íslensku
þjóðinni.
Samfylkingin hefur ekki fjallað neitt efnislega
um Icesave-málið svo furðulegt sem það er. Jó-
hanna Sigurðardóttir veit bersýnilega ekki nægj-
anlega vel um hvað málið snýst, enda er bréfum
hennar um það efni til kollega sjaldan svarað með
nokkrum efnislegum hætti. Þingflokkur Samfylk-
ingarinnar virðist hafa tekið þá trú, að það megi
semja um tóma vitleysu í Icesave, því það komi
aldrei að skuldadögunum! Þegar Ísland verði
gengið í ESB verði þeir sem fyrir þeim klúbbi ráða
svo himinglaðir að fá gáfuðustu þjóð alheimsins
um borð að þeir muni þegar gefa eftir allar þær
Icesave-skuldir sem út af standa. Þessar ótrúlegu
skýringar hefur bréfritari fengið frá furðumörgum
úr þessum ranni. Og svo er horft framan í mann og
heiðríkjan skín úr hverjum andlitsdrætti. Slík
uppljómun hefur oft sést við önnur og háleitari
tækifæri en stjórnmálalega tilbeiðslu. Þetta er eina
skýringin sem fengist hefur á því að Samfylking-
unni er sama þótt 65 prósent þjóðarinnar hafi
skömm á því sem hún er að gera. Þetta er einnig
skýringin á því undarlega háttarlagi að ræða rík-
isábyrgðarmálið aldrei efnislega þannig að hönd á
festi. Auðvitað eiga Sjálfstæðisflokkur og Fram-
sóknarflokkur þegar sjálfstraust þeirra fer vaxandi
á ný að taka fast undir með þeim sem fara að þessu
leyti fyrir ríkjandi sjónarmiðum hjá Vinstri græn-
um. Þá fyrst kemst eitthvert vit í stjórnmálalega
umræðu á Íslandi.
skerpast
Morgunblaðið/Skapti Hallgrímsson
Útgáfufélag: Árvakur hf., Reykjavík.
Stofnað 1913
Útgefandi: Óskar Magnússon
Ritstjórar: Davíð Oddsson Haraldur Johannessen
Aðstoðarritstjóri: Karl Blöndal