SunnudagsMogginn - 10.10.2010, Qupperneq 10
10 10. október 2010
V
ikan hefur reynst stjórnvöldum erfið. Fyrst fengu þau í
hausinn átta þúsund manna mótmæli á Austurvelli á
mánudagskvöld, þegar forsætisráðherra flutti stefnu-
ræðu sína. Það var eins og mótmælin kæmu ríkis-
stjórninni og þá sérstaklega Jóhönnu Sigurðardóttur forsætisráð-
herra í opna skjöldu. Það sýnir mikið sambandsleysi við þjóðina í
landinu.
Það getur varla verið að gífurlega hörð viðbrögð og mótmæli
hvaðanæva af landsbyggðinni, vegna þeirra niðurskurðaráforma
sem fram koma í fjárlagafrumvarpi fjármálaráðherra fyrir árið
2011, hafi komið stjórnvöldum á óvart. Þúsundir landsmanna
mótmæltu á Húsavík, Ísafirði og í Reykjanesbæ á fimmtudag.
Raunar hlýtur það að teljast
furðulegt, að ríkisstjórnin,
sem gjarnan kennir sig við
norræna velferð, skuli ganga
fram með þessum hætti.
Ríkisstjórnin sjálf er í
rauninni að gefa út yfirlýs-
ingu í þá veru að tvær þjóðir
byggi þetta land, Ísland;
þjóðin á landsbyggðinni og
þjóðin á höfuðborgarsvæð-
inu.
Ekki dettur mér í hug að
gera lítið úr þeim erfiðleikum
sem blasa við stjórnvöldum
við að skera niður opinber
útgjöld um 27,7 milljarða
króna í fjárlögum fyrir árið
2011. Vitanlega er þar um
gríðarlega stórt og erfitt
verkefni að ræða, en for-
gangsröðunin hjá „norrænu
velferðarstjórninni á Ís-
landi“, ríkisstjórn Jóhönnu
Sigurðardóttur og Steingríms
J. Sigfússonar, hlýtur að vekja margar spurningar og kveikja hug-
arelda um land allt, eins og er raunar strax komið á daginn.
Ég er þá fyrst og fremst að vísa til þess gífurlega niðurskurðar
sem ríkisstjórnin ætlar að ráðast í á framlögum til heilbrigðis-
stofnana um land allt, sem mun hafa í för með sér stóraukið óör-
yggi Íslendinga víða úti á landi og mikla mismunun gagnvart
landsmönnum, eftir búsetu.
Steingrímur J. Sigfússon lenti í fyrra í miklum ógöngum í eigin
flokki, ekki síst í sínu eigin kjördæmi, Norðausturkjördæmi, eftir
að hann lúffaði fyrir Samfylkingunni í Evrópusambandsmálum.
Fjölmargir flokksfélagar hans sögðu honum þá til syndanna með
eftirminnilegum hætti.
Nú ætlar fjármálaráðherrann að láta það yfir eigið kjördæmi
ganga, að opinber fjárframlög til Heilbrigðisstofnunar Þingeyinga
verði skorin niður um rétt tæp 40% á næsta ári eða úr 926 millj-
ónum króna í 557 milljónir króna, sem þýðir á mannamáli, eins og
forstjóri stofnunarinnar, Jón Helgi Björnsson, orðaði það, að
sjúkrahúsrekstur verður lagður niður og eftir stendur heilsugæsla.
Ekki eru miklar líkur á því að fjármálaráðherranum verði tekið
opnum örmum í kjördæminu, ef hann á annað borð fer þangað í
heimsókn. Heilbrigðisstofnunin Sauðárkróki fær skerðingu upp á
tæp 30%, Heilbrigðisstofnun Vestmannaeyja upp á tæp 24%,
Heilbrigðisstofnun Suðurnesja 23% og Heilbrigðisstofnun Vest-
fjarða upp á rúm 18%.
Með þessari gífurlegu skerðingu til heilbrigðisstofnana víða úti á
landi er í raun verið að taka um það pólitíska ákvörðun að íbúar
þeirra svæða, sem sæta mestri skerðingu, muni búa við stórskerta
heilbrigðisþjónustu. Sjúkrahúsrekstur verður meira og minna af-
lagður og þeir sem verða bráðveikir, jafnvel lífshættulega veikir,
verða upp á sjúkraflug komnir. Alla bráðveika og lífshættulega
veika skal í hendingskasti flytja til Reykjavíkur eða Akureyrar.
Vissulega er ég Reykvíkingur í húð og hár, en það breytir engu
um það að mér finnst það vera fyrir neðan allar hellur hvernig rík-
isstjórnin ætlar að haga sér gagnvart fólkinu í landinu. Í meðförum
þingsins hlýtur að verða breyting á þessari kolvitlausu forgangs-
röðun ríkisstjórnarinnar, ekki satt? Það getur varla verið að rík-
isstjórnin ætli að kynda undir fjöldaflótta af landsbyggðinni til
höfuðborgarsvæðisins, eða það sem enn verra væri, flótta úr landi.
Eitt land –
tvær þjóðir
Agnes segir
Agnes Bragadóttir
agnes@mbl.is
Steingrímur J.
Sigfússon
Jóhanna
Sigurðardóttir
’
Ríkisstjórnin
sjálf er í raun-
inni að gefa út
yfirlýsingu í þá veru
að tvær þjóðir byggi
þetta land, Ísland;
þjóðin á landsbyggð-
inni og þjóðin á höf-
uðborgarsvæðinu.
06.40 Ég skoða skilaboð og
tölvupóst á meðan vatnið
rennur í baðið. Síðan er komið
að verkefninu sem hófst í síð-
ustu viku og mun standa í allan
vetur, að fara í gegnum vín-
ylhljómplötur heimilisins,
hlusta á eina á hverjum
morgni. Leyfa sonunum, 16 og
18 ára að kynnast plötusafninu.
Langspil Jóhanns G. Jóhanns-
sonar, dásamlegt í morguns-
árið.
08.25 Haldið af stað í vinnu
og skóla. Við erum fimm saman
í bílnum eins og iðulega á
morgnana; við hjónin, synir
okkar menntskælingarnir Óm-
ar Egill og Pétur Holger, og
Erla Guðrún, kærasta Ómars.
Krakkarnir fara í MH.
9.00 Mætt í Háskólabíó.
Framundan er fyrsta æfing á
Porgy & Bess, það er mörgu að
sinna á fyrsta æfingadegi
hverra tónleika. Monika, sam-
starfskona mín, kemur hlaup-
andi, biður mig að finna til
raddskrár fyrir hljómsveit-
arstjórann alveg eins og skot.
Venjulega koma þeir með
raddskrár sjálfir, en svo er
ekki í þessu tilfelli. Leit að
týndum nótum og alls kyns
ljósritun er daglegt brauð,
þessi morgunn er engin und-
antekning.
10.30 Ég er beðin um að
útbúa æfingaparta fyrir sellóin
af verkunum þremur sem á að
spila á tónleikum 28. október.
Þá þarf að ljósrita upp úr nót-
unum sem notaðar eru á tón-
leikunum svo allir geti æft sig
heima. Svo vantar tvo bassap-
arta, fyrir sömu tónleika.
11.55 Tekið til við að
ganga frá nótum sem notaðar
voru við upptökur í síðustu
viku. Að þessu sinni var verið
að hljóðrita fjórða disk hljóm-
sveitarinnar með verkum eftir
Vincent d’Indy. Verkin eru
þrjú. Eitt er nýkeypt inn í
safnið, það þarf að skrá inn í
kerfið og ganga frá í nótna-
hirslukassa. Hin tvö eru leig-
unótur sem verða endursendar
á tvo staði út í heimi.
14.30 Páll Óskar og Sinfón-
íuhljómsveitin halda saman
ferna tónleika í byrjun nóv-
ember. Útsetjarar eru að skila
mér nótunum þessa dagana,
yfirleitt á stafrænu formi í
tölvupósti. Mikil vinna liggur í
því að koma nótunum í það
horf sem þarf til þess að hægt
sé að spila eftir þeim. Ljósrita,
brjóta saman, líma, hefta, skrá
og merkja. Láta síðan sjá um
að sett séu bogastrok í alla
strengjaparta.
16.00 Í lok vinnudags fer
ég á kynningu fyrir félagsmenn
BHM hjá Veðurstofu Íslands.
Þar erum við upplýst um starf-
semi Veðurstofunnar, sem
snýst um ýmislegt fleira en að
spá fyrir um veður, skemmti-
leg og fróðleg heimsókn.
17.30 Sæki Ragnar, mann-
inn minn, í vinnu og við förum
út í búð að kaupa í matinn,
það er sagan endalausa.
18.30 Grjónagrauturinn
kominn í pott, kanilsykurinn
hristur saman, eldhúsið ilmar
allt af kanil. Smávegis vatn,
mjólk og hrísgrjón soðið saman
í klukkutíma þannig að graut-
urinn verði hnausþykkur og
rjómakenndur.
19.50 Bein útsending frá
Alþingi, þar sem forsætisráð-
herra flytur stefnuræðu. Aust-
urvöllur er stappfullur af mót-
mælendum. Ég fylgist með
útsendingunni eitthvað fram
eftir kvöldi, man síðast eftir
mér nokkrum mínútum fyrir
kl. 22, ég er að bíða eftir seinni
fréttum. En ég sá aldrei frétta-
tímann, var s.s. sofnuð áður.
Dagur í lífi Kristbjargar Clausen, nótna- og skjalavarðar
Sinfóníuhljómsveitar Íslands
Morgunblaðið/Golli
Á léttum nótum
LÆGSTALÁGA
VERÐIÐ
2.549,-
Höggborvél