SunnudagsMogginn - 10.10.2010, Blaðsíða 40

40 10. október 2010
S
íðastliðinn sunnudag var efnt
til viðburðar í Norræna húsinu
í tengslum við sýningu á
tveimur þáttum úr þáttaröð-
inni Leitin að hinu norræna bragði.
Þættirnir voru á dagskrá RIFF, Alþjóð-
legrar kvikmyndahátíðar í Reykjavík og
bar viðburðurinn yfirskriftina Eldað í
anda myndar og samanstóð dagskráin
af sýningu þáttanna tveggja, stutts fyr-
irlestrar frá verkefnastjóra norrænnar
matarmenningar í Norræna húsinu,
Mads Holm, og kvöldverði á veit-
ingastaðnum Dilli þar sem boðið var
upp á tveggja rétta nýnorrænan mat-
seðil.
Þáttaröðin Leitin að hinu norræna
bragði er skandinavískt samstarfsverk-
efni en í þeim er fjallað um norrænt
hráefni, einkenni þess og sérstöðu og
nýnorræna matargerð sem hefur verið í
mikilli sókn undanfarin misseri. Í þátt-
unum tveimur sem sýndir voru á RIFF
var annars vegar fjallað um sjávaraf-
urðir og hins vegar villibráð og villtar
jurtir. Í þáttunum er ennfremur nokk-
uð fjallað um nauðsyn náttúruverndar
enda er hið nýnorræna eldhús háð
hreinni náttúru og sjálfbærni.
Leitum ekki langt yfir skammt
Nýnorræn matargerð byggist á þeirri
hugmynd að allt hráefni sé sótt eins
stutt og mögulegt er og að það sé líf-
rænt og ferskt. Markmið samstarfsáætl-
unar Norrænu ráðherranefndarinnar,
Nýr norrænn matur, er að skoða þessa
matarmenningu og hvernig megi vinna
með hana í sambandi við t.d. byggða-
stefnu og ferðaþjónustu. „Starfsáætl-
unin var í upphafi tveggja ára verkefni
sem hófst árið 2007. Þá sneri verkefnið
aðallega að sjávarútvegi og landbúnaði
en síðan var áætlunin framlengd um
fimm ár og í framhaldi af því fengum
við í Norræna húsinu það verkefni að
skoða það hvernig matarmenning teng-
ist annarri menningu. Og þessi við-
burður sem skipulagður var í samvinnu
við RIFF var þáttur í því, að skoða
tengsl matar og kvikmynda,“ segir
Mads Holm, áðurnefndur verkefnastjóri
norrænnar matarmenningar.
Hann segir náttúruvernd og sjálf-
bærni vissulega vera hluta af verkefn-
inu en ekki síður þá stefnu sem hefur
verið kölluð „local food movement.“
„Hugmyndin er sú að við séum stolt af
þeim mat og þeirri afurð sem við rækt-
um í umhverfi okkar. Og að við lærum
að meta matarmenningu okkar. Ef þú
ætlaðir að bjóða upp á fínan mat fyrir
10 árum hefðir þú borið ítalskan eða
franskan mat á borð. En þessi viðhorf
eru að breytast og ég held að Íslend-
ingar hafi frábært tækifæri til að nýta
sér það nú þegar efnahagsástandið er
eins og það er og innflutningur er dýr.
Þannig haldast í hendur efnahagslegar
aðstæður, umhverfisverndarsjónarmið
og þessi menningarlegi þáttur; að vera
stoltur af því sem þú átt.“
Gömlum hefðum snúið á hvolf
Ólafur Örn Ólafsson rekur veitinga-
staðinn Dill í Norræna húsinu ásamt
matreiðsluteyminu Gunnari Karli Gísla-
syni og Ómari Stefánssyni. Veitinga-
staðurinn var opnaður í febrúar 2009
og hefur verið leiðandi í hinni nýnor-
rænu matargerð sem nýtur sívaxandi
vinsælda. Allt hráefni er sótt til Norð-
urlandana og Ólafur segir raunar lang-
stærstan hluta þess vera íslenskan þótt
það hafi ekki endilega verið stefnan í
upphafi.
Fyrir utan Norræna húsið er garður þar sem ræktaðar eru fjórar gerðir af kartöflum, allar
kryddjurtir sem notaðar eru á Dill og í gróðurhúsi eru ræktaðar baunir og eplatré.
Nýnorræn
matargerð
í sviðsljósinu
Á dögunum tóku RIFF, Norræna húsið og
veitingastaðurinn Dill höndum saman og buðu til
nýnorrænnar veislu þar sem ýmislegt forvitni-
legt var að sjá, heyra og smakka.
Hólmfríður Gísladóttir holmfridur@mbl.is
Dill er gourmet veitingastaður sem tekur um 30 manns í sæti.
Mads Holm, verkefnastjóri norrænnar
matarmenningar.
Ólafur Örn Ólafsson er annar eigenda
veitingastaðarins Dill í Norræna húsinu.
Matur
Aðalrétturinn var steiktar gæsabringur en í forrétt var boðið upp á kartöflumús og steikt
smælki, sultaðan perlulauk og olíu með trufflum ásamt brenndum blaðlauk.
Morgunblaðið/Árni Sæberg