SunnudagsMogginn - 17.10.2010, Qupperneq 49

17. október 2010 49
arnir verið teknir upp í þá nýju og settir í
endurvinnsluna.
Mayito segist vonast til þess að eitt-
hvert safn eða listunnandi kaupi sýn-
inguna í heild sinni. Hann segir að það
væri synd að selja skápana sem einstök
listaverk, þeir eigi heima sem ein heild í
sýningu sem sé stolt verk sem segi margt
um kúbanska arfleifð. Ísskáparnir á sýn-
ingunni taka á sig ýmsar myndir og um-
breytast í hin ótrúlegustu farartæki sem
og áróðursvélar, óræðar eggjavélar, lík-
kistur, glymskratta og abstrakt skrímsli
og fræg kennileiti frá Havana. „Ískáp-
urinn er mikilvægt tæki í heitu landi og
oft snýst fjölskyldulífið meira og minna í
kringum ísskápinn og innihald hans. Á
hverjum degi sótti fólk sér svalandi
drykki og næringu úr þessum skápum og
við viljum heiðra þessa vinnujálka með
því að segja eitthvað um Kúbu á listrænan
hátt með þá sem okkar miðil,“ sagði
Choco og brosti út í bæði. En hvað finnst
listamönnunum um að ganga til sam-
starfs við kostunaraðila og stórfyrirtæki á
borð við rommframleiðandann? „Við
settum þessa sýningu saman óháð öllum
kostunaraðilum og síðan gerir romm-
verksmiðjan okkur kleift að sýna verkin
úti um allan heim. Sýningin vekur at-
hygli og allir njóta góðs af. Ég finn enga
togstreitu innra með mér sökum þessa
samstarfs. Það er gott fyrir alla sem hlut
eiga að máli,“ sagði Choco og brosti enn
breiðar en áður sem stingur ögn í stúf við
hinn alvarlega svip sem hann setur upp
fyrir myndatökuna.
„Verkin voru öll unnin í stórum sal
sem við höfðum afnot af og komu lista-
mennirnir saman og hjálpuðust að við
hugmyndavinnuna og útfærslu á hug-
myndunum og einnig komu okkur til að-
stoðar færir vélsmiðir og tæknimenn,“
sagði Mayito. „Það myndaðist skemmti-
leg stemning, við hittumst á föstudögum
og létum sköpunargleðina taka öll völd.
Sumir skápanna eru samstarfsverkefni
tveggja eða fleiri listamanna,“ sagði hann
að lokum.
’
Á hverjum degi sótti
fólk sér svalandi
drykki og næringu úr
þessum skápum og við vilj-
um heiðra þessa vinnujálka
með því að segja eitthvað
um Kúbu á listrænan hátt
með þá sem okkar miðil.
„Við hittumst á föstudögum og létum sköpunargleðina taka öll völd,“ segir Kúbanski listamaðurinn Eduardo Roca um ísskápaskúlptúrana.
Óvenjuleg ísskápaverkin frá Havana vekja athygli í Barcelona.
Morgunblaðið/Dagur Gunnarsson
Sjö heimsálfur
jafn mörg heimshöf
undir gljáandi álvængjum
sjóndeildarhringurinn boginn
öll veröldin undir
ár eftir ár
aldrei hlé nema til að hvílast
helst fyrir nýjan áfanga
annan vinnudag
fleiri flugstundir
en samt verður þessi borg
þetta sundurleita sambýli manna og náttúru
þessi óhreini ávöxtur
þessi tilraun
æ oftar á vegi þínum
Hringferð
Ari Trausti Guðmundsson
Ljóðið er úr nýrri bók höfundar, Blindhæðir. Uppheimar gefa út.
Að burðast
með svo mikla reiði
kallar aðeins
yfir þig óhamingju
fjötrar sálina
Þú bindur sjálfur
fyrir augu þín
gengur fram fyrir
aftökusveitina
Á síðustu stundu
hringir síminn
beiðni um náðun
samþykkt
En þú ert vitanlega
annars hugar
skynjun þín öll utan
þjónustusvæðis
Að burðast
Bjarni Gunnarsson
Ljóð er úr nýrri bók höfundar, Moldarauki. Uppheimar gefa út.