SunnudagsMogginn - 17.10.2010, Blaðsíða 40

40 17. október 2010
Í
slendingar hafa tekið mér opnum
örmum og nú er komið að mér að
launa þeim fyrir viðtökurnar,“
segir matreiðslumeistarinn Dee-
pak Panday sem mun á næstunni
gangast fyrir námskeiðum í nepalskri
matargerðarlist á veitingastað sínum
Kitchen-Eldhúsi á Laugavegi 60A. Fólk
kemur sjálft með kjötið sem það vill
elda en kryddið, sem er snar þáttur í
nepalskri matargerð, og kennslan eru
þátttakendum að kostnaðarlausu. Full-
bókað er á fyrsta námskeiðið en
áhugasömum er bent á, að hafa sam-
band við Kitchen-Eldhús (kitchen-
eldhus.is) og skrá sig. Panday kveðst
geta tekið fimm til sex manns í einu og
tíminn er samkomulagsatriði.
Tíu manns verða á fyrsta námskeið-
inu og verður hópnum skipt í tvennt.
Eingöngu konur hafa skráð sig til þessa
en Panday áréttar að karlar séu vita-
skuld velkomnir. „Þeir hljóta líka að
hafa eitthvað til málanna að leggja í
eldhúsinu,“ segir hann hlæjandi.
Panday kveðst reiðubúinn að kenna
fólki allt sem hann kann og ekki er af
litlu að taka – hann starfaði í ald-
arfjórðung á virtum veitingastöðum og
hótelum í Lundúnum. Lærlingarnir fá
meðal annars leiðsögn í notkun hinna
fjölbreyttustu tegunda krydds sem
kemur sér vel í skammdeginu enda
segir Panday fátt duga betur við flensu.
Hjá Kitchen-Eldhúsi er hollustan
raunar í algjöru fyrirrúmi.
Sanngjarnt verð
Panday hefur starfrækt Kitchen-
Eldhús í hálft annað ár og segir við-
tökur hafa verið vonum framar. „Stað-
urinn hefur verið vinsæll hjá útlend-
ingum en eigi að síður er meirihluti
gesta íslenskur. Íslendingar eru greini-
lega upp til hópa tilbúnir að prófa eitt-
hvað nýtt,“ segir Panday en Kitchen-
Eldhús er fyrsti nepalski veitingastað-
urinn á Íslandi, að því er næst verður
komist. Þar er einnig boðið upp á ind-
verska rétti.
Panday leggur mikið upp úr sann-
girni í verðlagningu og segir gesti al-
mennt ánægða með verðið. Það sé hart
í ári og nauðsynlegt fyrir fólk að kom-
ast út að borða annað veifið án þess að
budduna logsvíði.
Tíma tekur að byggja upp nýtt veit-
ingahús og Panday segir Kitchen-
Eldhús smám saman vera að festa sig í
sessi. Hann er nú farinn að sjá sama
fólkið aftur og aftur, sumir koma
meira að segja einu sinni til tvisvar í
viku, og það veit á gott. „Við leggjum
spurningalista fyrir gesti og þegar hafa
á bilinu fjögur og fimm þúsund manns
svarað honum. Ég leyfi mér að segja að
90 til 95% séu mjög ánægð með mat-
inn og þjónustuna. Það yljar mér um
hjartarætur enda mun ég aldrei tefla
gæðunum í tvísýnu. Matargerð snýst
ekki um magn, heldur gæði. Þegar
gestirnir eru ánægðir er ég ánægður.“
Persónuleg þjónusta
Þjónustan á Kitchen-Eldhúsi er mjög
persónuleg og Panday leggur mikið
upp úr því að blanda geði við gesti
sína. „Alltaf þegar ég hef tíma kem ég
fram í salinn og spjalla við fólk. Spyr
hvernig því líki maturinn og hvort
eitthvað megi betur fara. Ég þrífst á
viðbrögðum gestanna. Markmiðið er að
láta fólki líða vel, helst eins og það sé
heima hjá sér.“
Hann kann margar skemmtilegar
sögur af viðbrögðum fólks. Um daginn
hélt til að mynda ánægður við-
skiptavinur upp á þrítugsafmælið sitt á
staðnum. „Hann varð svo ánægður
þegar hann kom hingað fyrst að hann
óskaði eftir að halda þrítugsafmælið
sitt hérna. Það var auðsótt. Hann kom
svo með fjölda fólks um daginn og það
var glatt á hjalla.“
Fólk sem ekki er vant austurlenskri
matargerð þarf ekki að örvænta, rétt-
irnir á matseðlinum eru miskryddaðir
og auðsótt að fá leiðbeiningar hjá
þjónunum. „Sumir virka dálítið ráð-
villtir þegar þeir fletta matseðlinum,“
segir yfirþjónninn, Ashesh Baisyet, „en
þá skerst maður bara í leikinn og leið-
beinir þeim. Fólk er misjafnlega hvat-
víst og sumum þykir gott að fá hjálp.
Aðrir spyrja mann spjörunum úr. Það
er lykilatriði að fólk viti hvað það er að
panta.“
Deepak Panday í essinu sínu í eldhúsinu. Hann er ánægður með viðtökurnar hér á landi.
Krydd í
tilveruna
Nepalski matreiðslumeistarinn Deepak Panday,
sem rekur Kitchen-Eldhús á Laugavegi, hefur
tekið ástfóstri við Ísland. Nú hyggst hann miðla
af þekkingu sinni fólki að kostnaðarlausu.
Orri Páll Ormarsson orri@mbl.is
Kjúklingaréttur þar sem blandað er saman Kabab Gurkhali og Kesari Pilau.
Kjöt á teini í Kitchen-Eldhúsi.
Matur
Fyrir tvo, eldunartími 20-30 mínútur
400 g beinlaus kjúklingur
150 g jógúrt
1½ msk. sítrónusafi
2 msk. maíssterkja
8 msk. olía
Krydd
½ engiferrót
5 hvítlauksblöð
Svartur pipar
Rauður pipar
1 msk. kúmenfræ
1 msk. kóríanderfræ
3 stk. negull
½ þumlungur kanill
Merjið kryddið saman og blandið við
jógúrtina og sítrónusafann, maíssterkj-
una og olíuna. Smyrjið blöndunni á kjúk-
linginn og látið marinerast í klukku-
stund í ísskápnum.
Hitið olíu á pönnu og setjið kjúkling-
inn sneið fyrir sneið út á. Steikið og
snúið á mínútufresti. Lækkið hitann
undir pönnunni þegar allur kjúklingurinn
er kominn út á.
Margsnúið kjúklingnum og bætið
restinni af kryddinu út á. Eldið þangað
til olían skilur sig og kjötið er orðið vel-
steikt að utan en dúnmjúkt að innan.
Saltið eftir smekk og berið fram heitt
með basmati-hrísgrjónum.
Nepalskur Piro-kjúklingur