SunnudagsMogginn - 26.06.2011, Blaðsíða 13

26. júní 2011 13
M
atthildur Torfadóttir er 64
ára og hefur lungann úr
sinni ævi glímt við geð-
hvörf. „Til þess að gera
langa sögu stutta, þá greindist ég með
geðhvörf þegar ég var tvítug en gat
nokkurn veginn lifað eðlilegu lífi þó að
það kæmu erfiðir tímar,“ segir hún. „Ég
eignaðist fjögur börn og á nú sjö barna-
börn, algjöra gullmola,“ segir hún og
brosir. „Ég kom fyrst í Klúbbinn Geysi
fyrir fimm árum en skömmu áður hafði
ég veikst og fór eftir það ekki til vinnu
aftur. Ég var að vinna í Foldabæ með eldri
konum sem greinst höfðu með alzheim-
er. Mér fannst mjög erfitt að vera ekki að
vinna en það var bæði aldurinn og eins er
ekkert gott að fá vinnu ef maður er með
geðröskun. Ég kom því hingað nokkrum
sinnum og fannst það mjög gott. En síðan
leið dálítill tími þar til ég fór að koma
reglulega aftur. Fyrir þremur árum fór ég
að koma á hverjum degi og það finnst
mér mjög gott. Ég sakna þess að geta ekki
unnið og lít á þetta eins og vinnuna mína.
Ég mæti hingað í Skipholtið á hverjum
degi um níuleytið og er fram yfir há-
degi.“
Matthildur nýtur sín í eldhúsinu. „Þar
er ég best,“ segir hún hlæjandi og við-
urkennir að hún leiðbeini stundum unga
fólkinu. „Hér eru samt allir jafningjar.
Frá því að ég greindist hef ég alltaf fundið
fyrir fordómum og ég er sjálf með for-
dóma gagnvart mínum sjúkdómi, þrátt
fyrir að ég telji mig vera búna að vinna
mig út úr því. Hér er hins vegar enginn
með fordóma og því er maður svo frjáls.
Félagsskapurinn er svo góður og maður
finnur ekki fyrir þessari hræðslu eins og
úti í samfélaginu eins og: ,,Hvað veit hún
um mig?“ eða: „Veit hann að ég hef
veikst?“ Hér þekkja allir til einhverra
geðraskana og hafa flestir upplifað geð-
röskun sjálfir. Geðraskanir eru vitaskuld
hrylllilegir sjúkdómar en þeir eru ekki
smitandi og það er ástæðulaust fyrir fólk
að vera hrætt við þá. Það er alveg hægt að
eiga gott líf þó maður hafi veikst en ég á
reyndar mjög góða að.“
Það hefur margt breyst að sögn Matt-
hildar frá því hún greindist fyrst. „Fólk
með geðraskanir er orðið miklu sýnilegra
en áður. Ungt fólk sem veikist í dag talar
um það, svo þetta er ekki eins mikill
feluleikur, sem er frábært.“ Matthildur
mælir með verunni í Klúbbnum Geysi.
„Ég hvet fólk með geðraskanir til að
koma hingað og kynnast fólkinu. Það
getur tekið tíma að venjast en ég mæli
með þessum stað. Starfsfólkið er indælt
og vinnur með okkur, svo það eru engin
skil og hingað kemur alls konar fólk,
ungt og eldra. Andinn í húsinu er alveg
frábær.“
Klúbburinn eins og undrapilla
Örn Nielsen gekk lengi fram og til baka
fyrir utan Geysishúsið fyrsta daginn áður
en hann loks mannaði sig upp í að ganga
inn fyrir um níu mánuðum. „Það var eins
gott. Klúbburinn Geysir hefur alveg
breytt lífi mínu. Ég hafði lengi átt við
þunglyndi að stríða og var félagsfælinn
en hvort tveggja hefur breyst. Geysir er
eins og undrapilla,“ segir hann og hlær.
„Hér getur maður talað við hvern sem er
og hver sem er talað við mann alvarlega
eða í gamni. Fólk hér hefur reynslu af
geðröskunum og þessi jafningjastuðn-
ingur er mikilvægur.“
Örn missti vinnuna í efnhagshruninu
2008 en hann hafði starfað við málun í
fjöldamörg ár. „Að verða atvinnulaus
hafði mjög slæm áhrif á mig en ég er bú-
inn að vera atvinnulaus núna í þrjú ár. Í
gegnum Geysi fékk ég 25% vinnu í gegn-
um kerfi sem heiti Ráðning til reynslu
eða RTR og það hefur hjálpað mér mikið.
Aðra hverja viku fer ég og vinn fjóra tíma
á dag hjá Kynnisferðum sem reka Um-
ferðarmiðstöðina (BSÍ).“
Hann segir að þótt þetta séu ekki
margir tímar sé þetta gífurlega þýðing-
armikið fyrir sig. „Ég sé um að halda um-
hverfinu snyrtilegu, set bæklinga á bækl-
ingastandinn og svona eitt og annað sem
til fellur. Þetta er hlutverk og ég þarf að
mæta þarna og skila mínu verki, rétt eins
og ég hef gert í vinnu alla mína ævi.“
Örn viðurkennir þegar gengið er á
hann að hann sé ágætlega laghentur og
það hefur oft komið Klúbbnum Geysi vel.
„Ég hef mestmegnis verið í viðhalds-
verkefnum hérna innanhúss og einnig í
eldhúsinu en ég er ekki alveg eins sterkur
á svellinu þar,“ segir hann og hlær. „Ég
hef þó verið duglegur í uppvaskinu,
þurrka af diskum og skúra.“
Örn á tvær uppkomnar dætur og á gott
samband við þær. „Mér finnst að end-
urhæfing líkt og er í Klúbbnum Geysi ætti
að koma meira og fyrr inn í geðlækning-
arnar. Ég á klúbbnum mikið að þakka og
hann hefur hjálpað mér mikið varðandi
þunglyndið. Ég reyndi einu sinni að
drekka mig frá því en það gerir vitaskuld
enginn. Það gerir vandann bara verri. En
Klúbburinn Geysir, ég segi það bara aft-
ur, hann er bara undrapilla.“
Stór skref til
sjálfshálpar
Klúbburinn Geysir
starfar fyrir fólk sem á
við geðræn vandamál
að stríða og vinnur að
því að efla hæfileika og
styrk einstaklingsins. Í
störfum innan Klúbbs-
ins Geysis er alltaf lögð
áhersla á stuðning og
virðingu fyrir félögum
og á jákvæða athygli
þar sem horft er á
styrkleika í stað þess
að einblína á sjúkdóm-
inn. Hér lýsa Matt-
hildur Torfadóttir og
Örn Nielsen reynslu
sinni af starfsemi
klúbbsins.
Texti: Unnur H. Jóhannsdóttir
Myndir: Sigurgeir Sigurðsson
sigurgeir@mbl.is
„Fyrir þremur árum fór ég að koma á hverjum degi og það finnst mér mjög gott,“ segir Matthildur Torfadóttir.
Morgunblaðið/Sigurgeir S.
„Geysir er eins og undrapilla,“ segir Örn Nielsen.
Morgunblaðið/Sigurgeir S.
Í dag, laugardag, verður Geysis-
dagurinn haldinn hátíðlegur frá kl.
11.00 til 16.00. Klúbburinn Geysir
stendur fyrir deginum, en hann starfar
fyrir fólk sem á eða átt hefur við geð-
ræn vandamál að stríða. Geysisdag-
urinn er fjáröflunar-, skemmti- og fjöl-
skyldudagur þar sem fyrirtækjum í
Skipholti, götunni þar sem Geysir er til
húsa, hefur verið boðin þátttaka ásamt
nágrönnum og velunnurum klúbbsins.
Ef veður leyfir er stefnt er að því að há-
tíðin fari fram utandyra og hafa klúbb-
félagar þegar lagst á eitt og beðið um
gott veður. Vonandi gengur það eftir
svo hægt verði að hafa karnivalstemn-
ingu í Skipholtinu. Á meðal dag-
skrárliða sem í boði verða má nefna:
Nytjamarkað, 180 m örþon með frjálsri
aðferð, húsbandið Keli og kiðlingarnir
mun leika nokkur lög, auk þess sem
veitingar verða seldar til styrktar Geysi
og boðið verður upp á óvæntar,
skemmtilegar uppákomur.
Þú getur styrkt starf Klúbbsins
Geysis með því að leggja inn á reikning
hans: 0101-26-010009, kt. 501097-
2259. Margt smátt gerir eitt stórt.
Tónleikar og örþon á Geysisdeginum