SunnudagsMogginn - 26.06.2011, Blaðsíða 35

Fjárhagur Norður-Írlands hefur verið bágborinn undanfarin misseri en nú þykjast menn sjá fram á
bjartari tíma. Sigur Rorys McIlroy á Opna bandaríska muni skipta þjóðina miklu máli fjárhagslega.
Tilkynnt var í vikunni að ferðamönnum til Norður-Írlands hefði fækkað um 300.000 á milli ára. „Öll
umfjöllunin í fjölmiðlum er ómetanleg,“ var haft eftir stjórnmálamanni. Hann benti á að 30 sek-
úndna auglýsing í sjónvarpi lokakvöld golfmótsins kostaði 300.000 dollara, andvirði um 35 millj-
óna króna, en látlaus umfjöllun hefði verið um McIlroy í fjóra daga samfleytt og héldi áfram. Tekjur
Norður-Íra af útlendingum sem koma til að spila golf eru 13-14 milljónir punda árlega, um tveir og
hálfur milljarður króna. Heimamenn eru vissir um að vegna McIlroys muni sú tala hækka og tekj-
urnar aukast. Svo gerast þær raddir sífellt háværari að Opna breska meistaramótið fari fram á
Norður-Írlandi á ný, en þar var það síðast 1951. Er Royal Portrush-völlurinn þó talinn einn sá besti
á Bretlandseyjum. „St. Andrews [í Skotlandi] er tiltölulega lítill staður en almenningur er tilbúinn
að ferðast töluverðar vegalengdir til að fylgjast með mótinu,“ segir Robert Cully hjá norður-írska
ferðamálaráðinu. Skortur á gistingu í grennd við völlinn er meðal þess sem talið er standa í vegi
fyrir því að Opna breska fari þar fram. Landið er sjö sinnum minna en Ísland, og Cully segir: „Á
Norður-Írlandi er fólk aldrei í meira en tveggja klukkustunda fjarlægð frá neinu. Næga gistingu er
að finna í landinu.“
Stórmál fyrir Norður-Írland
’
Ég á enn langt í
land, segir
Rory McIlroy
um samanburð við
Tiger Woods og
bendir á að goðið
hafi sigrað á 13
fleiri risamótum!
Rory McIlroy faðmar föður sinn, Gerry, eftir sigurinn á Opna
bandaríska meistaramótinu um síðustu helgi.
og goðsagnarinnar Jacks Nicklaus, sem
vann 18 risamót á ferlinum, og Tigers Wo-
ods, besta kylfings heims til margra ára,
sem hefur sigrað á 14 risamótum.
Strax í æsku leit McIlory mjög upp til
Woods. Hann var átrúnargoð stráksins.
Það var því skiljanlega stór stund þegar
Woods lét hafa eftir sér 2009 að Norður-
Írinn ætti eftir að verða sá besti í heimi, en
gefa yrði honum tíma. „Ég fékk gæsahúð
þegar Tiger sagði þetta. Það er ekki hægt
að fá meira hrós en að hann taki svona til
orða. En það stígur mér ekki til höfuðs; ég
veit ég þarf að æfa vel áfram og einbeita
mér að því sem ég er að gera,“ sagði Rory
síðar þetta sama ár.
Ferskur andblær
Þekktir kylfingar hrósuðu McIlroy í há-
stert fljótlega eftir að hann varð atvinnu-
maður. „Betri en Tiger á þessum aldri,“
sagði Mark O’Meara, sem einu sinni sigr-
aði á opna breska. „Rory er langbesti ungi
kylfingurinn sem ég hef leikið með,“
sagði Geoff Ogilvy, sigurvegari Opna
bandaríska 2006.
Sumir spekingar taka svo djúpt í árinni
að sigrar Woods á risamótum verði varla
mikið fleiri, bæði vegna þess hve McIlroy
er orðinn góður og af því að Bandaríkja-
maðurinn hefur dalað undanfarin miss-
eri, bæði vegna meiðsla og einnig spilar
örugglega inn í margfalt framhjáhald
hans, skilnaður og allt það fjölmiðlafár
sem því fylgdi. Enginn efast reyndar um
hæfleika Tígursins á golfvellinum og ekki
skyldi afskrifa hann; Tiger er einn fremsti
kylfingur sögunnar. En snillingurinn sá
þykir heldur þurr á manninn, jafnvel
hrokafullur og gefa lítið af sér. Mörgum
sem tengjast golfinu þótti framkoma hans
í einkalífinu kusk á þann hvítflibba sem
íþróttin er jafnan talin, svartur blettur á
þessari fáguðu íþrótt, og Norður-Írinn
ungi, frjálslegur í fasi, brosmildur og
heiðarleikinn uppmálaður, sé nauðsyn-
legur, ferskur andblær, stígi jafnvel niður
sem frelsandi engill, reiðubúinn að auka
hróður golfsins á nýjan leik.
„Ég á langt í land“
Rory tekur þó öllum vangaveltum með
stóískri ró. „Ég á enn langt í land,“ segir
hann um samanburð við Tiger og bendir á
að goðið hafi sigrað á 13 fleiri risamótum!
„Þegar maður sigrar svona ungur á risa-
móti er líklega óhjákvæmilegt að vera
borinn saman við Tiger. En hann er Tiger
Woods. Ég er ánægður að fá að hampa
verðlaunagrip sem nafn hans er letrað á.“
Eftir að írski kylfingurinn Pádraig
Harrington sagði Norður-Írann þann sem
ætti mesta möguleika á að ná meti Jacks
Nicklaus og vinna 18 risamót, setti
McIlroy upp hálfgerðan skelfingarsvip.
„Það er gaman þegar fólk segir talar
svona, en staðreyndin er sú að ég hef bara
unnið eitt risamót!“
Rory McIlroy er, eins og nærri má geta,
dáðasti sonur Holywood. Nafn plássins,
sem er vel að merkja borið fram alveg eins
og Hollywood, er komið úr latínu; Sanc-
tus Boscus sem þýða mætti sem Heilagur
skógur. Það voru Normannar sem fyrst
notuðu nafnið um hið skógi vaxna svæði
umhverfið klaustrið í St. Laiseran á norð-
austurströndinni. Elsta heimildin um
enska nafnið Haliwode er á skjali frá 14.
öld. Heimamenn kalla bæinn Ard Mhic
Nasca á gelísku.
Frægasti íþróttamaður Norður-Íra er
knattspyrnugoðið George Best. Hann
hafði meiri hæfileika en flestir og var einn
besti leikmaður heims á hátindi ferilsins,
en spilaði rassinn úr buxunum. Nú hefur
þessi fámenna þjóð eignast aðra stór-
stjörnu. Rory McIlroy er ákafur stuðn-
ingsmaður Manchester United, sem Best
lék einmitt með á hátindi ferilsins, en
Norður-Írar eru vissir um að aðeins það
og þjóðernið eigi þeir sameiginlegt.
 Byggt á Belfast Telegraph, Guardian og CNN.
Reuters
26. júní 2011 35