SunnudagsMogginn - 26.06.2011, Blaðsíða 27

26. júní 2011 27
eða fjara, nótt eða dagur, léttskýjað eða dumbungur,
vetur eða sumar.“ Rauðisandur er þekktur fyrir sér-
staka og mikla náttúrufegurð. Hann er um 14 kíló-
metra langur og litatónn hans þykir afar fallegur.
Myndir styrkja texta og texti styrkir myndir
Saga svæðisins er sérstök og sveipuð dulúð, en hana
hefur Ari Ívarsson ritað niður í bókina ásamt skemmti-
legum fróðleik og lýsingum. „Ég var svo heppin að
komast í kynni við Ara sem er frá Melanesi á Rauða-
sandi. Hann er þvílíkur hafsjór fróðleiks um svæðið,
bæði sagn- og þjóðfræðilegs eðlis, og hann skrifar
textann í bókinni,“ segir Rut. Í bókinni er að finna áður
óbirtar sögur og vísur sem Ari hefur grafið upp, en þar
á meðal er sagan af ferð Símonar Dalaskálds og vísur
sem hann orti. Þá er í bókinni skemmtileg frásögn af
sex konum sem komu á sexæringi frá Breiðarfjarð-
areyjum að námasvæðinu í Stálfjalli og fylltu bát sinn af
kolum og greiddu m.a. fyrir með afar fágætum sel-
skinnsskóm. Farið er yfir sögu Saurbæjarkirkju og er
hún á köflum æði skrautleg. Þar koma m.a. við sögu
sjóræningjar og nokkur sögufræg stórmenni Íslands.
Frá því Rut kom fyrst á Rauðasand hefur hún verið tíð-
ur gestur og eru myndirnar í bókinni teknar á þessu 20
ára tímabili sem hún hefur sótt svæðið. „Ég er búin að
fara þangað aftur og aftur, arka heiðar og ganga fjörur.
Emil er með flugréttindi og við erum búin að fljúga yfir
svæðið til að ná myndum við ólík birtuskilyrði.“ Rut
stundaði ljósmyndanám á árunum 1978-79 og 1982-86
og stofnaði síðan eigin ljósmyndastofu árið 1988 sem
hún hefur rekið síðan. Ljósmyndastofan ber nafnið
Ljósmyndir Rutar og er staðsett í Skipholti 31 í Reykja-
vík. Hún hefur aðallega fengist við portrettmyndir en
hún hefur einnig sinnt þessu gæluverkefni inn á milli.
Bókina gefur Rut sjálf út, en að vinnslu hennar koma
einnig Gísli B. Björnsson, grafískur hönnuður, og Silja
Rut Thorlacius, ljósmyndari, sem aðstoðaði við mynd-
vinnslu.
robert@mbl.is
um Rauðasand
Í Suðurbólshlíðinni stundaði Hjalti Þorgeirsson heyskap sem eldri maður og sló hann hlíðina á hnjánum.
Margar fallegar myndir er að finna í bókinni eins og t.d. þessa sem tekin er á Sleiphellu.