SunnudagsMogginn - 26.06.2011, Blaðsíða 36

36 26. júní 2011
G
amla samkomuhúsið sem
geymir Matstofuna í Árnesi er
að mestu nýuppgert. Eldhús og
veitingastaður hefur verið
endurnýjað, en samkomusalurinn er í
sama horfi og áður, enda mjög vel farinn.
Húsið skiptist í veitingahús, bænda-
markað, samkomusal og Þjórsárstofu.
Upplýsingamiðstöðin Þjórsárstofa, sem
rekin er af hreppnum, er við innganginn.
Í móttökunni í upplýsingamiðstöðinni
er fögur snót í óða önn við að veita ferða-
manni af erlendum uppruna upplýsingar
um merkileg kennileiti og fagra staði á
svæðinu í kring. Upplýsingafróða Heiðrún
kynnir sig og bendir mér á að ganga í
gegnum veitingastaðinn og inn á bænda-
markaðinn sem er inn af veitingastaðnum.
Þegar þangað er komið er mér heilsað
með fallegu brosi og þéttu handabandi af
Írisi Tosti, öðrum eiganda staðarins. Arnór
Gauti Helgason, sambýlismaður Írisar og
jafnframt meðeigandi, kemur í humátt á
eftir og býður mig velkominn. „Kaffi?“
spyr Íris „Já takk,“ segi ég. Arnór og Íris
kynntust á námsárum sínum á Hótel
Sögu, þar sem Arnór lærði kokkinn og Íris
þjóninn.
Þau skötuhjú reka, meðfram veitinga-
rekstrinum, bændamarkað þar sem seldar
eru ýmsar kræsingar sem koma af bæj-
unum í kring. „Það hefur verið frekar lítið
að gera á veitingastaðnum frá því við opn-
uðum fyrir rétt rúmum 3 vikum, en hins-
vegar hefur verið brjálað að gera á bænda-
markaðnum. Hann stækkar bara með
hverjum deginum. Við leitumst við að
hafa allt hráefni á veitingastaðnum og á
markaðnum héðan úr sveitinni,“ segir
Arnór.
Maður kemst ekki hjá því að fá vatn í
munninn þegar litið er á það sem er á boð-
stólum á markaðnum: Nýbökuð brauð,
grænmeti frá Flúðum, lífrænt ræktaðir
tómatar frá Skaftholti, holdanaut frá Koti,
grafinn lax sem verkaður er á matstofunni
ásamt graflaxasósu, svo fátt eitt sé nefnt.
„Anisgrafinn lax sem ég verka sjálfur er
mjög vinsæll hjá okkur. Það er svona
lakkrískeimur af honum og best er að
borða hann með sýrðum róma blönd-
uðum við sítrónusafa,“ segir Arnór.
Við göngum inn á snoturt veitingahúsið
þar sem aðstaðan er með glæsilegasta
móti. Veitingastaðurinn getur tekið allt að
70 manns og þar er einnig stór og mikill
útipallur sem hentar frábærlega þegar vel
viðrar. Ég rek strax augun í listaverk sem
prýða veggi staðarins, en myndhöggv-
arinn Helgi Gíslason, faðir Árna, ljáði
staðnum nokkur af verkum sínum.
Arnór sá áður um mötuneytið hjá Trygg-
ingastofnun ríkisins, en var sagt upp þegar
kreppan skall á. Þau skötuhjúin ákváðu í
kjölfarið að flytja sig um set og setjast að í
Árnesi þaðan sem Arnór er ættaður.
„Kannski erum við ekki í alfaraleið, en
okkur langar til að búa til rúntinn hérna
uppeftir og fá fólk til að skoða Þjórsárdal-
inn,“ segir Arnór. Dalurinn er eiginlega
bara gleymdur, hann týndist. Ég er ættaður
héðan og ég man að dalurinn iðaði af lífi
þegar ég var hér sem barn. Hér var svaka
uppbygging og mikið að gerast en svo á
ákveðnum tímapunkti sofnaði þetta svæði
og við viljum bara koma dalnum, Árnesi og
sveitinni allri aftur á kortið og rífa hann
upp til fyrri frægðar,“ segir Arnór.
Náttúruperlur Þjórsárdals
Íris tekur í sama streng og bóndi hennar.
„Okkur langar að gera þetta að alfaraleið.
Gullni hringurinn (Þingvellir, Gullfoss
Geysir) hefur fengið mikla markaðs-
setningu og við viljum að fólk kíki hérna
við í leiðinni, því náttúruperlur Þjórsárdals
eru ekki síðri en perlur Gullna hringsins,“
segir Íris. „Þjórsárdalurinn er mikil nátt-
úruperla, fossarnir og Gaukshöfði, það er
svo mikið að sjá hérna og við viljum bara að
fólk viti af þessum fallega stað, sem er svo
stutt frá bænum. Ef fólk vill komast úr ös-
inni og stressinu í bænum, er svo lítið mál
að renna hingað uppeftir og njóta náttúr-
unnar, fá góðan íslenskan mat í góðu and-
rúmslofti. Fólk getur komið og fengið sér
bjór og salat á veröndinni eða komið á
kvöldin og fengið sér steik og rauðvín“.
Þjórsárdalurinn er gífurlega fallegur. Á
þjóðveldisöld iðaði þar allt af lífi og margir
bæir voru í þessum grösuga og fallega dal.
Árið 1104 eyddist byggðin í Heklugosi en
um 40 rústir hafa fundist víðsvegar um
dalinn. Merkasta rústin er af stórbýlinu
Stöng, sem er fyrirmynd að þjóðveldis-
bænum, tilgátuhúsi sem byggt var árið
1974 vegna 1100 ára afmælis Íslands-
byggðar. Falleg náttúra Þjórsárdals er fjöl-
breytt og þar er fjöldi fallegra kennileita,
s.s. Háifoss og Hjálparfoss, Gjáin og fleiri
fallegar náttúruvinjar. Góðar gönguleiðir
eru í dalnum og ýmis ferðaþjónusta. Í Ár-
borg, þar sem matstofan Árborg er stað-
sett, er tjaldsvæði og sundlaug, sem opin er
á sumrin.
Á veitingastaðnum er boðið upp á súpu
og salat í hádeginu og 2-3 rétti á kvöldin.
Veitingahúsið notast aðallega við hráefni
Íris Tosti og Arnór Gauti Helgason eiga og reka Matstofuna í Árnesi. Þau kynntust á Hótel Sögu þar sem
Anisgrafinn lax, bollabrauð og fiskisúpa með villisveppum og laxi.
Anisgrafni laxinn er mikið lostæti sem Arnór verkar sjálfur.
Skemmti-
legt, einfalt,
ferskt og úr
héraði
Hinn 28.maí síðastliðinn var Matstofan í Árnesi
opnuð. Matstofan leggur áherslu á að bjóða upp á
ferskt hráefni sem framleitt er af sveitungum á
bæjunum í kring.
Texti: Róbert B. Róbertsson robert@mbl.is
Myndir:Árni Sæberg saeberg@mbl.is
Samkomuhúsið í Árnesi.