Fréttablaðið - 05.11.2011, Blaðsíða 46
KYNNING − AUGLÝSINGSkrifstofan LAUGARDAGUR 5. NÓVEMBER 20114
FENG SHUI Á SKRIFSTOFUNNI
Vinnandi fólk eyðir drjúgum hluta af vökutíma sínum á skrifstofunni, en
þar er alls ekki sama hvernig fólki og hlutum er komið fyrir.
● Sittu í horninu lengst frá inngangi skrifstofunnar svo þú hafir yfirsýn
yfirvaldsins.
● Snúðu andlitinu aldrei frá útidyrum. Viðskipti koma aðeins inn ef andlit
þitt snýr að þeim.
● Ekki sitja með útsýn yfir á gang eða stiga, geymslur, skápa, lyftur,
rúllustiga eða salerni.
● Snúðu tölvunni í norður eða vestur til að auka sköpunargáfuna. Snúðu
henni í suðaustur viljirðu auka veltu.
● Hafðu fiskabúr í austri, norðri eða suðaustri til að koma hreyfingu á
viðskiptin.
● Gættu jafnvægis jins og jangs þegar þú hannar skrifstof-
una, eins og á milli ljósra og dökkra lita, mjúks og harðs
yfirborðs, og slétts eða grófs efnis í gluggatjöldum,
húsgögnum og gólfefnum.
● Aldrei setja upp spegla á skrifstofunni þar sem þeir
geta endurspeglað neikvæða orku frá viðskiptavinum
yfir til annarra á skrifstofunni. Hafðu ávallt stjórn á orku
og andrúmslofti skrifstofunnar.
● Berðu virðingu fyrir skjölum skrifstofunnar. Þau standa fyrir fortíð,
nútíð og framtíð í viðskiptum fyrirtækisins.
VERTU GÓÐUR VINNUFÉLAGI
● Lagaðu til eftir þig ef þú
veldur óreiðu eða sullar niður.
● Fylltu á fyrir næsta mann ef
þú klárar síðasta kaffimálið,
vatnið í vatnstankinum eða
blöðin í prentaranum.
● Virtu áætlanir og tímamörk.
Ef einhverjum liggur á, leyfðu
honum að hafa forgang
í prentarann eða bjóddu
honum að taka símann.
● Bili eitthvað á þinni vakt, hringdu þá í viðgerðarmann eða lagaðu
eftir getu. Ekki labba í burt frá bilaðri vél og setja vandamálið yfir á
aðra.
● Virtu friðhelgi vinnufélaga þinna. Ekki gramsa í einkaskjölum þeirra
og vanti þig eitthvað að láni af skrifborði vinnufélaga þíns, biddu um
það formlega, ekki taka það ófrjálsri hendi á meðan hann er í burtu.
● Vertu indæll. Allir hafa sína byrði að bera en þú getur gert vinnu-
staðinn betri með því að stilla skap þitt og framkomu. Komdu fram við
aðra eins og þú vilt að þeir komi fram við þig.
Góðir vinnufélagar skapa notalegt andrúms-
loft á skrifstofunni og gæta þess að láta
skapið ekki hlaupa með sig í gönur.
Skemmtilegri skrifstofa
Ýmsum ráðum er hægt að beita til að lífga upp á leiðinlegt vinnuumhverfi. Ekki er
annað að sjá en að netfyrirtæki á borð við Yahoo, Facebook og Google geri það af fullri
„alvöru“ eins og sjá má á meðfylgjandi myndum.
Móttakan í Google minnir á leikjaherbergi.
Fundarherbergin í Google í Sydney eru óvenjuleg í hæsta máta. Hér hefur verið tekin
upp sú snilld að nota baðkar sem fundarborð, en stólarnir minna óneitanlega á annað
þarfaþing á baðherbergjum.Ímyndunaraflinu er gefinn laus taumur í höfuðstöðvum Twitter í San Francisco, samanber þessi skemmtilegi símaklefi.
Stund milli stríða. Starfsmenn Facebook spila billjarð.
Axis er rótgróið íslenskt f jölskyldufyrirtæki sem hefur starfað í 76 ár,“ segir
Hlynur Þór Sveinbjörnsson, sölu-
stjóri skrifstofuhúsgagna Axis.
Fyrirtækið hefur framleitt
húsgögn frá fyrstu tíð, fyrst fyrir
heimilið og síðar fyrir skrifstofur
auk þess sem þar eru smíðaðar
innréttingar af öllum toga.
„Með tímanum hefur safnast
gríðarleg þekking og fagmennska
hjá okkar þrjátíu starfsmönn-
um en öll framleiðsla fer fram í
4.300 fermetra verkstæði okkar á
Smiðjuvegi 9,“ segir Hlynur en auk
þess hefur Axis yfir að ráða tveim-
ur 300 fermetra sýningarsölum.
Axis þjónustar bæði einstak-
linga og fyrirtæki með skrifstofu-
húsgögn. „Við bjóðum heildar-
lausn fyrir skrifstofurými. Erum
með skrifborð, skápa, stóla, skil-
rúmsveggi, eldhúsinnréttingar,
innihurðir og stofnanahurðir,“
telur hann upp.
Axis býður bæði staðlaða fram-
leiðslu fyrirtækisins auk þess
sem það vinnur með arkitekt-
um og hönnuðum að sérsmíðuð-
um línum. „Þá þróum við þeirra
hugmyndir og gerum þær fram-
leiðsluvænar,“ segir Hlynur.
Hann segir töluverða þróun
hafa verið í skrifstofuhúsgögn-
um í gegnum tíðina. „Þau eru í
sífelldri þróun. Nú eru mjög vin-
sæl rafmagnsborð sem hægt er
að stilla þannig að bæði má sitja
við þau eða standa,“ segir Hlyn-
ur og bætir við að einnig sé í boði
breytt úrval af tölvuaukahlutum
á borð við skjástanda og tölvu-
upphengjur sem auðveldi lífið og
geri vinnuumhverfið heilnæm-
ara.
Hlynur segist finna fyrir mik-
illi ánægju meðal viðskiptavina
sinna. „Fólk vill velja íslenskt og
kann að meta að krónurnar fari í
að byggja upp samfélagið.“
Nánari upplýsingar um fram-
boð og þjónustu Axis má finna á
www.axis.is.
Íslensk framleiðsla
Hið rótgróna fjölskyldufyrirtæki Axis að Smiðjuvegi 9 býður upp á heildarlausn fyrir
skrifstofurými. Þar má fá allt frá skápum, borðum og stólum til eldhúsinnréttinga og
innihurða. Öll hönnun og framleiðsla hjá Axis er íslensk.
Hlynur situr við vinnustöð sem valin var í skrifstofurnar í tónlistarhúsinu Hörpu. Hún var hönnuð og þróuð í samráði við arkitekta
hússins. MYND/GVA