Morgunblaðið - 04.03.2011, Blaðsíða 58

58 | MORGUNBLAÐIÐ
Þegar þú þarft á því að halda
að líta sem best út þá velur þú Mystic Tan
af hverju milljónir manna um allan heim velja
Mystic Tan. Það er einföld leið til að umbylta
útlitinu og fá fallegan, jafnan og eðlilegan
húðlit á nokkrum mínútum án sólar.
Veldu milli fjögurra fallegra litatóna
Dalshrauni 11 • Pöntunarsími : 565 6767 • www.airbrush. is
20%
afsláttur fyri
r
fermingarbör
n
Zeus heildverslun - Sia • Austurströnd 4 • Sími 561 0100
www.sia-homefashion.com
V
asatölva og prímus,
sjálftrekkt omega, rit-
safn Einars Kvaran,
upplýst jarðkúla,“ var
sungið um ferming-
argjafir Sturlu á samnefndri
plötu sveitarinnar Spilverks
þjóðanna frá 1977. Þessar góðu
og gegnu gjafir standa enn
fyrir sínu; vasareiknarnir
orðnir að ofurtölvum
og upplýst jarðkúla
þykir retro og flott.
En þó að góð orða-
bók og armbandsúr
standi alltaf fyrir sínu
er líka margt annað sem hægt er að
vefja um fallegum borða.
1. Einstök upplifun
Það má eflaust þakka ört vaxandi
ferðamannaiðnaði að nú eru í boði
fjöldinn allur af alls konar skemmti-
legum ferðum og ævintýrum á Ís-
landi. Ef fermingarbarnið hefur
áhuga á að prófa eitthvað nýtt er um
að gera að gefa því öðruvísi ferm-
ingagjöf.
Meðal þess sem íslensk ferða- og
ævintýrafyrirtæki bjóða upp á er t.d.
river rafting, klettaklifur, hellaferð-
ir, köfun, ísklifur, þyrluferðir, hesta-
ferðir og margt, margt fleira.
2. Námskeið
Það er góð hugmynd að gefa ferm-
ingarbarninu eitthvað sem tengist
áhugamálum þess. Það gæti bæði
verið nytsamlegur hlutur tengdur
áhugamálinu, t.d. golfhanski, veiði-
stöng, nótnabækur eða gönguskór,
eða t.d. sniðugt námskeið. Meðal
þeirra námskeiða sem í boði eru, eru
t.d. ljósmyndanámskeið, tungumála-
námskeið og matreiðslunámskeið.
Mömmur.is hafa staðið fyrir syk-
urmassanámskeiðum í Turninum í
Kópavogi, í Stúdíó Sýrlandi er hægt
að fara á hljóðupptökunámskeið og
talsetninganámskeið, ýmis dans-
námskeið eru haldin í Kramhúsinu,
s.s. afró og zúmba og svona mætti
lengi telja. Fyrir listræna ungmenn-
ið eru ýmis námskeið í boði í Mynd-
listaskólanum í Reykjavík, Dale
Carnegie býður upp á námskeið fyr-
ir ungt fólk og svo eru auðvitað víða í
boði hin ýmsu íþróttanámskeið.
3. Gjafakort eða áskrift
Það er sígild en góð gjöf að gefa
gjafakort eða gjafabréf. Þau geta
verið af ýmsu tagi og um að gera að
stíla inn á áhugasvið ferming-
arbarnsins. Gjafakort í leikhús og
miðar á tónleika geta verið góð hug-
mynd, sem og gjafakort í líkams-
rækt eða einhvers konar íþrótt/
hreyfingu/jóga. Áskriftir koma líka
vel til greina en bæði má kaupa ís-
lensk og ýmis erlend tímarit í
áskrift. Einnig er sniðugt að gefa
áskrift að bókaklúbbum en Forlagið
t.d. rekur nokkra slíka.
4. Handunnið
Blessuð kreppan á víst fáa aðdá-
endur en hún má eiga það að þegar
hún skall á gengu gömul gæði og
gildi í endurnýjun lífdaga. Nú prjóna
og hekla landsmenn sem mest þeir
mega og lopafatnaður er orðinn hinn
mesti tískuiðnaður. Lopapeysa er
flott fermingargjöf, klassísk og
praktísk flík og ekki leiðinlegt ef hún
er handprjónuð af væntumþykju.
Að „skrappa“ nýtur einnig auk-
inna vinsælda og fyrir þá sem hafa
nennu til væri ekki úr vegi að kafa
ofan í myndaalbúmin og setja saman
minninga- og myndabók handa ung-
lingnum. Þeir sem geyma mynda-
bankann á tölvutæku og finna ekki
skærin sín, geta nýtt sér vefsíður
þar sem hægt er að búa til myndaal-
búm í ýmsum stærðum og gerðum.
Ein slík er t.d. mypublisher.com en
þar er hægt að hanna hvers konar
myndabækur og fá sendar inn-
bundnar heim.
holmfridur@mbl.is
Morgunblaðið/Árni Sæberg
Hljóð Í Sýrlandi er hægt að fara á talsetningarnámskeið.
Morgunblaðið/Kristinn Ingvarss
Áskrift Forlagið er með hina ýmsu kiljuklúbba.
Morgunblaðið/Árni Sæberg
Ævintýr Flúðasigling er spennandi fermingargjöf.
Morgunblaðið/Ernir
Dans Zúmba er kennt í Kramhúsinu og Nordica Spa.
Hugsað út fyrir
(gjafa)kassann
Morgunblaðið/Frikki
Lopi Heimaprjónuð ullarpeysa er góð í pakkann.