Morgunblaðið - 04.03.2011, Blaðsíða 52

búð, þó vefverslun sé rekin samhliða.
„Ég sá nefnilega að góð og persónu-
leg þjónusta við viðskiptavininn ætti
eftir að skipta miklu máli. Margir
sem koma hingað í búðina hafa mik-
inn áhuga en þekkja hvorki vör-
urnar né áhöldin og þurfa leið-
sögn og hvatningu.“
Sykurmassinn
einstakt efni
Kökur skreyttar með
sykurmassa bragðast rétt
eins og aðrar kökur, og er
sykurmassinn í raun bara
sætt skrautlag. „Það má
setja sykurmassa á allar
gerðir af kökum,“ segir
Kristín. „Sykurmass-
inn er notaður í svip-
uðum tilgangi og
marsipan til skreyt-
inga, nema hvað syk-
urmassinn hefur
mun betri eiginleika
og er þægilegra efni
að vinna með. Til
dæmis má fletja
massann svo þunnt út
að nánast er hægt að sjá
í gegnum hann.“
Massann sjálfan má búa
til með hefðbundnum eld-
húsáhöldum og er flórsykur,
sykurpúðar og vatn uppistaðan.
Þ
egar Kristín Eik Gúst-
afsdóttir komst fyrst í
kynni við þá list að skreyta
kökur með sykurmassa (e.
fondant), þá féll hún kylli-
flöt. „Ég sit reyndar beggja vegna
borðsins, því mér þykir bæði gaman
að gera kökurnar og borða þær,“
segir hún og hlær. „En þegar maður
skreytir köku með sykurmassa er
ímyndunaraflinu nánast engin tak-
mörk sett. Sykurmassinn er frábært
efni sem hægt er að gera úr heilu
skúlptúrana.“
Vin fyrir kökuunnendur
Kristín opnaði í nóvember síðast-
liðnum verslunina Allt í köku á Suð-
urlandsbraut 4. Verslunin er sann-
kölluð vin kökugerðarmannsins og
sérstaklega ætlað að mæta kröfum
kökuskreytingafólks og konfekt-
föndrara. Hugmyndin kviknaði fyrir
röskum tveimur árum þegar Kristín
var í meistaranámi í stjórnun og
stefnumótun við Háskóla Íslands.
„Þetta hófst á því að ég uppgötvaði
konfektgerðina, en rak mig á hvað
ég átti erfitt með að verða mér úti
um aðföng, og torvelt að finna bæði
mótin og hráefnið sem mig vantaði.
Þannig varð til hugmynd að net-
verslun með konfektvörur,“ segir
hún. „Síðan fór ég að gera tilraunir
með kökuskreytingar úr syk-
urmassa og kolféll fyrir því, en aftur
var vandinn sá sami að það þurfti að
hafa mikinn fyrirvara á öllu því
panta þurfti áhöld og efni erlendis
frá og kannski bíða í tvær til þrjár
vikur áður en hægt var að hefjast
handa við baksturinn.“
Verslunin var svo loks opnuð á síð-
asta ári, og varð úr að opna „alvöru“
Morgunblaðið/Árni Sæberg
Kökudýrð Í búðinni má finna allt til alls til að gera fallega köku hvort sem er fyrir fermingarboðið eða bara
hversdags. Kristín Eik (t.h.) með systur sinni og samstarfsfélaga Katrínu Ösp Gústafsdóttur.
Búðin þar sem
allt snýst um
fallegar kökur
Opnaði sérverslun með vörur til kökuskreytinga fyrir
áramót. Skreyting með sykurmassa er listform sem
æ fleiri kynnast og uppbókað er á skreytinga-
námskeið mánuð fram í tímann. Hægt að gera sann-
kölluð listaverk fyrir fermingarveisluna.
52 | MORGUNBLAÐIÐ