Morgunblaðið - 04.03.2011, Blaðsíða 40

40 | MORGUNBLAÐIÐ
S
álmar skipa ekki jafn stóran sess í
fermingarfræðslu og áður var. Sú
var tíðin að fermingarbörn hvers
vors lærðu tugi sálma yfir veturinn
sem þótti sjálfsagt mál. Nú eru hins
vegar breyttir tímar.
„Við skiptum þessu milli höf-
uðskáldanna tveggja. Krakk-
arnir læra Ó faðir gjör mér lítið
ljós eftir Matthías Jochumsson
og Son Guðs ertu með sanni
sem er sálmur Hallgríms Pét-
urssonar. Þetta eru ámóta
margir sálmar og gerist í ferm-
ingarfræðslu í öðrum kirkjum
landsins. Utanbókarlærdómur
er hvarvetna mjög á undanhaldi
– bæði í skólum og kirkjustarfi.
Þeim mun meira er lagt upp úr
hverskonar upplifun og svo al-
mennri fræðslu. Hins vegar eru
ekki nema tvær kynslóðir eða svo
frá því að öll börn lærðu Helga-
kver sem um aldir var trúar-
legur bakgrunnur þjóðarinnar,“
segir sr. Skúli Sigurður Ólafsson
sóknarprestur í Keflavík-
urkirkju.
Listamenn og leiðtogi lífsins
Utan sálma er á mörgu tæpt í ferming-
arfræðslunni. Auk almennra samræðna um líf-
ið og tilveruna læra börnin trúarjáninguna,
tvöfalda kærleiksboðorðið, Litlu biblíuna og
sittlítið fleira.
„Vilji fólk eignast Jesú Krist að leiðtoga lífs-
ins þarf svo margt fleira en að geta þulið sálm-
ana þótt góðir séu,“ segir Skúli sem
bætir við að enn sé þó vinsælt að
gefa fermingarbörnum sálma-
bók að gjöf. Fái stelpurnar fái
hvíta bók en strákarnir svarta,
hvað sem svo ráði þeirri lita-
hefð.
„Krakkarnir eru ótrúlega
fljót að ná því námsefni sem við
prestarnir setjum þeim fyrir í
fermingarfræðslu. Með endur-
tekningu og upprifjun er þetta
fljótt að koma,“ segir sr. Skúli
Sigurður sem bætir við að sam-
vera, til dæmis kvöldfundir og
ferð í sumarbúðir þjóðkirkj-
unnar, sé í dag sjálfsagður hluti
af fermingarfræðslunni. Þá hafi
fermingarbörn í Keflavík einnig
fengið listamenn í heimsókn og
hafi afrakstur þess starfs meðal
annars verið á spunaverki sem
fært var á svið á Ljósanótt – bæjarhátíð Reyk-
nesinga.
sbs@mbl.is
Læra sálma
höfuðskáldanna
tveggja
Nám Krakkarnir fljót að ná efninu sem við setjum fyrir, segir sr. Skúli Sigurður Ólafsson.
Sálmabók Stelpur fá
hvíta bók en strákarnir
svarta, en sú er að
minnsta kosti hefðin.
Matthías og Hallgrímur eru skáld fermingarfræðslunnar. Upplifun trúar í
öndvegi. Sálmabókin er vinsæl fermingargjöf.
Skarthúsið
Laugavegi 44, sími 562 24 66
Flottir
Fylgihlutir
fyrir ferminguna
Mikið úrval af fermingagjöfum
- Úr, seðlaveski og fleiri fylgihlutir
• Hárskraut
• Hanskar
• Krossar
• Eyrnalokkar
• Armbönd o.fl.
Erum á facebook
Ó, faðir gjör
mig lítið ljós
Ó, faðir, gjör mig lítið ljós
um lífs míns stutta skeið,
til hjálpar hverjum hal og drós,
sem hefur villst af leið.
Ó, faðir, gjör mig blómstur blítt,
sem brosir öllum mót
og kvíðalaust við kalt og hlýtt
er kyrrt á sinni rót.
Ó, faðir, gjör mig ljúflingslag,
sem lífgar hug og sál
og vekur sól og sumardag,
en svæfir storm og bál.
Ó, faðir, gjör mig styrkan staf
að styðja hvern sem þarf,
uns allt það pund sem Guð mér gaf,
ég gef sem bróðurarf.
Ó, faðir, gjör mig sigursálm,
eitt signað trúarlag,
sem afli blæs í brotinn hálm
og breytir nótt í dag
Matthías Jochumsson
Son Guðs
ertumeð
sanni
Son Guðs ertu með sanni,
sonur Guðs, Jesús minn,
son Guðs, syndugum manni
sonar arf skenktir þinn,
son Guðs einn eingetinn.
Syni Guðs syngi glaður
sérhver lifandi maður
heiður í hvert eitt sinn.
Hallgrímur Pétursson.