Saga - 2005, Blaðsíða 221

undur gefi þá jafnframt út svarahefti eins gengur og gerist í stærðfræði og
tungumálum. Nei, sagan er ekki raungrein. Markmiðssetning námskrár á
að sjá til þess að við höldum ákveðinni línu í kennslunni. Stefnumörkun af
hálfu höfundar með vali á efni í kennslubók er þá nóg þó að hann fari ekki
líka að semja verkefnin.
Eitt af því sem mér fannst vanta í menningarsöguáfangann sem ég
kenndi var sögulegt yfirlit, það að tengja hvert þema inn í heildarmyndina.
Áfanginn hefur verið mjög þemaskiptur hjá mér og kannski um of byggð-
ur á verkefnavinnu nemenda. Að mínu mati hefur hann orðið of einhæfur
þrátt fyrir mismunandi þemaefni þannig að nemendur verða leiðir á vera
stöðugt í lausu lofti. Ekki það að þeir hafi ekki gott af því að þjálfa sjálfstæð
vinnubrögð, en öllu má nú ofgera. Þess vegna ákvað ég að nota bókina í
áfanganum með það fyrir augum að hún yrði uppfylling á milli verkefna
nemenda. Með fornaldarkaflanum er kjörið að lesa í grískt og rómverskt
samfélag út frá Lýsiströtu Aristofanesar og heimspeki snillinganna þriggja
og fara svo aðeins út í nútímasýn á fornöldinni með Gladiator Ridleys
Scotts. Með miðaldakaflanum lét ég nemendur pæla í heimspeki kirkjunn-
ar manna og sökkva sér ofan í list endurreisnarinnar með þriðja kafla. Allt
tók þetta of langan tíma þannig að 4. kafli, „Frá barokköld til upphafs nú-
tíma“, varð að víkja, sem var miður þar sem kaflinn er skemmtilegur af-
lestrar. 20. öldinni var gert nokkuð hátt undir höfði þar sem nemendur tóku
próf úr þessum kafla og gerðu síðan einhverri listastefnu 20. aldarinnar skil
í ræðu, riti, með myndum og hljóðum eftir því sem við átti. Þess má geta að
ekki hefur áður verið próf í þessum áfanga hjá mér en með þessu kaflaprófi
vildi ég gera mat í áfanganum fjölbreyttara.
Kennslubókin verður áfram skyldulesning í áfanganum hjá mér. En þó
mun ég í framtíðinni fara hraðar yfir sumt efni eða jafnvel sleppa einstök-
um köflum til þess að komast aðeins út fyrir hinn vestræna menningar-
heim. Eins og áður sagði fjallar bókin aðallega um þróun þeirrar menning-
ar sem við teljum okkur tilheyra. Fram að þessari önn hafði ég tekið fyrir
aðra menningarheima, til dæmis hefur menningarheimur múslima verið
stöðugt á dagskrá frá 11. sept. 2001. Indíánamenning hefur t.d. ratað inn í
áfangann hjá mér og einnig menning Forn-Egypta.
„Rosalega er ég orðin leið á þessari kirkjumenningu“ eða eitthvað á þá
leið sagði einn nemandi minn um kennslubókina. Þegar ég innti hana eft-
ir áhugasviði hennar kvaðst hún hafa meiri áhuga á fjarlægari menningar-
heimum, sem ég gerði engin skil í þetta skiptið þar sem ég einbeitti mér að
kennslubókinni. Nemendum fannst bókin yfirleitt auðveld aflestrar og
margir sögðu að hún væri skemmtileg og einhver sagði hana skemmtilegri
en hinar tvær og meinti þá þær bækur sem sami útgefandi hefur gert fyrir
áfangana SAG103 og SAG203.
Útkomu kennslubókarinnar Þættir úr menningarsögu ber að fagna, hún
er kærkominn valkostur fyrir þá sem kenna menningarsöguna en við meg-
R I T D Ó M A R 221
Saga haust 2005-NOTA 23.11.2005 20:11 Page 221