Vera - 01.10.1997, Síða 49
menna seið var að Mamos fannst of mikið
af fjölmiðlum og ekki rétti andinn kvöldið
áður til að framkvæma seiðinn. Eg sat í
leigubílnum með þeim og fannst eins og mig
væri enn að dreyma. Við klifruðum upp
fjallið og í lítilli laut hófst seiðurinn. Eg ætla
ekki að lýsa honum, því það tekur töfrana í
burtu, en innhald athafnarinnar var að við
áttum að sjá fyrir okkur jörðina í framtíð-
inni, síðan voru óskir okkar grafnar í jörð
og þaðan munu þær spretta eins og blóm.
Við komum ekki söm til baka á hótelið,
með bros í sálinni. Eg var með lítinn stein
með mér frá íslandi og ákvað að gefa gamla
seiðmanninum hann, fannst eins og það
væri besta gjöf sem ég gæti fært honum. Og
viti menn, augu hans brostu mót mínum og
hann faðmaði mig innilega. Þeir ákváðu að
sitja með mér um stund svo ég gæti spurt þá
útúr. Þetta var sérstök stund. Skilaboð
þeirra til okkar eru að ef við förum ekki að
hægja á okkur og skilja að jörðin er lifandi
vera sem finnur til í öllum sárunum sem við
höfum valdið henni, munu verndarar henn-
ar ekki geta staðið aðgerðalausir öllu leng-
ur. Þeir sögðust skilja mál fuglanna og jarð-
arinnar og gætu talað við þau. Eg gat ekki
annað en trúað þeim. Þeir kunna aldagaml-
ar aðferðir til að vera í samskiptum við
jörðina. Hofin þeirra eru staðir til að hugsa
skýra hugsun og koma á jafnvægi í kringum
sig.
Smám saman varð hópurinn sem var í
kringunt okkur til að hlusta svo þéttur að
þeir drógu sig í hlé. Eg bauðst til að konia
sögu þeirra á Internetið og var beðin
um að skrifa bréf sem lesa ætti í
þorpinu sem staðfesting á því að ferð
þeirra hefði skilað einhverjum ár-
angri. Þegar ég sat ein inni í herbergi
að reyna að korna bréfinu saman,
skildi ég að það er einn hlutur sem
mannkynið getur sameinast um - að
hugsa um velferð þeirrar veru sem
gefur okkur allt til að við getum þrif-
ist - og markmið fæddist þennan dag.
Ef ég kemst til Kólumbíu næsta ár, á
ég inni heimaboð í þorpið þeirra
lengst uppi í fjöllum Sierra Nevada. Þangað
sem fáir komast nema fuglinn fljúgandi.
Uppruni hátíðarinnar
Það er merkilegt hve rnögnuð þessi hátíð er
orðin á aðeins sjö árum. Hún hófst þegar
óöld ríkti í borginni, sprengjur og morð
stundum daglegt brauð í þá daga og bann-
að að halda fjöldasamkomur. Medellín var
borg þagnarinnar. Þá fékk Fernando Ren-
ando þá hugmynd að halda skáldahátíð
með skáldum héðan og þaðan frá Suður
Ameríku. Aðeins 100 plaköt voru sett upp
til að kynna þetta og viti menn, 1000 manns
mættu til að hlusta á ævintýrin í orðunum,
til að anda Iéttar saman, til að vera til án
ótta. Síðan hefur þetta undið upp á sig með
ótrúlegum hraða og telst nú ein mikilvæg-
asta ljóðahátíð á jörðinni. Heintsskáldin
hafa gert sér grein fyrir því að það er menn-
ingarlegt kraftaverk að gerast í Kólumbíu.
Öll skáldin sem ég spjallaði við voru sam-
rnála því að hvergi annars staðar í lieimin-
um væru aðrir eins áhorfendur, bæði í gæð-
unt og fjölda, ef hægt er að orða það
þannig. Sú staðreynd að hátíðin skuli hafa
orðið að veruleika án stuðnings ríkisstjórn-
ar eða fjársterkra aðila er ótrúleg, því fá-
tæktin þarna fór varla frarn hjá neinum né
sú staðreynd að borgarastríð eru alls ekki
eitthvað sem búið er að leysa.
Það sem einkenndi líka hátíðina var að
hún var blessunarlega laus við allt snobb.
Hún var einlæg á einhvern hátt sem erfitt er
að lýsa með orðum og ég var í krónísku
hamingjukasti allan tímann. Brosið sem
fæddist þar fylgdi mér vikum saman eftir
heimkomuna.
k
i
M
VEGGFOÐRARINN
METRO MALARINN
5KEIFUNNI 8 • S: 581 3500 • 568 7171
ÞAR SEM MÖGULEIKARNIR
Komið og sjáið það nýjasta hjá okkur.
ERU ENDALAUSIR
Metró Veggfóðrarinn Málarinn selur efni
og áhöld til þess að gera heimilið hlýlegt
og fallegt. Sem dæmi má nefna vegg-
fóður og borða í ótrúlegu úrvali, skraut-
lista fyrir bæði veggi og loft og ýmsar gerðir
vegg- og loftrósa. Litríkt úrval af málningu,
til fegrunar jafnt utanhúss sem innan.